• Marka 8:27-29
    Wuhundzuluxeli La Misava Ya Nyuwani La Matsalwa Ya Ku Kwetsima

    • 27 Kutani Yesu ni vadjondzisiwa va yena va famba va ya ka xidoropani xa Khezariya wa Filipi, naswona na va ha li ndleleni a sungule ku va vutisa a ku: “Kasi vanhu va li hi mina mani?”+ 28 Va ku: “Van’wani va li hi wena Yohani Mutsakamisi,+ van’wanyani va li hi wena Eliya,+ kambe van’wani va li u mun’we wa vaprofeta.” 29 Kutani a va vutisa a ku: “Se n’wina ke, mi li hi mina mani?” Pedru a hlamula a ku: “U Kreste.”+

  • Luka 9:18-20
    Wuhundzuluxeli La Misava Ya Nyuwani La Matsalwa Ya Ku Kwetsima

    • 18 Siku lin’wani na Yesu a li ku khongeleni na a li yexe, vadjondzisiwa va yena va mu yela, se a va vutisa a ku: “Kasi xitshungu xi li hi mina mani?”+ 19 Va mu hlamula va ku: “Van’wani va li hi wena Yohani Mutsakamisi, van’wanyani va li hi wena Eliya, kambe van’wani va li u mun’we wa vaprofeta va khale lweyi a nga pfuka ku feni.”+ 20 Kutani a ku: “Se n’wina ke, mi li hi mina mani?” Pedru a mu hlamula a ku: “Hi wena Kreste lweyi a nga rhumiwa hi Xikwembu.”+