Mahungu Ya Ku Tsakisa Ya Ku Tsaliwa Hi Marka

8 Ka masiku wolawo, ku tlhela ku va ni xitshungu xaxikulu lexi a xi nga na swakudla. Se a vitana vadjondzisiwa va yena a ku: 2 “Ni xi twela wusiwana xitshungu lexi,+ hikusa se xi tshame na mina masiku manharhu naswona a xi na swakudla.+ 3 Loko no xi tlhelisa makaya ni ndlala, xi ta djiyela ndleleni naswona van’wani ka xona va ta hi le kule swinene.” 4 Kambe vadjondzisiwa va yena va mu hlamula va ku: “Hi ta ma kuma kwini mapawu ya ku xurhisa xitshungu lexi hinkwaxu lomu nhoveni?” 5 Se a va vutisa a ku: “Mi ni mapawu mangaki?” Va ku: “Hi ni 7 wa wona.”+ 6 Kutani a byela xitshungu swaku xi tshama hansi. Se a teka 7 wa mapawu, a khensa, a gama a ma khemelela a nyika vadjondzisiwa va yena leswaku va phakela xitshungu, se vadjondzisiwa va ma phakela.+ 7 Naswona a va ni swihlampfaninyana; nkama a nga khensa, a va byele swaku va swi phakela xitshungu. 8 Se va dla va xurha naswona va hlengeletela leswi nga sala, swi tata 7 wa mindzhava yayikulu.+ 9 A ku ni 4.000 wa vavanuna. A gama a va byela swaku va muka.

10 Yesu a nghene hi ku kahlula ka boti ni vadjondzisiwa va yena, va famba va ya aDalmanuta.+ 11 Se Vafarisi va ta, kutani va sungula ku phikizana na yena, va mu ringa+ hi ku mu sindzisa swaku a va yendlela singita leli humaka hi le tilweni. 12 Kutani a vaviseka hintamu mbilwini a ku: “Hi mhaka muni vanhu va nkama lowu* va lava singita?+ Ni tiyisile na mi byela: A ku na singita li nga ta voniwa hi vanhu va nkama lowu.”+ 13 Se a famba a va siya, a ya khwela boti a ya ka tlhelo lelin’wani la lwandle.

14 Kambe vadjondzisiwa va khohlwe ku teka mapawu; a vo va ni pawu lin’we ntsena ka boti.+ 15 Kutani a va basopisa a ku: “Tshamani na mi pfule matihlo naswona tivoneleni ka fermentu* la Vafarisi ni ka fermentu la Heroda.”+ 16 Se va sungula ku holova hileswi a va nga na mapawu. 17 Nkama Yesu a nga swi twa, a ku: “Hi mhaka muni mi holova hileswi mi kalaka mi nga na mapawu? Swi li a mi se swi tiva leswi ni mi byelaka swona? Kasi a mi se swi twisisa? Swa mi karhatela ku twisisa ka timbilu ta n’wina? 18 ‘Mi ni matihlo kambe a mi voni; mi ni tindleve kambe a mi twi.’ A ma ha khumbuki 19 swaku ni phamele 5.000 wa vavanuna hi 5 wa mapawu?+ I mindzhava yingaki yayikulu leyi mi nga yi hlengeleta hi leswi nga sala?” Va mu hlamula va ku: “12 wa yona.”+ 20 “A siku ni nga phamela 4.000 wa vavanuna hi 7 wa mapawu, mi tate mindzhava yingaki yayikulu hi leswi nga sala?” Va mu hlamula va ku: “7 wa yona.”+ 21 Se a ku: “Ni swoswi a mi se swi twisisa?”

22 Nkama a nga fika Betisayida, vanhu va mu tisele munhu wa ku fa matihlo naswona va mu kombela swaku a mu hanyisa.+ 23 Kutani Yesu a khoma wanuna lweyi wa ku fa matihlo hi voko, a mu humesa handle ka xidoropani. Loko se a mu totile marhi ka matihlo,+ a mu tlhateke mavoko a gama a mu vutisa a ku: “U vona xanchumu ke?” 24 Wanuna lweyi a txuvuka henhla a gama a ku: “Ni vona vanhu, kambe va tikomba ingaku i minsinya yi fambafambaka.” 25 Yesu a tlhela a mu khumba matihlo, se a sungula ku vona kahle a tlhela a swi vona khwatsi swilo hinkwaswu. 26 Kutani a mu byela swaku a muka, kambe a ku: “U nga ngheni ka xidoropani lexi.”

27 Kutani Yesu ni vadjondzisiwa va yena va famba va ya ka xidoropani xa Khezariya wa Filipi, naswona na va ha li ndleleni a sungule ku va vutisa a ku: “Kasi vanhu va li hi mina mani?”+ 28 Va ku: “Van’wani va li hi wena Yohani Mutsakamisi,+ van’wanyani va li hi wena Eliya,+ kambe van’wani va li u mun’we wa vaprofeta.” 29 Kutani a va vutisa a ku: “Se n’wina ke, mi li hi mina mani?” Pedru a hlamula a ku: “U Kreste.”+ 30 Se a va kawuka swaku va nga byeli munhu leswaku hi yena mani.+ 31 Naswona a sungula ku va byela leswaku N’wana wa munhu a fanele a xanisiwa hintamu ni ku yaliwa hi madoda, vaprista vavakulu ni vatsali, a gama a dlayiwa,+ kutani a pfuxiwa hi siku la wunharhu.+ 32 A vule marito lawa na a nga chavi nchumu. Kambe Pedru a mu koka va ya tlhelweni a sungula ku mu kawuka.+ 33 Kutani Yesu a ndzuluka, a txuvuka vadjondzisiwa va yena a gama a laya Pedru a ku: “Suka la ka mina Sathana! Hikusa a wu pimisi ku fana ni Xikwembu kambe u pimisa ku fana ni vanhu.”+

34 Yesu a vitana xitshungu ni vadjondzisiwa va yena a ku: “Lweyi a lavaka ku ni landzela, a a titshiki, se a rhwala mhandzi ya yena ya nxaniso* a ni landzela nkama hinkwawu.+ 35 Hikusa lweyi a lavaka ku ponisa wutomi la yena a ta luzekeliwa hi lona; kambe lweyi a luzekeliwaka hi wutomi la yena hi mhaka ya mina ni hi mhaka ya mahungu ya ku tsakisa a ta tlhela a li kuma.+ 36 Hikusa swi siza yini swaku munhu a kuma swilo hinkwaswu swa misava leyi kambe a luzekeliwa hi wutomi la yena ke?+ 37 Indjhe xi kona lexi munhu a nga xavaka wutomi la yena hi xona?+ 38 Hikusa lweyi a nga ni tingana hi mhaka ya mina ni leswi ni swi vulaka ka vanhu va nkama lowu,* va ku kala va nga tshembeki* ni lava nga vadjohi, na yena N’wana wa munhu a ta va ni tingana hi munhu yelweyo+ loko a ta hi ku phatima ka Papayi wa yena na a li ni tintsumi ta ku kwetsima.”+