Tipisalema

85 Yehovha Xikwembu xa mina, u li kombe timpsalu tiko la wena;+

U vuyise vana va Yakobe lava a va li awukaraweni.+

 2 Vanhu va wena u va rivalele minandzu ya vona;

U va rivalele* swidjoho swa vona hinkwaswu.+ (Sela)

 3 U tshike ku kwata ka wena hinkwaku;

U tlhelise ku kwata ka wena hinkwaku.+

 4 Tlhela u hi nyika matimba,* wena Xikwembu lexi hi ponisaka,

U nga hi kwateli.+

 6 Indjhe a wu nga ha ta tlhela u hi nyika matimba

Swaku vanhu va wena va ta tsaka hi mhaka ya wena?+

 7 Yehovha+ Xikwembu xa hina, hi kombe swaku wa hi rhandza,

Hi ponise.

 8 Ni ta yingisa leswi Yehovha Xikwembu xa ntiyiso a swi hlayaka,

Hikusa a ta vulavula hi ku rhula ka vanhu va yena+ va ku tshembeka,

Kambe a va tivonele swaku va nga ha titshembi ku tlula mpimu.+

 9 A lunghekele ku ponisa lava mu chavaka,+

Swaku tiko la hina li tala hi ku phatima ka yena.

10 Lirhandzu ni ku tshembeka swi ta tlhangana;

Ku lulama ni ku rhula swi ta famba xikan’we.+

11 Ku tshembeka ku ta hluka amisaveni,

Ku lulama ku ta txuvuka amisaveni na ku li tilweni.+

12 Impela Yehovha a ta humesa swaswinene,+

Ni tiko la hina li ta humesa ntshovelo wa lona.+

13 Ku lulama ku ta famba phambheni ka yena,+

Ku ta yendlela minkondzo ya yena ndlela.