Yoxuwa

21 Se varhangeli va mindjangu ya Valevhi va ya ka muprista Eliyazari,+ Yoxuwa n’wana wa Nuni ni le ka varhangeli hinkwavu va tinxaka ta Israyele, 2 va fika va vulavula na vona aXilo+ ka tiko la Kanana, va ku: “Yehovha a byele Moxe swaku mi hi nyika madoropa ya ku tshama ka wona, ni tindhawu ta ku lusela kona swifuyu swa hina.”+ 3 Se Vayisrayele va nyika Valevhi madoropa+ ni tindhawu ta ku lusela ka tona swifuyu swa vona axikarhi ka tshomba la vona,+ hi ku ya hi leswi Yehovha a nga va byela swona.

4 A nkama ku nga hoxiwa swiribyani,* xa ku sungula xi kombeta mindjangu ya Vakohata,+ se Valevhi lava a va li vana va muprista Aroni va nyikiwa 13 wa madoropa lawa a ma lumba lixaka la ka Yuda,+ lixaka la Simiyoni+ ni lixaka la ka Benjamini.+

5 Vakohata lavan’wani hinkwavu va nyikiwa 10 wa madoropa lawa a ma lumba mindjangu ya lixaka la Efrayimi,+ lixaka la Dani ni hafu ya lixaka la Manasi.+

6 Va ka Jersoni+ va nyikiwe 13 wa madoropa lawa a ma lumba mindjangu ya lixaka la ka Isakara, lixaka la Aseri, lixaka la Naftali ni hafu ya lixaka la Manasi aBaxani.+

7 Va ka Merari+ va nyikiwe 12 wa madoropa hi ku ya hi mindjangu ya vona, lawa a ma lumba lixaka la ka Rubeni, lixaka la ka Gadi ni lixaka la ka Zebuloni.+

8 Se Vayisrayele va nyika Valevhi madoropa ni tindhawu ta ku lusela ka tona, hi ku ya hi leswi Yehovha a nga byela Moxe.+

9 Hi lawa mavito ya madoropa lawa ma nga langiwa ka tshomba la lixaka la Yuda ni ka lixaka la Simiyoni,+ 10 lawa ma nga nyikiwa vana va Aroni va mindjangu ya Vakohata va Valevhi hikusa swiribyani swi rhange swi kombeta vona nkama swi nga hoxiwa. 11 Va va nyike doropa la Kiriyati-Ariba,+ ku nga Hebroni,+ ka ndhawu ya tintshava ya Yuda ni tindhawu ta ku lusela ka tona. (Ariba a a li papayi wa Anaki.) 12 Kambe masimu ya doropa leli ni swidoropani swa kona va nyike Kalebe n’wana wa Yefune swaku swi va tshomba la yena.+

13 Va nyike vana va muprista Aroni doropa la ku tumbela ka lona, leli munhu lweyi a nga dlaya munhu mun’wani a a ta balekela ka lona,+ ku nga Hebroni+ ni tindhawu ta ku lusela ka tona; va tlhele va va nyika ni Libina+ ni tindhawu ta ku lusela ka tona, 14 Yatiri+ ni tindhawu ta ku lusela ka tona, Exitemoya+ ni tindhawu ta ku lusela ka tona, 15 Oloni+ ni tindhawu ta ku lusela ka tona, Debiri+ ni tindhawu ta ku lusela ka tona, 16 Ayini+ ni tindhawu ta ku lusela ka tona, Yuta+ ni tindhawu ta ku lusela ka tona ni Beti-Xemexi ni tindhawu ta ku lusela ka tona, va nyikiwe 9 wa madoropa lawa a ma lumba lixaka la Yuda ni lixaka la Simiyoni.

17 Ka lixaka la Benjamini va nyikiwe Gibiyoni+ ni tindhawu ta ku lusela ka tona, Jeba ni tindhawu ta ku lusela ka tona,+ 18 Anatoti+ ni tindhawu ta ku lusela ka tona, Alimoni ni tindhawu ta ku lusela ka tona, a ku li 4 wa madoropa.

19 Madoropa hinkwawu lawa ma nga nyikiwa vatukulu va Aroni, lava a va li vaprista, a ku li 13 wa madoropa ni tindhawu ta ku lusela ka tona.+

20 Mindjangu leyin’wani hinkwayu ya Vakohata leyi a yi li xikarhi ka Valevhi yi nyikiwe madoropa lawa a ma lumba lixaka la Efrayimi. 21 Va va nyike doropa la ku tumbela ka lona,+ leli munhu lweyi a nga dlaya munhu mun’wani a a ta balekela ka lona, ku nga Xikemi+ ni tindhawu ta ku lusela ka tona ka ndhawu ya tintshava ya Efrayimi, va tlhele va va nyika ni Jezeri+ ni tindhawu ta ku lusela ka tona, 22 Kibizayimi ni tindhawu ta ku lusela ka tona ni Beti-Horoni+ ni tindhawu ta ku lusela ka tona, a ku li 4 wa madoropa.

23 Ka lixaka la ka Dani, va nyikiwe Elteki ni tindhawu ta ku lusela ka tona, Jibetoni ni tindhawu ta ku lusela ka tona, 24 Ayiyaloni+ ni tindhawu ta ku lusela ka tona, Gati-Rimoni ni tindhawu ta ku lusela ka tona, a ku li 4 wa madoropa.

25 Ka hafu ya lixaka la Manasi, va nyikiwe Tanaki+ ni tindhawu ta ku lusela ka tona ni Gati-Rimoni ni tindhawu ta ku lusela ka tona, a ku li madoropa mambirhi.

26 Madoropa hinkwawu ni tindhawu ta ku lusela ka tona leti nga nyikiwa mindjangu leyin’wani ya Vakohata, a ku li 10 wa wona.

27 Hafu ya lixaka la Manasi yi nyike Vajersoni+ lava a va li va mindjangu ya Valevhi doropa la ku tumbela ka lona, leli munhu lweyi a nga dlaya munhu mun’wani a a ta balekela ka lona, ku nga Golani aBaxani+ ni tindhawu ta ku lusela ka tona. Va tlhele va va nyika ni Bexitera ni tindhawu ta ku lusela ka tona, a ku li madoropa mambirhi.

28 Ka lixaka la Isakara,+ va nyikiwe Kixiyoni ni tindhawu ta ku lusela ka tona, Daberati+ ni tindhawu ta ku lusela ka tona, 29 Yarmuti ni tindhawu ta ku lusela ka tona, Eni-Ganimi ni tindhawu ta ku lusela ka tona, a ku li 4 wa madoropa.

30 Ka lixaka la Aseri,+ va nyikiwe Mixali ni tindhawu ta ku lusela ka tona, Abidoni ni tindhawu ta ku lusela ka tona, 31 Elkati+ ni tindhawu ta ku lusela ka tona ni Reyobo+ ni tindhawu ta ku lusela ka tona, a ku li 4 wa madoropa.

32 Ka lixaka la Naftali, va nyikiwe doropa la ku tumbela ka lona,+ leli loko munhu a tshuka a phazama a dlaya munhu mun’wani a a ta balekela ka lona, ku nga Kedexi+ aGalileya ni tindhawu ta ku lusela ka tona, va tlhele va va nyika ni Amimoti-Dori ni tindhawu ta ku lusela ka tona, Kartani ni tindhawu ta ku lusela ka tona, a ku li 3 wa madoropa.

33 Madoropa hinkwawu lawa Vajersoni va nga nyikiwa wona hi ku ya hi mindjangu ya vona a ma li 13; va nyikiwe ni tindhawu ta ku lusela ka tona.

34 Hi lawa madoropa lawa lixaka la ka Zebuloni+ li nga nyika va ka Vamerari,+ ku nga Valevhi lavan’wani hinkwavu: Yokinemi+ ni tindhawu ta ku lusela ka tona, Karita ni tindhawu ta ku lusela ka tona, 35 Dimina ni tindhawu ta ku lusela ka tona ni Nahalali+ ni tindhawu ta ku lusela ka tona, a ku li 4 wa madoropa.

36 Ka lixaka la Rubeni, va nyikiwe Bezeri+ ni tindhawu ta ku lusela ka tona, Yahazi ni tindhawu ta ku lusela ka tona,+ 37 Kedemoti ni tindhawu ta ku lusela ka tona na Mefata ni tindhawu ta ku lusela ka tona, a ku li 4 wa madoropa.

38 Ka lixaka la Gadi,+ va nyikiwe doropa la ku tumbela ka lona, leli munhu lweyi a nga dlaya munhu mun’wani a a ta balekela ka lona, ku nga Ramoti aJiliyadi+ ni tindhawu ta ku lusela ka tona; va tlhele va va nyika ni Mahanayimi+ ni tindhawu ta ku lusela ka tona, 39 Exiboni+ ni tindhawu ta ku lusela ka tona ni Yazeri+ ni tindhawu ta ku lusela ka tona, a ku li 4 wa madoropa.

40 Madoropa hinkwawu lawa ma nga nyikiwa Vamerari, ku nga Valevhi lavan’wani hinkwavu hi ku ya hi mindjangu ya vona, a ma li 12.

41 Madoropa hinkwawu lawa Valevhi va nga nyikiwa ka tshomba la Vayisrayele a ku li 48 ku patsa ni tindhawu ta ku lusela ka tona.+ 42 Doropa lin’wani ni lin’wani ka madoropa lawa, a li ni tindhawu ta ku lusela ka tona, madoropa hinkwawu a ma tshamise swoleswo.

43 Se Yehovha a nyika Vayisrayele tiko hinkwalu leli a nga tshembisa vavhovho va vona+ va gama va li teka va tshama ka lona.+ 44 Yehovha a va yendla va hanya hi ku rhula ka tiko leli a nga va nyika lona hi ku ya hi leswi a nga tshembisa vavhovho va vona,+ a ku na munhu ni mun’we ka valala va vona lweyi a a ta lwa na vona,+ hikusa Yehovha a nyikele valala hinkwavu ka mavoko ya Vayisrayele.+ 45 A ku na xitshembiso ni xin’we ka switshembiso hinkwaswu swaswinene leswi Yehovha a nga tshembisa Vayisrayele lexi a kalaka a nga xi yendlanga, hinkwaswu swi yendlekile.+