Mahungu Ya Ku Tsakisa Ya Ku Tsaliwa Hi Matewu
11 Nkama Yesu a nga gama ku byela 12 wa vadjondzisiwa va yena leswi a va fanele va swi yendla, a suke kolanu a ya djondzisa ni ku chumayela ka madoropa ya vona.+
2 Kambe nkama Yohani na a li djele,+ a twe leswi Kreste a a swi yendla, a gama a rhuma vadjondzisiwa va yena+ 3 va ya mu vutisa va ku: “Hi wena Lweyi a Taka, kumbe hi fanele hi nyimela mun’wanyani?”+ 4 Yesu a va hlamula a ku: “Fambani mi ya byela Yohani leswi mi swi twaka ni ku swi vona:+ 5 Lava nga fa matihlo va vona,+ lava khwitaka va famba, va mavabyi ya nhlokonho*+ va hanyisiwa naswona lava nga fa tindleve va twa, lava nga fa va pfuxiwa, ni swisiwana swi byeliwa mahungu ya ku tsakisa.+ 6 Wa tsaka lweyi a kalaka a nga kanakani* nchumu hi mina.”+
7 Na va li ndleleni, Yesu a sungule ku byela vanhu hi ta Yohani a ku: “A mi ya vona yini amananga?+ A lihlanga leli tsekatsekisiwaka hi moya?+ 8 Kasi a mi ya vona yini? A mi ya vona munhu lweyi a nga yambala mpahla ya ku durha? Phela lava yambalaka mpahla ya ku durha va kumeka ka tiyindlo ta tihosi. 9 Kasi a mi ye kwini? A mi ya vona muprofeta? Phela na mi byela swaku Yohani i wa lisima swinene ku tlula ni muprofeta.+ 10 Lweyi hi yena ku nga tsaliwa hi ta yena nkama va nga ku: ‘Phela ni rhuma mutirheli wa mina swaku a rhanga,* a ya ku lunghiselela ndlela na u nge se fika!’+ 11 Ni mi byela ntiyiso: Ka vanhu hinkwavu lava nga tshama va hanya, a ku se humelela munhu lweyi a nga mukulu ka Yohani Mutsakamisi; kambe lweyi a nga mutsongo ka Mfumu wa matilo i mukulu ka yena.+ 12 Kambe ku sukela ka masiku ya Yohani Mutsakamisi ku ta fikela namuntlha, vanhu va wa va pfuka leswaku va kuma Mfumu wa matilo, naswona lava lwelaka ku wu fikelela va wu kuma.+ 13 Hikusa na Yohani a nge se fika, Vaprofeta ni Nawu a va profetile leswi a swi ta humelela;+ 14 naswona hambi mi kholwa kumbe mi nga kholwi, yena i ‘Eliya lweyi a nga ta ta.’+ 15 Lweyi a nga ni tindleve a a yingisi.
16 “Kasi ni nga va fananisa na mani vanhu va nkama lowu ke?+ Va fana ni swivanani leswi tshamaka mabazara, swi huwelelaka ka vanghanu va swona 17 swi ku: ‘Hi mi chayele tinsimu,* kambe a mi txinanga; hi yimbelele tinsimu ta swirilo, kambe a mi xukuvalanga.’* 18 Hi ku fana, Yohani a tile a nga dli nchumu hambi ku phuza, kambe vanhu va li: ‘A ni dimoni’; 19 N’wana wa munhu a tile na a dla a tlhela a phuza,+ kambe vanhu va li: ‘Phela i munhu wa magolo* naswona i xidakwa, funtshi i munghanu wa vahakelisi va rhesa* ni vadjohi.’+ Kambe wutlharhi li kombisiwa li lulamile* hi mintirho* ya lona.”+
20 Kutani a sungula ku sola madoropa lawa a nga yendla masingita ya manyingi ka wona, hileswi ma kalaka ma nga tisolanga, a ku: 21 “Khombo ka n’wina mi tshamaka Korazini! Khombo ka n’wina mi tshamaka Betisayida! Hikusa loko masingita lama nga yendliwa ka n’wina a ma yendliwe le Tiru ni le Sidoni, vanhu va kona a va ta va va tisolile khale swinene va yambala masaka ni ku tshama ka nkuma.+ 22 Kambe na mi byela: Mi ta khatisiwa swinene hi Siku la Ku Yavanyisa ku tlula Tiru ni Sidoni.+ 23 Na n’wina lava tshamaka Kapernawume,+ mi pimisa swaku mi ta tlakusiwa anze mi ya fika tilweni? Ma hemba! Mi ta yisiwa Sirheni;*+ hikusa loko masingita lawa ni nga mi yendlela wona a ma yo yendliwa aSodoma, a a ta va a ha li kona ninamuntlha. 24 Kambe na mi byela: Mi ta khatisiwa swinene hi Siku la Ku Yavanyisa ku tlula tiko la Sodoma.”+
25 Se Yesu a ku: “Papayi, Hosi ya tilo ni misava, na ku dzunisa ka vanhu hinkwavu hikusa swilo leswi, u swi tumbhetele lava ku tlhariha ni lava ku tiva ngopfu, u swi tivisa ka lava tivekaka hansi ku fana ni vana.+ 26 Papayi u yendle leswo hikusa i ku rhandza ka wena. 27 Papayi wa mina+ a ni nyike swilo hinkwaswu. A nga kona lweyi a mu tivaka kahle N’wana loko ku nga li Papayi.+ Naswona a nga kona lweyi a mu tivaka kahle Papayi loko ku nga li N’wana ni lweyi N’wana a tsakelaka ku mu tivisa ka yena.+ 28 Tanani ka mina, n’wina hinkwenu lava nga karhala ni lava tikeliwaka, ni ta mi pepisa. 29 Tanani mi ta tirha na mina* mi tlhela mi djondza ka mina, hikusa ni rhulile naswona ni ni mbilu ya ku tiveka hansi,+ kutani mi ta pepa; 30 hikusa swa vevuka ku tirha na mina* naswona ni ndzhwalu wa mina a wu tiki.”