Vaheberu
1 Khale ka khaleni, Xikwembu xi vulavule ni vavhovho va hina hi ku tirhisa vaprofeta minkama ya yinyingi ni hi tindlela ta ku hambanahambana.+ 2 Se ka masiku lawa ya wugamu xi vulavule na hina hi ku tirhisa N’wana,+ lweyi xi nga mu veka swaku a dla tshomba la swilo hinkwaswu+ ni lweyi xi nga mu tirhisa swaku xi yendla misava.+ 3 Hi yena xikombiso xa ku phatima ka Xikwembu+ ni xifaniso xa xona xa ntiyiso,+ naswona a seketela swilo hinkwaswu hi rito la xona la matimba. Naswona nkama a nga heta ku basisa swidjoho swa hina,+ a tshame ka voko la xinene la Xikwembu atilweni.+ 4 Kutani a tlakukile ku tlula tintsumi+ lakakuva a kume vito la ku tlula mavito ya tona.+
5 Hi xikombiso, hi yihi ntsumi leyi Xikwembu xi nga tshama xi yi byela leswi: “U n’wana wa mina; namuntlha ni papayi wa wena”?+ Xi tlhela xi ku: “Ni ta va papayi wa yena, yena a ta va n’wana wa mina”?+ 6 Kambe nkama xi nga ta tlhela xi tisa Matevula+ ya xona misaveni xi li: “Naswona tintsumi hinkwatu ta Xikwembu a ti mu khizamele.”
7 Naswona xi vula leswi hi tintsumi: “A yendla swaku tintsumi ta yena ti va ni matimba yamakulu a tlhela a yendla swaku vatirheli va yena+ va va ndzilu lowu pfurhaka.”+ 8 Kambe ka N’wana xi li: “Xikwembu i xitshamu xa wena xa wuhosi+ hi masiku ni masiku naswona nhonga ya wuhosi ya Mfumu wa wena i nhonga ya wuhosi ya wululami. 9 U rhandze ku lulama naswona u nyenye swa ku biha. Hi leswo swi nga yendla swaku Xikwembu, Xikwembu xa wena xi ku tota+ hi mafurha xi tlhela xi ku yendla u tsaka hintamu ku tlula tihosi tin’wani.”+ 10 Naswona: “Ku sunguleni wena Hosi, u yendle masungulo* ya misava, naswona u yendle matilo hi mavoko ya wena. 11 Ma ta helisiwa kambe wena u ta tshama na u li kona; hinkwawu ma ta hlakala ku fana ni mpahla, 12 u ta ma petsa ku fana ni nguvu kutani ma ta txintxiwa. Kambe wena a wu txintxi ni malembe ya wena a ma nge heli.”+
13 Naswona hi yini ntsumi leyi xi nga tshama xi yi byela leswi: “Tshama ka voko la mina la xinene anze ni veka valala va wena hansi ka minkondzo ya wena”?+ 14 Kasi hinkwatu a hi tintsumi leti yendlaka ntirho wa ku kwetsima,+ leti nga rhumiwa ku ya tirhela lava nga ta dla tshomba la ku ponisiwa?