U Nga Djondzisa Ku Yini Ni Munhu Hi Ku Tirhisa Buku Leli Nge Tikhorisi Hi Wutomi La Ku Kala Li Nga Heli?

Na mi nga se djondza

1. 

   1. Lunghiselela kahle. Pimisa hi leswi laviwaka hi lweyi u djondzaka na yena, xiyimu xa yena ni leswi a kholwaka ka swona. Pimisa hi leswi nga mu karhatelaka ku swi twisisa ni ku swi tirhisa ka wutomi la yena. Vona swaku mavhidiyo ni mabuku lawa ma nga ka xiyenge lexi nge: “Loko U Lava Ku Tiva Swin’wana” ma nga mu pfunisa ku yini lweyi u djondzaka na yena, u tlhela u tilunghiselela leswaku u ma tirhisa nkama lowu mi djondzaka.

Nkama mi djondzaka

1. 2. Yendlani xikhongelo loko mi sungula ni loko mi gama ku djondza loko lweyi u djondzaka na yena a nga yali.

2. 

   3. Tivoneli swaku u nga vulavuli ngopfu. Tirhisa leswi nga tsaliwa ka buku u tlhela u pfumelela lweyi u djondzaka na yena swaku a tiphofula.

3. 4. Loko mi sungula xiyenge xa nyuwani, djondza marito lama nga tsaliwa ku sunguleni ka xiyenge, u tlhela u kombisa tinhlokomhaka tin’wani leti nga kona ndzeni ka xiyenge lexo.

4. 5. Loko mi gama ku djondza xiyenge hinkwaxu, tirhisa lani va nge: “Ku Kambela Leswi Hi Nga Swi Djondza” swaku u pfuna lweyi u djondzaka na yena a khumbuka leswi se a nga swi djondza.

5. 6. Ka djondzo yin’wani ni yin’wani yendla leswi:

   1. Lerhani maparagrafu.

   2. Lerhani tindzimana hinkwatu leti ku nga tsaliwa swaku “Lerhani.”

   3. Lerhani tindzimana tin’wani leti u vonaka swaku swa laveka ku ti lerha.

   4. 

      Kombisa mavhidiyo hinkwawu lawa ma nga tsaliwa swaku “Sixtirani Vhidiyo” (loko ma li kona).

   5. Mu yendli swivutiso hinkwaswu lweyi u djondzaka na yena.

   6. Kombela lweyi u djondzaka na yena swaku a vona mufoto lowu nga lani ku nge: “Djondza Swin’wana” u tlhela u mu kombela swaku a tlhamusela leswi a swi vonaka.

   7. Tirhisa kwadru leli nga lani ku nge: “Zama Ku Yentxa Leswi” swaku u pfuna lweyi u djondzaka na yena kuva a yendla swilo leswi nga ta mu pfuna swaku a tiyisa wunghanu la yena na Yehovha. Mu pfuni swaku a tirhisa leswi nga tsaliwa ka kwadru, a titsalela swin’wani leswi a lavaka ku swi yendla kumbe a swi yendla hi swimbirhi.

   8. Vutisa lweyi u djondzaka na yena swaku nkama na a lunghiselela, ku ni vhidiyo kumbe nhlokomhaka leyi nga mu tsakisa lani ku nge: “Loko U Lava Ku Tiva Swinwana”?

   9. Loko mi djondza, zamani ku heta djondzo hinkwayu hi siku lin’we.

Loko se mi gamile ku djondza

1. 

   7. Tama u pimisa hi lweyi u djondzaka na yena. Khongela ka Yehovha u kombela swaku a katekisa lweyi u djondzaka na yena leswaku a tama a tiyisa wunghanu la yena na Yehovha. Tlhela u kombela Yehovha swaku a ku nyika wutlharhi la ku tiva leswi u nga swi yendlaka swaku u pfuna lweyi u djondzaka na yena.