Mintirho Ya Vapostolo
3 Siku lin’wani, Pedru na Yohani a va ya tempeleni kolomuyani ka ma 15* hi nkama wa xikhongelo. 2 A ku tlakuliwe wanuna lweyi a nga psaliwa na a li xilima, lweyi siku ni siku a a vekiwa ka nyanghwa wa tempele lowu vitaniwaka Nyangwa wa Ku Saseka, swaku a ta kombela zimola ka lava nghenaka tempeleni. 3 Nkama wanuna lweyi a nga vona Pedru na Yohani na va li kusuhi ni ku nghena tempeleni a sungule ku va kombela xanchumu. 4 Kambe Pedru na Yohani va mu txuvukisisa va gama va ku: “Hi txuvuki.” 5 Se a va txuvukisisa na a pimisa swaku va ta mu nyika xanchumu. 6 Kambe Pedru a ku: “A ni na prata, hambi woru a ni na lona, kambe ni ta ku nyika lexi ni nga na xona. Hi vito la Yesu Kreste wa le Nazareta ni li: Famba!”+ 7 Se Pedru a mu khoma hi voko la xinene a mu nyimisa.+ Kutani minenge ya yena yi tiya;+ 8 se a tlula, a sungula ku famba+ a nghena na vona tempeleni na a tlulatlula a dzunisa Xikwembu. 9 Vanhu hinkwavu va mu vonile na a famba a tlhela a dzunisa Xikwembu. 10 Se va vona swaku wanuna lweyi, hi lweyi a a hamba a kombela zimola ka nyanghwa wa tempele+ lowu vitaniwaka Nyangwa wa Ku Saseka, va gama va hlamala swinene va tlhela va tsaka hi mhaka ya leswi nga humelela.
11 Na wanuna yelweyo a ha namarhele Pedru na Yohani, vanhu hinkwavu va hlamala swinene, se va ta ka vona hi ku tsutsuma ka Koredori*+ leli vitaniwaka Koredori la Solomoni. 12 Se nkama Pedru a nga swi vona, a vutise vanhu a ku: “Vavanuna va le Israyele, hi mhaka muni mi hlamalisiwa hi leswi naswona hi mhaka muni mi hi txuvuka ingi hi yo mu yendla a famba hi matimba ya hina kumbe hi mhaka ya ku tinyiketela ka hina ka Xikwembu ke? 13 Xikwembu xa Abrahamu, xa Izaki ni xa Yakobe,+ ku nga Xikwembu xa vavhovho va hina, xi tlakuse Mutirheli wa xona+ Yesu,+ lweyi n’wina mi nga mu nyikela+ ni ku mu yala phambheni ka Pilatu, hambileswi yena a a swi lava ku mu chunsa. 14 Phela mi yale munhu wa ku kwetsima ni wa ku lulama, mi gama mi kombela ku chunseliwa mudlayi,+ 15 kutani mi dlaye Murhangeli Wamukulu wa wutomi.+ Kambe Xikwembu xi mu pfuxile ka lava nga fa; hina hi timboni ta swona.+ 16 Wanuna lweyi mi mu vonaka a hanyisiwile hi vito la Yesu ni hi mhaka ya lipfumelo la hina ka vito la Yesu. Lipfumelo leli hi nga na lona ka Yesu li yendle swaku wanuna lweyi a hanyisiwa phambheni ka n’wina hinkwenu. 17 Se vamakwerhu, na swi tiva swaku n’wina ni tihosi ta n’wina mi yendle minchumu leyi+ hi ku pfumala wutivi.+ 18 Xikwembu xi tshike swilo leswi swi humelela swaku ku hetiseka leswi xi nga swi tivisa vanhu na swi nge se yendleka hi ku tirhisa vaprofeta, ku nga leswaku Kreste a a ta hluphiwa.+
19 “Hi mhaka leyo, tisoleni+ ka mahanyelo ya n’wina, mi txintxa*+ leswaku swidjoho swa n’wina swi ta timiwa,+ swaku Yehovha* a ta mi pepisa 20 a tlhela a rhumela Kreste lweyi A nga mi langela yena, ku nga Yesu, 21 lweyi tilo li faneleke li mu khoma anze ku fika nkama wa ku pfuxetiwa ka swilo hinkwaswu leswi Xikwembu xi nga vulavula hi swona hi ku tirhisa vaprofeta va khale va ku kwetsima. 22 Phela Moxe a te: ‘Yehovha* Xikwembu xa n’wina a ta mi langela muprofeta wa ku fana na mina xikarhi ka vamakwenu.+ Mi fanele mi yingisa hinkwaswu leswi a nga ta mi byela swona.+ 23 Lweyi a kalaka a nga mu yingisi Muprofeta lweyo, a ta helisiwa swa wugamu.’+ 24 Naswona vaprofeta hinkwavu, ku sukela ka Samuwele ku ya phambheni, na vona va vulavule hi masiku lawa.+ 25 N’wina mi vana va vaprofeta ni va ntwananu lowu Xikwembu xi nga wu yendla ni vapapayi va n’wina;+ xi byele Abrahamu xi ku: ‘Mindjangu hinkwayu amisaveni yi ta katekisiwa hi mhaka ya vana* va wena.’+ 26 Nkama Xikwembu xi nga rhumela Mutirheli wa xona, xi rhange xi mu rhumela ka n’wina+ swaku a ta mi katekisa hi ku mi tshikisa mintirho ya n’wina ya ku biha.”