Vaefeza

4 Hi mhaka leyo, mina ni nga xib’ochwa+ aHosini, na mi kombela swaku mi hanya hi ku pfumelelana+ ni leswi mi nga vitaneliwa swona, 2 hi ku tiveka hansi hi ku helela,*+ hi ku rhula ni hi ku lehiselana mbilu+ hi lirhandzu.+ 3 Ma twanana hi mhaka ya moya wa ku kwetsima. Se zamani ku hlayisa ku twanana loku, hi ku hanyisana hi ku rhula ni van’wani.+ 4 Ku ni muzimbha wun’we+ ni moya wun’we wa ku kwetsima,+ ku fana ni leswi ku nga ni ntshembo wun’we+ lowu mi nga vitaneliwa wona; 5 ku ni Hosi yin’we,+ ni lipfumelo lin’we ni ntsakamiso wun’we, 6 naswona ku ni Xikwembu xin’we lexi nga Papayi wa vanhu hinkwavu xi tlhela xi va henhla ka hinkwavu. Xi tirhisa hinkwavu ka vona leswaku xi yendla swilo naswona ntamu wa xona wa tirha ka hinkwavu.

7 Kutani mun’wani ni mun’wani wa hina a nyikiwe timpsalu tatikulu hi Xikwembu; naswona Kreste hi yena a nga hi yavela nyiko leyi.+ 8 Hikusa Matsalwa ma li: “Loko a khwela a ya henhla a teke swikarawa; a nyike bandla vavanuna swaku va va tinyiko.”+ 9 Se ma vula yini marito lama nge: “A khwela?” Ma vula leswaku a rhange hi ku xika a ta lani misaveni. 10 Lweyi a nga xika, hi yena lweyi a nga khwela+ a ya henhlahenhla ka matilo hinkwawu,+ swaku a ta yendla swilo hinkwaswu leswi nga vuliwa.

11 Naswona a veke van’wani ku va vapostolo,+ van’wani ku va vaprofeta,+ van’wani ku va vachumayeli va mahungu ya ku tsakisa,+ van’wani ku va varisi ni vadjondzisi,+ 12 hi ku lava ku pfuna* vakwetsimi swaku va famba hi ndlela yayinene, va tirhela van’wani ni ku tiyisa muzimbha wa Kreste,+ 13 anze hinkwerhu hi twanana hi lipfumelo lin’we naswona hi mu tiva kahle N’wana wa Xikwembu. Leswaku hi va vanhu va ku wupfa,+ hi wupfa hi ku helela ku fana na Kreste. 14 Hi mhaka leyo, a ha ha fanelanga hi va swivanani, hikusa lweyi a landzelelaka tidjondzo+ ta mavunhwa ta vanhu lava kanganyisaka van’wani, a ta fana ni boti leli nga lwandle leli yisiwaka hala ni hala hi moya ni magandlati. 15 Kambe hi fanele hi vulavula ntiyiso hi tlhela hi rhandzana, leswaku hi ta va vanhu va ku wupfa ka swilo hinkwaswu, leswaku hi ta hanya hi ku pfumelelana na Kreste lweyi a nga nhloko.+ 16 Muzimbha hinkwawu+ wu tlhanganisiwa hi yena, naswona swirho hinkwaswu swa muzimbha swa tirhisana swaku swi yendla leswi lavekaka. Loko xirho xin’wani ni xin’wani xi tirha kahle, muzimbha hinkwawu wa kula na wu tiyaka hi lirhandzu.+

17 Hi mhaka leyo, ni vula leswi ni ku mi khongotela swinene hi vito la Hosi, leswaku mi nga ha fambi ku fana ni vamatiko+ hi mimpimiso ya vona ya ku kala yi nga pfuni nchumu.+ 18 Mimpimiso ya vona yi le ka munyama naswona va le kule ni wutomi leli taka hi ka Xikwembu, hileswi va pfumalaka wutivi hi mhaka ya leswi va nga tlanyala timbilu. 19 Leswi va nga tlanyala ka swilo hinkwaswu swa ku biha, va tinyiketele ka mahanyelo ya tingana,*+ leswaku va nga kolwi hi ku yendla swilo hinkwaswu swa chaka.

20 Kambe leswi a hi swona mi nga swi djondza ka Kreste. 21 Yesu a djondzise ntiyiso naswona loko mi mu twile mi tlhela mi djondzisiwa hi yena, mi swi tiva kahle swilo leswi. 22 Mi djondzisiwe ku hlivila wumunhu la khale+ leli fambisanaka ni leswi a mi hanyisa xiswona khale, ni leli wonhiwaka hi ku navela ka lona ka ku biha loku kanganyisaka,+ 23 ni leswaku mi fanele mi tama mi txintxiwa mapimiselo ya n’wina ma va ya nyuwani;*+ 24 mi fanele mi yambala wumunhu la nyuwani+ leli nga yendliwa hi ku rhandza ka Xikwembu, hi ku lulama ka ntiyiso ni ku tshembeka.

25 Hi mhaka leyo, leswi se mi nga tshika mavunhwa, mun’wani ni mun’wani wa n’wina a a vulavule ntiyiso ka van’wani+ hikusa hi swirho swa muzimbha wun’we.+ 26 Kwatani, kambe mi nga djohi;+ mi nga tshiki dlambu li pela na ma ha kwatile.+ 27 Mi nga mu nyiki nkama* Davulosi.+ 28 Lweyi a yivaka a a tshiki ku yiva; kambe a a tikarhati a tirha hi mavoko ya yena,+ leswaku a kuma ni swa ku nyika lweyi a pfumalaka.+ 29 Mi nga ha humesi marito ya ku bola ka minomo ya n’wina,+ kambe humesani marito yamanene ntsena, leswaku lava nga ta ma twa va tiyisiwa hi wona.+ 30 Mi nga kwatisi moya wa ku kwetsima wa Xikwembu.+ Hikusa mi markariwile hi wona+ swaku mi ta chunsiwa hi nkutsulu loko ku ta fika siku la ku ponisiwa.+

31 Tshikani ku vekelana xiviti, ku hlundzuka,+ ku kwata, ku bonga, nhlambha+ ni hinkwaswu swa ku biha.+ 32 Kambe kombananani timpsalu, mi twelana wusiwana,+ mi rivalelana hi mbilu hinkwayu ku fana ni leswi Xikwembu na xona xi nga mi rivalela hi mbilu hinkwayu hi ku tirhisa Kreste.+