Tipisalema
Ka mayextru. Pisalema ya Davhida.
21 Yehovha Xikwembu xa mina, hosi ya tsaka hi matimba ya wena;+
Yi tsaka hintamu hileswi u yi ponisisaka xiswona!+
2 U yi nyike leswi yi swi navelaka,+
A wu yi tsonanga leswi nomo wa yona wu swi kombelaka. (Sela)
3 Hikusa u yi katekisa hi swilo swaswinene hintamu;
U veka harhi ya woru ya lisima hintamu ka nhloko ya yona.+
4 Yi ku kombele wutomi kutani u yi nyikile,+
Wutomi la ku leha, la hi masiku ni masiku.
5 Ya hloniphiwa swinene hi mhaka ya leswi u nga yi ponisa.+
U yi nyike xindzhuti ni ku saseka.
7 Hikusa hosi yi tshemba Yehovha;+
Leswi yi rhandziwaka hi Lweyi A Nga Tlakuka, a yi nge tshuki yi tsekatsekisiwa.+
8 Voko la wena li ta kuma valala va wena hinkwavu;
Voko la wena la xinene li ta kuma lava ku nyenyaka.
9 U ta va helisa ku fana ni loko va hoxiwa ka ndzilu, hi nkama lowu u nga langa ku ta hi wona.
Yehovha a ta va minta na a kwatile naswona va ta helisiwa hi ndzilu.+
10 U ta helisa vatukulu va vona amisaveni,
Ni vana va vona axikarhi ka vanhu.
12 Hikusa u ta yendla swaku va baleka+
Hi ku va kombeta hi ligubu.
13 Humelela Yehovha, u kombisa matimba ya wena.
Hi ta yimbelela hi dzunisa matimba ya wena.