DJONDZO 54
Hi Wini Ntirho Wa “Mutirhi Wa Ku Tshembeka Ni Wa Ku Tlhariha”?
Yesu i Nhloko ya bandla naswona swoswi a le tilweni. (Vaefeza 5:23) A kongomisa vanhu va yena na a li tilweni. Leswaku a yendla leswo a tirhisa “mutirhi wa ku tshembeka ni wa ku tlhariha.” (Lerha Matewu 24:45.) Yesu a veke mutirhi wa ku tshembeka ni wa ku tlhariha a tlhela a mu pfumelela swaku a yendla swiboho swin’wani. Kambe hambileswi a mu pfumelelaka swaku a yendla swiboho, mutirhi wa ku tshembeka ni wa ku tlhariha a tirhela Yesu ni vamakwavu va yena. Se i mani mutirhi wa ku tshembeka ni wa ku tlhariha naswona a hi pfunisa ku yini?
1. I mani “mutirhi wa ku tshembeka ni wa ku tlhariha”?
Minkama hinkwayu, Yehovha a tirhise wanuna kumbe ntlawa wa vavanuna swaku a kongomisa vanhu va yena lani misaveni. (Malakiya 2:7; Vaheberu 1:1) Loko Yesu se a file, vapostolo ni madoda ya Yerusalema hi vona a va rhangela vanhu va Xikwembu. (Mintirho 15:2) Ninamuntlha Yehovha a tirhisa ntlawa wawutsongo wa madoda swaku wu rhangela ntirho wa ku chumayela mahungu ya ku tsakisa ni ku hi nyika leswi hi swi lavaka swaku hi tiyisa wunghanu la hina na Yehovha. Ntlawa wolowo wawutsongo wu vitaniwa Ntlawa Lowu Rhangelaka wa Timboni ta Yehovha. Ntlawa lowu hi wona wu nga “mutirhi wa ku tshembeka ni wa ku tlhariha, lweyi n’winyi wa yena [ku nga Yesu] a nga wu veka” swaku wu rhangela vanhu va Yehovha. (Matewu 24:45a) Vakreste hinkwavu lava va lumbaka Ntlawa Lowu Rhangelaka, va langiwile hi moya wa ku kwetsima wa Yehovha naswona loko va fa va ya matilweni va ya fuma na Yesu.
2. Mutirhi wa ku tshembeka a va djondzisisa ku yini vanhu va Yehovha?
Yesu a vule swaku a mutirhi wa ku tshembeka ‘a ta phamela [vanhu va yena] hi nkama wa kona.’ (Matewu 24:45b) Ku fana ni leswi swakudla swi hi nyikaka ntamu swi tlhela swi hi yendla hi va ni wutomi la kahle, leswi Yehovha a hi djondzisaka swona swi hi nyika ntamu lowu hi wu lavaka swaku hi tama hi tshembeka ka yena hi tlhela hi yendla ntirho lowu Yesu Kreste a nga hi nyika wona. (1 Timotiya 4:6) Hi djondzisiwa hi ku tirhisa mintlhanganu, masembleya, makongresu, mabuku ni mavhidiyo lawa ma nga seketeliwa ka Bibele. Naswona leswi hi swi djondzaka swi hi pfuna ku tiva ku rhandza ka Xikwembu swi tlhela swi tiyisa wunghanu la hina na xona.
DJONDZA SWIN’WANI
Vona swaku hi mhaka muni hi fanele hi va ni “mutirhi wa ku tshembeka ni wa ku tlhariha” kumbe Ntlawa Lowu Rhangelaka.
Ntlawa Lowu Rhangelaka hi wona wu hi nyikaka mabuku, mavhidiyo, nkongomiso ni swilo swin’wani leswi pfunaka Timboni ta Yehovha amisaveni hinkwayu
3. Vanhu va Yehovha a va na mpfilumpfilu
Yesu a kongomisa Ntlawa Lowu Rhangelaka swaku wu rhangela ntirho wa Timboni ta Yehovha lani amisaveni. Leswo swa fana ni leswi a swi yendleka khale ka Vakreste va ku sungula. Sixtirani VHIDIYO.
Lerhani 1 Vakorinto 14:33, 40, mi gama mi bula hi xivutiso lexi landzelaka:
Hi ku ya hi tindzimana leti, Yehovha a lava swaku vanhu va yena va yendla yini?
4. Mutirhi wa ku tshembeka a lunghiselela ntirho wa ku chumayela
Ku chumayela a ku li ntirho wa lisima hintamu lowu Vakreste va nkama wa vapostolo a va wu yendla. Lerhani Mintirho 8:14, 25, mi gama mi bula hi swivutiso leswi landzelaka:
Ka nkama wa vapostolo, i mani lweyi a a vonelela ntirho wa ku chumayela?
Ku nga va leswaku Pedru na Yohani va yi yamukelile minkongomiso leyi a yi ta hi ka vapostolo lavan’wani?
A ntirho lowu wu nga wa lisima hintamu ka Ntlawa Lowu Rhangelaka i ku vonelela ntirho wa ku chumayela. Sixtirani VHIDIYO.
Yesu a vule swaku ntirho wa ku chumayela i wa lisima hintamu. Lerhani Marka 13:10, mi gama mi bula hi swivutiso leswi landzelaka:
Hi mhaka muni ntirho wa ku chumayela wu li wa lisima hintamu ka Ntlawa Lowu Rhangelaka?
Hi mhaka muni swi laveka swaku “mutirhi wa ku tshembeka ni wa ku tlhariha” a lunghiselela ntirho wa ku chumayela amisaveni hinkwayu?
5. Mutirhi wa ku tshembeka ni wa ku tlhariha wa hi kongomisa
Mutirhi wa ku tshembeka ni wa ku tlhariha a kongomisa Vakreste amisaveni hinkwayu. Kambe a swi tivisa ku yini swaku hi wini nkongomiso lowu wu faneleke wu nyikeliwa ka vamakwerhu? Vona leswi ntlawa lowu rhangelaka wa nkama wa vapostolo a wu swi yendla. Lerhani Mintirho 15:1, 2, mi gama mi bula hi swivutiso leswi landzelaka:
Hi xini xikarhatu lexi a xi li kona ka minkama ya vapostolo?
Pawulo na Barnaba ni Vakreste van’wani va kombele ku pfuniwa hi vamani ka xikarhatu lexi?
Lerhani Mintirho 15:12-18, 23-29, mi gama mi bula hi xivutiso lexi landzelaka:
Ntlawa lowu rhangelaka wa minkama ya vapostolo na wu nge se yendla xiboho a wu kombela ku pfuniwa ka Yehovha leswaku wu kota ku yendla xiboho xaxinene. Se a wu swi yendlisa ku yini swoleswo? — Vona Tindzimana 12, 15 ni 28.
Lerhani Mintirho 15:30, 31 ni 16:4, 5, mi gama mi bula hi swivutiso leswi landzelaka:
Ku nga va leswaku Vakreste va nkama wa vapostolo va wu yamukelile nkongomiso lowu a va nyikiwa hi ntlawa lowu rhangelaka wa nkama lowuyani?
Yehovha a va katekisise ku yini hileswi va nga yingisa?
Lerhani 2 Timotiya 3:16 na Yakobe 1:5, mi gama mi bula hi xivutiso lexi landzelaka:
A Ntlawa Lowu Rhangelaka wu swi yendlisa ku yini swiboho namuntlha?
VAN’WANI VA LI: “Ku yingisa Ntlawa Lowu Rhangelaka swo fana ni ku va u landzisela vanhu.”
I mpsini leswi ku kholwisaka swaku Ntlawa Lowu Rhangelaka wu kongomisiwa hi Yesu?
LESWI HI NGA SWI DJONDZA
Ntlawa Lowu Rhangelaka i “mutirhi wa ku tshembeka ni wa ku tlhariha” lweyi a nga vekiwa hi Yesu Kreste. Vamakwerhu lava va nyikela minkongomiso va tlhela va djondzisa Vakreste amisaveni hinkwayu.
Ku kambela leswi hi nga swi djondza
I mani lweyi a nga veka “mutirhi wa ku tshembeka ni wa ku tlhariha”?
Ntlawa Lowu Rhangelaka wu hi pfunisa ku yini namuntlha?
Wa kholwa swaku Ntlawa Lowu Rhangelaka i “mutirhi wa ku tshembeka ni wa ku tlhariha”?
LOKO U LAVA KU TIVA SWIN’WANI
Vona swaku Ntlawa Lowu Rhangelaka wu wu yendlisa ku yini ntirho wa wona namuntlha.
Vona swaku Ntlawa Lowu Rhangelaka wu va phamelisa ku yini vanhu va Yehovha hi nkama wa kona.
Vamakwerhu va Ntlawa Lowu Rhangelaka va wu vonisa ku yini ntirho lowu va nga nyikiwa hi Yesu Kreste?
Mintlhanganu ya hina ni makongresu swi swi kombisisa ku yini swaku Yehovha hi yena a kongomisaka Ntlawa Lowu Rhangelaka?