Ruti
2 Elimeleki nuna wa Nawomi a a li ni xaka la ku ganya hintamu; vito la lona a ku li Bowazi.+
2 Ruti wa Mumowabu a byela Nawomi a ku: “Ni kombela ku ya masin’wini, ni ya tshovela*+ leswi siyiwaka hi lava tshovelaka, ni landza mun’wani ni mun’wani lweyi a nga ta ni twela wusiwana.” Se Nawomi a ku: “Famba n’wananga.” 3 Kutani a famba a ya sungula ku tshovela leswi a swi siyiwa hi vatshoveli amasin’wini na a va landza hi ndzhaku. A nghene ka masimu ya Bowazi+ lweyi a a li xaka la Elimeleki+ na a nga swi tivi. 4 Se Bowazi a fika amasin’wini na a ta hi Betlehema, a byela lava a va tshovela a ku: “Yehovha a a ve na n’wina.” Na vona va mu hlamula va ku: “Yehovha a a ku katekisi.”
5 Bowazi a vutisa djaha leli a li vonelela lava a va tshovela a ku: “A ntombhi leyi i ya ka mani?” 6 Kutani djaha leli li mu hlamula li ku: “Ntombhi leyi i Mumowabu,+ hi leyi yi nga vuya na Nawomi hi ka tiko la Mowabu.+ 7 Yi fike yi ku: ‘Ni kombela ku tshovela+ leswi siyiwaka hi lava va tshovelaka ni ku rholela leswi nga ta sala ka tinyandza ta leswi nga tshoveliwa.’ Phela ku sukela yi fika lani nimixo, hi kona swoswi yi humulaka ka ndzhuti.”
8 Bowazi a byela Ruti a ku: “Yingisa n’wananga, u nga yi u ya tshovela ka masimu man’wani, funtshi u nga ha yi ka ndhawu yin’wani; tshovela kusuhi ni vatirhi va mina va tintombhi.+ 9 Tshovela ka masimu lawa va nga ta tshovela ka wona, na u va landza hi ndzhaku. Ni byele vatirhi va mina va madjaha swaku va nga ku karhati.* Loko u twa torha, famba ka makhuwani u ya phuza mati lawa ma nga khiwa hi vatirhi va mina.”
10 Se Ruti a khizama a txuvuka hansi a ku: “Hi mhaka muni u va ni timpsalu u tlhela u va ni mhaka na mina, kuve a ni wa tiko leli?”+ 11 Bowazi a mu hlamula a ku: “Va ni byele hinkwaswu leswi u nga swi yendlela n’wingi wa wena nkama nuna wa wena a nga fa, ni swaku u siye papayi wa wena, mamani wa wena ni tiko la maxaka ya wena, u ta ka vanhu lava u kalaka u nga va tivi.+ 12 Yehovha a a ku katekisi hi mhaka leswi u nga swi yendla,+ funtshi Yehovha Xikwembu xa Israyele, lweyi u nga ta tumbela ka yena* a a ku hakeli hintamu swinene hi leswi u nga swi yendla.”+ 13 Se Ruti a ku: “Khanimambu hosi ya mina, tama u va ni timpsalu ka mina, hikusa u ni tiyisile funtshi leswi u nga swi hlaya swi ni thove mbilu hambileswi ni kalaka ni nga li mutirhi wa wena.”
14 Hi nkama wa ku dla, Bowazi a byela Ruti a ku: “Tani u ta dla pawu u txovela ka vhinagri.”* Se a tshama tlhelweni ka lava a va tshovela. A gama Bowazi a mu nyika mbhacha, a dla a xurha, yi tlhela yi sala. 15 Nkama a nga sekeleka swaku a ya tshovela,+ Bowazi a byele vatirhi va yena va madjaha a ku: “Mu tshikeni a rholela ni ka leswi swi nga xikarhi ka tinyandza ka leswi nga siyiwa hi lava tshovelaka, mu nga mu karhati.+ 16 Funtshi nkama mi tshovelaka, siyani swin’wani hi maxiwomu swaku a ta rholela, mi nga mu tsimbisi.”
17 Ruti a tame a tshovela masin’wini anze nimadlambu.+ A nkama a nga khumuzela leswi a nga swi tshovela, a kume kolomuyani ka 13 wa makilu* ya maxalani.* 18 Kutani a ma rhwala a muka na wona, n’wingi wa yena a fika a ma vona. Ruti a gama a humesa swakudla leswi a nga dla a swi siya+ a nyika n’wingi wa yena.
19 Se n’wingi wa yena a ku: “U tshovele kwini namuntlha? A wu tirha kwini? A a katekisiwi lweyi a nga ku twela wusiwana.”+ Kutani Ruti a byela n’wingi wa yena hi munhu lweyi a nga tirha ka masimu ya yena a ku: “Vito la munhu lweyi ni nga tirha ka masimu ya yena namuntlha i Bowazi.” 20 Nawomi a byela Ruti a ku: “A a katekisiwi hi Yehovha, lweyi a rhandzaka lava hanyaka ni lava nga fa.”+ Nawomi a tlhela a ku: “Phela wanuna lweyo i xaka la hina.+ I mun’we wa lava nga ni mfanelo ya ku hi ponisa ka swikarhatu swa hina.”*+ 21 Kutani Ruti wa Mumowabu a ku: “A tlhele a ni byela a ku: ‘U fanele u va kusuhi ni vatirhi va mina anze va heta ku tshovela.’”+ 22 Nawomi a byela Ruti a ku: “N’wananga, swa yampsa u famba ni vatirhi va yena va tintombhi, ku tlula ku ya karhatiwa ka masimu man’wani.”
23 Se a famba a ya tshovela ni vatirhi va Bowazi va tintombhi anze ntshovelo wa maxalani*+ ni wa trigu wu hela. Funtshi a tama a tshama ni n’wingi wa yena.+