Tipisalema
74 Xikwembu xa mina, hi mhaka muni u hi tshikile swa wugamu?+
Hi mhaka muni u kwatele ntlhambi wa wena?+
2 Khumbuka vanhu lava u nga va kuma khale swinene,+
Lixaka leli u nga li ponisa swaku li va tshomba la wena.+
Khumbuka Ntshava ya Siyoni, leyi u nga tshama ka yona.+
3 Famba ka ndhawu leyi nga ta tshama na yi hahlukelile yi nga na nchumu.+
Nala a wonhe swilo hinkwaswu leswi nga ka ndhawu ya ku kwetsima.+
4 Valala va wena va bongile lomu u gandzeliwaka kona.+
Va nyimise mabandera ya vona swaku ma va swikombiso kolanu.
5 A va fana ni vanhu lava nga khoma mabewula swaku va tsema khwati la ku tlhuma.
6 Va fayetele swifaniso hinkwaswu leswi nga sasekisela tempele+ hi mabewula ni hi tinsimbi.
7 Va hise tempele ya wena.+
Va chakise ni ku wisa tabernakela leyi dzunisaka vito la wena.
8 Vona ni vana va vona va vule leswi ka timbilu ta vona:
“Tindhawu hinkwatu leti ku gandzeliwaka kona Xikwembu atikweni ti fanele ti hisiwa.”
9 A ku na swikombiso leswi hi nga swi vonaka;
A ka ha na muprofeta,
Naswona a nga kona lweyi a swi tivaka xikarhi ka hina swaku swi ta tshamisa leswi anze siku muni.
10 Kasi nala a ta tshamela ku ku poyilela anze siku muni, Xikwembu xa mina?+
Indjhe nala a ta delela vito la wena hi masiku ni masiku?+
11 Hi mhaka muni u nga tirhisi voko la wena, voko la wena la xinene?+
Li tlakuse* u va helisa.
12 Kambe Xikwembu i Hosi ya mina ku sukela khale,
Hi xona lexi ni ponisaka misaveni.+
13 Wena u dunge lwandle hi matimba ya wena;+
U faye tinhloko ta swiharhi swaswikulu swa le lwandle.
14 U pfotlose tinhloko ta xiharhi xaxikulu xa lwandle;*
U xi nyikela ka vanhu lava tshamaka mananga swaku xi va swakudla swa vona.
15 U pfule swihlovo ni tindlela ta mati;*+
U womise minambu leyi mati ya kona a ma tshama na ma tsutsuma.+
16 Hi wena u nga tumbuluxa wusiku ni nhlikanhi.
U yendle ku vonakala ni dlambu.+
18 Yehovha Xikwembu xa mina, khumbuka swaku nala wa ku poyilela,
Swiphunta swi delela vito la wena.+
19 U nga nyiki xiharhi wutomi la xituvani xa wena.
U nga tshuki u li khohlwa wutomi la vanhu va wena lava hluphekaka.
20 Khumbuka ntwananu wa wena,
Hikusa tindhawu ta munyama leti nga misaveni ti txintxe ti va tindhawu ta vanhu va ku rhandza ku lwa.*
22 Pfuka, Xikwembu xa mina u lwela mhaka ya wena.
Khumbuka ndlela leyi xiphunta xi tshamelaka ku ku poyilela hi yona siku hinkwalu.+
23 U nga swi khohlwi leswi valala va wena va swi vulaka.
Guwa la lava ku terekelaka nkama ni nkama li khwela li ya tilweni.