Pedru Wa Ku Sungula
3 Hi ku fana, n’wina vavasati, tivekeni hansi ka vanuna va n’wina,+ leswaku loko vanuna va n’wina va nga yingisi rito, va ta kokiwa hi mahanyelo ya n’wina na mi nga zanga mi vula nchumu,+ 2 hikusa va ta va va vone mahanyelo ya n’wina yamanene+ ni xihlonipho xa n’wina xaxikulu. 3 Mi nga tisasekisi hi le handle ntsena, hi ku luka misisi ni ku yambala swiphatiphati swa woru+ kumbe mpahla ya ku durha, 4 kambe sasekisani munhu wa le ndzeni,* ku nga leswi mi nga swona mbilwini, hi ku va va ku rhula+ mi tlhela mi vevuka, ku nga mpahla ya ku kala yi nga wonheki ni leyi nga ya lisima swinene ka Xikwembu. 5 Hikusa leyo i ndlela leyi vavasati va ku kwetsima va khale lava a va tshemba Xikwembu a va tisasekisa hi yona, va tiveka hansi ka vanuna va vona, 6 ku fana na Sara lweyi a a yingisa Abrahamu, a mu vitana swaku i hosi.+ Kutani mi ta va vana va yena, ntsena loko mi tama mi yendla swaswinene mi tlhela mi nga chavi nchumu.+
7 Na n’wina vavanuna, tamani mi hanya ni vasati va n’wina hi ku twisisa. Mi va hlonipha+ hikusa va fana ni xibya xa ku kala xi nga tiyanga, leswaku swikhongelo swa n’wina swi nga pfaleliwi hikusa na vona va ta nyikiwa wutomi na n’wina.+
8 Xa wugamu, n’wina hinkwenu mi fanele mi va ni mimpimiso ya ku fana,+ mi twelana wusiwana, mi rhandzana, mi kombana timpsalu+ mi tlhela mi tiveka hansi.+ 9 Mi nga tlheliseli swa ku biha hi swa ku biha+ kumbe mi rhuketela lweyi a mi rhuketelaka,+ kambe mu tlheliseleni hi ku mu katekisa+ hikusa hi leswo mi nga vitaneliwa swona leswaku mi ta katekisiwa.
10 Hikusa “lweyi a navelaka ku tikhorisa hi wutomi ni ku hanya masiku ya manyingi, a fanele a fuma lirimi la yena leswaku li nga vulavuli swa ku biha+ ni nomo wa yena swaku wu nga vulavuli mavunhwa. 11 Kambe a a fambeli kule ni swa ku biha+ a yendla swaswinene;+ a a lavi ku rhula a tlhela a ku hlayisa.+ 12 Hikusa matihlo ya Yehovha* ma txuvuke va ku lulama ni tindleve ta yena ta xi yingisa xikhongelo xa vona,+ kambe Yehovha* a va komba nhlana lava yendlaka swa ku biha.”+
13 Vhela, i mani lweyi a nga ta mi vavisa loko mi lwela ku yendla swaswinene?+ 14 Tsakani hambiloko mi hlupheka hi mhaka ya swa ku lulama.+ Kambe mi nga swi chavi leswi va swi chavaka* kumbe mi karhateka.+ 15 Dzunisani Kreste tanihi lweyi a kwetsimaka ka timbilu ta n’wina hikusa i Hosi, mi tshama mi lunghekele ku tihlamulela ka mun’wani ni mun’wani lweyi a lavaka ku tiva hi ta ntshembo lowu mi nga na wona, kambe mi swi yendla hi ku rhula+ ni hi xihlonipho xaxikulu.+
16 Tshamani na mi ni lipfalu lalinene,+ leswaku lava mi lumbetaka va ta dana+ loko va vona mahanyelo ya n’wina yamanene hileswi mi nga valandzeli va Kreste.+ 17 Hikusa swa yampsa ku xaniseka hi mhaka ya ku yendla swaswinene,+ loko leswo ku li ku rhandza ka Xikwembu, ku tlula ku xaniseka hi mhaka ya ku yendla swa ku biha.+ 18 Phela Kreste a fe kan’we swi helela kolanu, a fela swidjoho+ swa lava kalaka va nga lulamanga,+ leswaku a mi yisa ka Xikwembu.+ A dlayiwe na a li munhu wa nyama,+ kambe a pfuxiwa na a ni muzimbha wa moya.+ 19 Nkama a a li munhu lweyi a a ni muzimbha wa moya a tlhele a ya chumayela tintsumi leti nga petiwa djele,+ 20 leti kalaka ti nga yingisanga hi nkama wa Nowa,+ loko Xikwembu xa ha rindzile hi ku lehisa mbilu nkama ngalava a ya ha yakiwa,+ leyi nga ponisa vanhu vatsongo ntsena ka ndhambi, ku nga 8 wa vona.+
21 Na n’wina ma ponisiwa hi nchumu wa ku fana ni lowu, ku nga ntsakamiso, (ku nga li hi ku susa chaka ka muzimbha kambe hi ku kombela lipfalu lalinene ka Xikwembu),+ hi ku pfuxiwa ka Yesu Kreste ka lava nga fa. 22 A le ka voko la xinene la Xikwembu,+ hikusa a ye tilweni naswona tintsumi, tihosi ni lava nga ni matimba va vekiwe hansi ka yena.+