Tama U Tiyisela

I Mpsini Leswi Pawulo A Nga Swi Yendla?

VHIDIYO: Pawulo A Tiyisela aEfeza

1. Sixtira VHIDIYO, kumbe u lerha Mintirho 19:8-10. U gama u hlamula swivutiso leswi landzelaka:

1. Handle ka kuva a godola hi mhaka ya lava a va mu kaneta, Pawulo a swi kotise ku yini ku tama a tiyisela a pfuna lava a va lava ku twa mahungu ya ku tsakisa?

2. Pawulo a ye kangaki ka lava a va lava ku twa mahungu ya ku tsakisa naswona a hete nkama wa ku gama kwini na a va djondzisa?

Hi Djondza Yini Ka Leswi Pawulo A Nga Swi Yendla?

2. Swi lava hi tirhisa nkama ni matimba ya hina swaku hi yendla marevhizita, hi tlhela hi sungula tidjondzo ta Bibele.

Tekelela Xikombiso Xa Pawulo

3. Loko u ni revhizita, zama ku tlhela u li yendzela hi siku leli nga kahle ka lona. Tivutisi leswi: ‘Hi wini nkama ni ndhawu leyi ni nga ta mu kuma ka yona? Hi lini siku leli a nga ta va ni nkama wa ku tlhela a bula na mina?’ Tinyimiseli ku mu yendzela hi siku leli a nga ta li langa kumbe nkama lowu a nga ta wu langa, hambiloko swi lava u txintxa xiyimiso xa wena.

4. Mu vutisi siku leli mi nga ta tlhela mi bula hi lona. Loko u bula ni munhu, zama ku tiva nkama ni siku leli mi nga ta tlhela mi bula hi lona. U tlhela u yendla hinkwaswu leswi u nga swi kotaka swaku u mu yendzela hi siku ni nkama lowu mi nga twanana wona.

5. U nga godoli. U nga hantliseli ku pimisa swaku loko munhu u nga mu kumi kaya kumbe u mu kuma na a khomekile hi swilo swin’wani swi vula swaku o kala a nga na mhaka ni mahungu ya ku tsakisa. (1 Ko. 13:4, 7) Zama ku tiyisela, kambe tivoneli swaku u nga tlangi hi nkama wa wena. — 1 Ko. 9:26.