Vafilipiya

2 Loko mi ni marito ya ku tiyisa Vakreste van’wani, ni loko mi ni marito ya ku tiyisa van’wani hi lirhandzu, ni loko mi hlayisana, ni loko mi rhandzana ni ku twelana wusiwana, 2 swi yendleni leswaku ni ta tsaka hintamu hi ku vona swaku mi ni mimpimiso ya ku fana, mi ni lirhandzu la ku fana, ma twanana ka swilo hinkwaswu ni leswaku mi pimisa ku fana.+ 3 Mi nga yendli nchumu hi ku phikizana+ kumbe hi ku tibyela,+ kambe tivekeni hansi mi teka van’wani va li va lisima ku tlula n’wina,+ 4 mi nga pimiseni hi leswi pfunaka n’wina ntsena,+ kambe pimiselani ni van’wani.+

5 Tamani mi pimisa ku fana na Kreste Yesu,+ 6 lweyi hambileswi a a fana ni Xikwembu,+ a nga zanga a pimisa ku lwela ku tiringanisa ni Xikwembu.+ 7 Kambe a tshike swilo hinkwaswu leswi a a li na swona kutani a fana ni xikarawa+ a va munhu.+ 8 Loko a tile ku fana ni munhu, a tiveke hansi, a yingisa anze a ya fa,+ a fa ka mhandzi ya nxaniso.*+ 9 Kutani Xikwembu xi mu tlakusile hintamu,+ naswona hi timpsalu xi mu nyika vito leli nga henhla ka mavito hinkwawu,+ 10 leswaku hinkwavu lava nga tilweni, lava nga misaveni ni lava nga hansi ka misava,* va khizama hi vito la Yesu,+ 11 naswona vanhu va tirimi hinkwatu va fanele va pfumela leswaku Yesu Kreste i Hosi,+ leswaku ku dzunisiwa Xikwembu Papayi.

12 Kutani varhandziwa, ku fana ni leswi mi yingisaka, ku nga li ntsena loko ni li na n’wina kambe ngopfungopfu ni loko ni nga li kona, tamani mi tirhela ku ponisiwa ka n’wina hi ku chava ni ku rhurhumela. 13 Hikusa Xikwembu xi yendla swilo hi ndlela leyi xi yi tsakelaka, xi mi nyika ku navela ni matimba ya ku yendla hinkwaswu leswi xi swi lavaka. 14 Yendlani swilo hinkwaswu na mi nga nguranguri+ kumbe ku kanetana,+ 15 leswaku mi nga soliwi mi tlhela mi nga na nandzu, mi va vana va Xikwembu+ lava kalaka va nga na xisolo hambileswi mi hanyaka ni vanhu va ku biha lava yendlaka swa ku biha,+ lava mi voningaka xikarhi ka vona ku fana ni swa ku voninga amisaveni.+ 16 Khomani swi tiya ka rito la wutomi.+ Kutani ni ta va ni xa ku tsaka hi xona ka siku la Kreste, hi ku tiva swaku a ni tsutsumanga mahala kumbe ku tirha hi matimba ni tirhela swa mahala. 17 Kambe hambiloko ni chululiwa ku fana ni gandzelo la vhinyu,+ ni yendla gandzelo+ leli na n’wina mi li yendlaka ni ntirho lowu mi wu yendlelaka Xikwembu hi ku tshembeka. Na tsaka swinene na n’wina hinkwenu. 18 Hi ku fana, na n’wina mi fanele mi tsaka swinene na mina.

19 Kutani na tshemba swaku loko Hosi Yesu a swi lava, ni ta hantla ni rhuma Timotiya+ swaku a ta ka n’wina, leswaku ni ta tiyisiwa hi ku twa mahungu ya n’wina. 20 Hikusa a ni na mun’wani wa ku fana na yena lweyi a nga ta mi hlayisa hi mbilu hinkwayu. 21 Hikusa lavan’wani hinkwavu va tilavela leswi pfunaka vona ntsena, ku nga li leswi laviwaka hi Yesu Kreste. 22 Kambe ma swi tiva swaku yena a nga tshamisanga leswo, hikusa a tirhe na mina ka ku chumayela mahungu ya ku tsakisa ku fana ni n’wana+ lweyi a tirhisanaka ni papayi wa yena. 23 Kutani hi yena ni tshembaka swaku ni ta mu rhuma loko se ni ta va ni swi vonile leswi nga ta ni humelela. 24 Vhela, ni tshemba swaku loko Hosi yi swi lava na mina a ni nga ta hlwela ku ta.+

25 Kambe swoswi ni swi vona na swi li swinene ku rhuma makwerhu Epafrodito swaku a ta ka n’wina, lweyi hi tirhaka xikan’we, hi nga masonchwa xikan’we ni lweyi mi nga mu rhuma swaku a ta ni pfuna,+ 26 hikusa wa mi xuva n’wina hinkwenu naswona a karhateka hintamu hileswi mi nga twa swaku a a vabya. 27 Vhela a a vabya swinene a za a lava ni ku fa, kambe Xikwembu xi mu kombe timpsalu; a xi kombanga yena ntsena kambe na mina, leswaku ni nga xukuvali hintamu ku tlula leswi ni nga xukuvalisa xiswona swoswi. 28 Kutani ni mu rhuma hi ku hantlisa swinene swaku a ta ka n’wina, leswaku loko mi mu vona mi ta tlhela mi tsaka naswona mina ni nga ha vileli hintamu. 29 Se mu yamukeleni hi ku tsaka kakukulu ku fana ni leswi mi va yamukelisaka xiswona vadjondzisiwa va Hosi. Va hlonipheni vanhu va ku tshamisa leswo.+ 30 A ku sale katsongo swaku a fa hi mhaka ya ntirho wa Kreste,* naswona a veke wutomi la yena nghozini hi mhaka ya mina, hileswi a mi nga li kona swaku mi ta ni pfuna.+