Pedru Wa Ku Sungula
2 Txukumetani wubihi hinkwalu,+ wukanganyisi, wukwele ni ku lumbetana hinkwaku. 2 Ku fana ni swivanani leswi swa ha ku psaliwaka,+ lwelani ku navela leiti leli taka hi ka rito la Xikwembu la ku kala li nga patsiwanga ni nchumu, leswaku hi ku tirhisa lona mi ta kula, kutani mi ponisiwa.+ 3 Hikusa mi swi vonile* swaku Hosi yi ni timpsalu.
4 Se mi ye ka yona hileswi yi nga ribye leli hanyaka; Xikwembu xi yi langile naswona i ya lisima ka xona,+ hambileswi vanhu va nga yi nyenya.+ 5 Leswi na n’wina mi nga maribye lama hanyaka, mi yindlo leyi nga ku yakiweni hi matimba ya moya wa ku kwetsima wa Xikwembu,+ leswaku mi ta va vaprista lava kwetsimaka, lava nga ta nyikela magandzelo hi ku pfuniwa hi moya wa ku kwetsima wa Xikwembu+ lawa ma yamukelekaka ka xona hi ku tirhisa Yesu Kreste.+ 6 Hikusa Tsalwa li li: “Vonani! Ni veka ribye leli nga langiwa Siyoni, ribye la lisima leli nga ta vekiwa ka ponta ya masungulo;* naswona lweyi a pfumelaka ka lona a nge tshuki a daniseka.”+
7 Se i wa lisima ka n’wina hikusa mi vapfumeli; kambe ka lava kalaka va nga pfumeli, a “ribye leli vayaki va nga li yala,+ hi lona leli nga va ribye la lisima hintamu,”*+ 8 ni “ribye lalikulu leli wisaka vanhu li tlhela li va kwatisa.”+ Va wa hikusa a va li yingisi rito. Hi leswo swi nga ta va yendlekela. 9 Kambe n’wina mi “vanhu lava nga langiwa, vaprista va le wuhosini, tiko la ku kwetsima,+ tiko leli nga langiwa swaku li va la Xikwembu,+ leswaku ka tindhawu hinkwatu mi ta chumayela mintirho ya ku hlamalisa”+ ya Lweyi a nga mi vitana mi huma ka munyama mi nghena ka ku vonakala ka yena ka ku hlamalisa.+ 10 Hikusa khale a mi nga li tiko, kambe swoswi mi tiko la Xikwembu;+ khale a mi nga kombiwi timpsalu, kambe swoswi se mi kombiwile timpsalu.+
11 Vamakwerhu va ku rhandzeka, na mi kombela, leswi mi nga vanhu va tiko lin’wani ni vatshami va nkamanyana,+ fambelani kule ni ku navela ka xidjoho,+ loku lwaka na n’wina.+ 12 Hanyani hi ndlela yayinene xikarhi ka vanhu va matiko,+ leswaku loko vo tshuka va mi lumbeta hi ku vula swaku mi vadjohi, va ta vona mintirho ya n’wina yayinene+ se va dzunisa Xikwembu hi siku la xona la ku kambela.
13 Hi mhaka ya Hosi, tivekeni hansi ka hinkwavu+ lava fumaka, hambi ku li hosi+ hikusa yi tlakukile 14 hambi ku li vagovhernadori lava nga rhumiwa hi yona swaku va ta khatisa lava yendlaka swa ku biha ni ku dzunisa lava yendlaka swaswinene.+ 15 Hikusa Xikwembu xi lava swaku hi mintirho ya n’wina yayinene, mi pfala minomo ya lava mi lumbetaka hileswi va kalaka va nga tivi nchumu.+ 16 Vanani vanhu lava nga chunseka,+ kambe mi tirhisa ku chunseka ka n’wina ku fana ni vatirheli va Xikwembu,+ mi nga ku yendli xivhikelo xa swa ku biha.+ 17 Hloniphani vanhu hinkwavu,+ rhandzani vamakwerhu hinkwavu,+ chavani Xikwembu,+ mi hlonipha hosi.+
18 Vatirhi a va tiveke hansi ka vapatrao va vona hi ku va hlonipha hi ku helela,+ va nga yendli leswo ntsena ka lava nga vanene ni lava pimiselanaka, kambe ni ka lava swi karhataka ku va tsakisa. 19 Hikusa loko munhu a tiyisela loko a xanisiwa ni loko a ringiwa hi mhaka ya lipfalu la yena ka Xikwembu, xa tsaka hileswi a swi yendlaka.+ 20 Swi pfuna yini ku tiyisela ku biwa hileswi mi nga djoha?+ Kambe loko mi yendla swaswinene mi gama mi xanisiwa kutani mi tiyisela, Xikwembu xa tsaka hi leswo.+
21 Phela mi vitaneliwe swoleswo, hikusa hambi Kreste a xanisekile hi mhaka ya n’wina,+ a mi vekela xikombiso leswaku mi ta landzelela minkondzo ya yena.+ 22 A nga djohanga+ naswona a nga kanganyisanga munhu.+ 23 Loko a rhuketeliwa+ a nga tlheliselanga.+ Loko a xanisiwa,+ a nga tlheliselanga kambe a swi tshike ka mavoko ya Lweyi a yavanyisaka+ hi ku lulama. 24 Yena hi yexe a rhwale swidjoho swa hina+ ka muzimbha wa yena amhandzini,*+ leswaku hi fa ka swidjoho kutani hi hanya hi ku lulama. Naswona “swilondza swa yena swi yendle swaku mi hola.”+ 25 Hikusa a mi fana ni tinyempfu ta ku lahleka;+ kambe swoswi mi tlhelile ka murisi+ ni ka muvoneleli wa wutomi la n’wina.