DJONDZO 37

Marito lawa ma landzelaka i ntiyiso kumbe i mavunhwa:

Swo boha leswaku Vakreste va tsakamisiwa.

□ I ntiyiso

□ I mavunhwa

Xikongomelo xaxikulu xa ku tsakamisiwa i ku ku vhikela leswaku u nga djohi.

□ I ntiyiso

□ I mavunhwa

Ku tsakamisiwa swi ta yendla swaku u ponisiwa.

□ I ntiyiso

□ I mavunhwa

Loko u nga tsakamisiwanga a wu na nandzu ka Xikwembu loko u djoha.

□ I ntiyiso

□ I mavunhwa

Loko vanghanu va wena va tsakamisiwa swi kombisa swaku na wena u fanele u tsakamisiwa.

□ I ntiyiso

□ I mavunhwa

LOKO u hanya hi minawu ya Xikwembu naswona u ni wunghanu lalikulu na xona, u tlhela u byela van’wani hi leswi u swi djondzaka, swi nga yendleka u navela ku tsakamisiwa. U nga swi tivisa ku yini leswaku se u lunghile leswaku u tsakamisiwa? Leswaku hi hlamula xivutiso lexi, a hi voneni swaku marito lawa hi nga ma vona ku sunguleni i ntiyiso kumbe i mavunhwa.

● Swo boha leswaku Vakreste va tsakamisiwa.

I ntiyiso. Yesu a byele vadjondzisiwa va yena leswaku va fanele va tsakamisiwa. (Matewu 28:19, 20) Na yena Yesu a tsakamisiwile. Leswaku u va mudjondzisiwa wa Kreste u fanele u tsakamisiwa loko se u kulile swaku u tiyendlela xiboho lexo hi wexe ni loko u swi navela hi mbilu ya wena hinkwayu.

● Xikongomelo xaxikulu xa ku tsakamisiwa i ku ku vhikela leswaku u nga djohi.

I mavunhwa. Ku tsakamisiwa i ku komba vanhu hinkwavu leswaku u tinyiketelile ka Yehovha. Loko se u tinyiketelile, a swi vuli swona leswaku a wu nge he djohi. Kambe u tinyiketela ka Yehovha hi leswi u rhandzaka ku hanya hi minawu ya yena.

● Ku tsakamisiwa swi ta yendla swaku u ponisiwa.

I ntiyiso. Bibele li vula leswaku ku tsakamisiwa i nchumu wa lisima swinene lowu munhu a faneleke a wu yendla leswaku a ponisiwa. (1 Pedru 3:21) Kambe leswo a swi vuli swona leswaku loko se u tsakamisiwile se u ponisiwile. Kambe u tsakamisiwa hileswi u rhandzaka Yehovha naswona u lavaka ku mu tirhela hi mbilu ya wena hinkwayu ka wutomi la wena hinkwalu. — Marka 12:29, 30.

● Loko u nga tsakamisiwanga a wu na nandzu ka Xikwembu loko u djoha.

I mavunhwa. Yakobe 4:17 yi li: “Loko munhu a tiva ndlela ya ku yendla swa ku lulama kambe a nga swi yendli, o djoha” hambiloko a tsakamisiwile kumbe a nga tsakamisiwanga. Loko u swi tiva leswi u faneleke u swi yendla naswona se u kulile leswaku u tiyendlela swiboho, vulavula ni mupsali wa wena kumbe makwerhu mun’wani lweyi u mu tshembaka. Loko u yendla leswo u ta tiva leswi u faneleke u swi yendla swaku u tsakamisiwa.

● Loko vanghanu va wena va tsakamisiwa swi kombisa swaku na wena u fanele u tsakamisiwa.

I mavunhwa. U fanele u tiyendlela xiboho xa ku tsakamisiwa hi wexe. (Tipisalema 110:3) U fanele u tsakamisiwa loko se u swi tiva swaku swi vula yini ku va Mboni ya Yehovha ni loko se u lunghekile leswaku u hanya hi minawu ya Yehovha. — Ekleziyaxta 5:4, 5.

Ku Tsakamisiwa Ku Nga Txintxa Mahanyelo Ya Wena

Ku tsakamisiwa swi nga txintxa mahanyelo ya wena swi tlhela swi yendla leswaku u kuma minkateko ya yinyingi. Kambe swi lava u tinyimisela leswaku u hanya hi ku pfumelelana ni leswi u nga tshembisa Yehovha.

U lunghekile swaku u tsakamisiwa? Loko se u lunghekile, u fanele u tsaka. Leswo swi ta ku yendla u tirhela Yehovha hi mbilu hinkwayu u tlhela u hanya hi ndlela leyi yi nga ta kombisa leswaku hikakunene u tiyinyiketelile ka Yehovha. — Matewu 22:36, 37.

Ku fana ni muchadu, ku tsakamisiwa swi nga txintxa a wutomi la wena. A swi fanelanga swi tekeliwa hansi.

NDZIMANA YA BIBELE

“Mi nyikela muzimbha wa n’wina wu va gandzelo la ku hanya, la ku kwetsima li tlhela li yamukeleka ka Xikwembu.” — Varoma 12:1.

ZAMA KU YENDLA LESWI

Kombela vapsali va wena leswaku va ku pfuna swaku u kuma munhu abandleni lweyi a nga ta ku pfuna swaku u tama u va munghanu wa Xikwembu. — Mintirho 16:1-3.

A WU SWI TIVA . . . ?

Ku tsakamisiwa swi fana ni ‘marka’ wa lisima lowu kombisaka swaku u ta ponisiwa. — Ezekiyele 9:4-6.

NI LAVA KU YENDLA LESWI!

Leswaku ni kota ku tsakamisiwa ni lava ku ti twisisa kahle tidjondzo leti ta Bibele: ․․․․․․

Ka mhaka leyi, a ni navela ku vutisa leswi ka vapsali va mina ․․․․․

U SWI VONISA KU YINI?

● Hi mhaka ku tsakamisiwa swi li swa lisima swinene?

● I mpsini leswi nga yendlaka swaku munhu a hantla a tsakamisiwa na a ha li mutsongo?

● I mpsini leswi yendlaka swaku van’wani va hlwela ku tinyiketela ni ku tsakamisiwa?

[Marito ma nga ka pajina]

‘Ku tiva leswaku ni tsakamisiwile swi ni pfune leswaku ni yendla swiboho swaswinene swi tlhela swi ni pfuna leswaku ni nga yendli swilo leswi a swi ta wonha wunghanu la mina na Yehovha.’ — Holly

[Mufoto lowu nga ka pajina]

Swivutiso Leswi Yendliwaka Mayelana Ni Ku Tsakamisiwa

Ku tsakamisiwa swi kombisa yini? Ku petiwa amatini swi vula swaku munhu a file ka leswi a a hanyisa xiswona khale naswona swoswi a hanyela ku yendla ku rhandza ka Yehovha.

Swi vula yini ku nyikela wutomi la wena ka Yehovha? Swi vula swaku a wa ha hanyeli ku yendla ku rhandza ka wena kambe u hanyela ku yendla ku rhandza ka Yehovha Xikwembu. (Matewu 16:24) I swa lisima ku yendla xikhongelo xa ku tinyiketela ka Yehovha na wu nga se tsakamisiwa.

U fanele u yendla yini na u nga se tsakamisiwa? U fanele u hanya hi minawu ya Bibele u tlhela u chumayela mahungu ya ku tsakisa. U fanele u kulisa wunghanu la wena ni Xikwembu hi ku khongela ni ku djondza Bibele. U fanele u tirhela Yehovha hi mhaka ya leswi u swi lavaka, na u nga sindzisiwi hi munhu.

U fanele u tsakamisiwa loko u li ni malembe mangaki? Ku tsakamisiwa a swi yi hi malembe. Kambe u fanele u kula swaku u tiyendlela xiboho u tlhela u tiva swaku swi vula yini ku tinyiketela.

U fanele u yendla yini loko u lava ku tsakamisiwa kambe vapsali va wena va ku nyimanyana? Swi nga yendleka va lava swaku u ma tiva kahle mahanyelo ya Vakreste. Loko ku li leswo swi nyike lisima u tlhela u tama u tiyisa wunghanu la wena na Yehovha. — 1 Samuwele 2:26.

[Kwadru ka pajina]

Hlamula swivutiso

U Pimisa Hi Ku Tsakamisiwa?

Tirhisa swivutiso ni marito lawa ma landzelaka leswaku u tikambela ku vona leswaku se u lunghekile ku tsakamisiwa. Sungula hi ku lerha tindzimana na u nga se hlamula.

U swi kombisisa ku yini swaku wa mu tshemba Yehovha? — Tipisalema 71:5 ․․․․․

U swi kombisisa ku yini swaku swaku wa swi kota ku hambanisa swilo swaswinene ka swa ku biha? — Vaheberu 5:14. ․․․․․

U khongela kangaki? ․․․․․

Impsini leswi u swi khongelelaka, naswona swikhongelo swa wena swi swi kombisisa ku yini swaku wa mu rhandza Yehovha? — Tipisalema 17:6. ․․․․․

Tsala leswi a wu navela ku swi yendla swaku u yampsisa swikhongelo swa wena. ․․․․․

Indjhe wa yi yendla nkama ni nkama djondzo ya Bibele ya wena wexe? — Yoxuwa 1:8. ․․․․․

Impsini leswi u djondzaka hi swona ka djondzo ya Bibele ya wena wexe? ․․․․․

Tsala leswi a wu navela ku swi yendla swaku u yampsisa djondzo ya Bibele ya wena wexe. ․․․․․

Wa tinyiketela ka ntirho wa ku chumayela? (Hi xikombiso: Wa swi kota ku swi tlhamusela leswi Bibele li swi djondzisaka? Wa hamba marevhizita? Wa zama ku kuma munhu lweyi u nga mu djondzelaka Bibele?)

□ Ina □ Ihim

Wa ya ka ntirho wa ku chumayela hambiloko vapsali va wena va nga yi? — Mintirho 5:42.

□ Ina □ Ihim

Tsala leswi a wu navela ku swi yendla swaku u yampsisa ka ntirho wa wena wa ku chumayela. — 2 Timotiya 2:15. ․․․․․

Wa ya nkama ni nkama mintlhanganwini? — Vaheberu 10:25. ․․․․․

U yendla yini loko u li mintlhanganwini leswaku u yi seketela? ․․․․․

Wa ya mintlhanganwini loko vapsali va wena va nga yi (loko va ku pfumelela swaku u nga ya)?

□ Ina □ Ihim

Indjhe wa swi tsakela hikakunene ku yendla ku rhandza ka Xikwembu? — Tipisalema 40:8.

□ Ina □ Ihim

Tsala swaku u yendle yini swaku u nga pfumeli ku sindzisiwa ku yendla minchumu ya ku biha hi vanghanu va wena? — Varoma 12:2. ․․․․․

U ta yendla yini leswaku u tama u mu rhandza hintamu Yehovha? — Yuda 20, 21. ․․․․․

U ta tama u mu tirhela Yehovha hambiloko vapsali va wena kumbe vanghanu va wena va nga ha mu tirheli? — Matewu 10:36, 37.

□ Ina □ Ihim

[Mufoto lowu nga ka pajina]

Ku tsakamisiwa i swa lisima hintamu, ku fana ni muchadu swi nga txintxa wutomi la munhu hinkwalu. Hi mhaka leyo a swi fanelanga swi voneliwa hansi