Mareferensiya ya Xibukwana xa Minhlanganu ya Mahanyelo ni Ntirho
4 KUYA KA 10 KA MARÇO
XUMA XINGA KA RITO LA XIKWEMBU | VARHOMA 12-14
“Xana swi Vula Yini Kukombisa Lirhandzu la Wukreste?”
it-1 tl. 55
Lirhandzu
Lirhandzu la wumakwerhu (phi·la·del·phiʹa hi Xigriki, hi kukongoma li vula “kurhandza makwerhu”) li fanele liva kona axikarhi ka swirho hinkwaswo swa bandla la Wukreste. (Rhm 12:10; Hv 13:1; tlhela u vona 1Pe 3:8.) Hikolaho, wuxaka lelinga kona axikarhi ka swirho swa bandla li fanele li tiyile ni kuyenta li tlhela li kufumela kufana ni wuxaka lelinga kona axikarhi ka swirho swa ndjangu wun’we. Hambileswi swirho swa bandla se swi kombisanaka lirhandzu la wumakwerhu, swi khutaziwa kuli kombisa hi mpimu lowukulu ngopfu. — 1Te 4:9, 10.
Rito la Xigriki lelinge phi·loʹstor·gos, li vula “kuva ni lirhandzu loyenta”. Rito leli li tirhisiwa ka munhu lweyi angani wuxaka la kuyenta ni la le kusuhi ngopfu ni mun’wana. Sterʹgo kunga xiyenge xin’wana xa rito lelinge phi·loʹstor·gos xi tala kutirhisiwa kukombisa a lirhandzu la ntumbuluku lofana ni lelinga kona axikarhi ka swirho swa ndjangu. Mupostola Pawulo a khutaze Vakreste kuhlakulela muxaka lowu wa lirhandzu. (Rhm 12:10) Pawulo a tlhele a kombisa leswaku amasikwini ya wugamu votala ‘avatava vanhu lavapfumalaka rirhandzu’ leli la ntumbuluko (aʹstor·goi hi Xigriki). Naswona vanhu votanu va lulameliwe hi lifu. — 2Tm 3:3; Rhm 1:31, 32.
w09 15/10 tl. 8 par. 3
“Kuhanyisana ni Vanhu Hinkwavu hi Kurhula”
Lerha Varhoma 12:17. Pawulo a hlamusele leswaku loko hi khomiwa hi tihanyi ahi fanelanga hi hakelisa. Kuyingisa xitsundzuxo lexi i swa lisima ngopfungopfu amintini leyi swirho swin’wana swinga liki Timboni. Wanuna kumbe wansati lweyi anga Mukreste wa tikhoma leswaku anga yanguli hi ndlela yobiha loko munghana wa yena wa wukati a vula rito lovavisa kumbe a yendla xihoxo lexi vavisaka. ‘Kurihisela swobiha hi leswobiha’ aswi pfuni nchumu. Kambe kurhandza kurihisela ko bihisa xiyimo ntsena.
w07 1/7 matl. 24-25 mapar. 12-13
‘Mingarihiseleni Swobiha Hi Leswobiha’
Pawulo a tlharihise Vakretse mayelana ni ndlela yohanyisana ni vapfumeli ni lavanga liki vapfumeli a ku: ‘mingarihiseli swobiha hi leswobiha’. Xitsundzuxo lexi xi fambisana ni lexi angaxi nyikela akusunguleni lexinge “Vengani leswi swa kubiha”. Kunene, xana munhu anga vulisa kuyini leswaku a nyenya leswobiha kuve a yendla swobiha hi kurihisela ka van’wana? Kumaha leswo aswi kombisi lirhandzu leli pfumalaka “kukanganyisa”. Hi wugamu Pawulo a te: ‘Ringetani kuyendla leswinene ka vanhu hinkwavu.’(Varhoma 12:9, 17) Xana hingama tirhisa kuyini marito lawa?
Ka papila la yena losungula, Pawulo a tsalele Vakreste va le Korinto mayelana hi kuxanisiwa loku Vapostola ava langutane na kona. A te: “Hikuva hi ve . . . [nkombiso] andhawini ya mintlangu ka misava, ka tintsumi ni le ka vanhu . . . Loko hirhukiwa, hakatekisa; loko hixanisiwa, hilehisa mbilu, loko hilumbetiwa, hihlamula hi marito ya timpsalu.” (1 Vakorinto 4:9-13) Hi ndlela leyi fanaka, Vakreste namuntlha va hlaleliwa hi vanhu va misava leyi. Loko vanhu lava tshamaka kusuhi na hina va vona swilo leswinene leswi hiswi yendlaka hambiloko hi khomiwa hi ndlela yobiha, vangaha yamukela rungula la Mfumu — 1 Petro 2:12.
w12 15/11 tl. 29 par. 13
Rivalelanani hi Kutlhantlheka
Minkama yin’wana unga pfuna munhu lweyi aku khomeke hi ndlela yobiha leswaku a tsakela minawu ya mahanyela ya Wukreste. Mupostola Pawulo a tsale aku: ‘“Loko nala wa wena ali ni ndlala, muphamele; loko ali ni torha, musiyele anwa; hikuva loko uyendlisa swoswo, utamuhlengeletela mpfundze nhlokweni ya yena.” Ungatshuki uhluliwa hi leswobiha, kambe hlula leswobiha hi leswinene.’ (Rhom. 12:20, 21) Hi kukombisa wumunhu lelinene loko u pfukiwa hi munhu lweyi a hlundzukeke unga b’ohlisa mbilu ya yena ivi umu yendla a kombisa wunene leli angavaka na lona ambilwini. Hi kukombisa kutwisisa ni ntwelawusiwana ka lweyi aku khomeke hi ndlela yobiha ungamu yendla a lava kudjondza Bibele. Hambiloko swinga yendleki leswo, kuyangula munhu hi ndlela leyinene switamu yendla a yanakanyisisa hi kutikhoma ka wena lokunene. — 1 Pet. 2:12; 3:16.
Lavetela Xuma xa Moya
Langa Wuhungasi Lelinene
Hinkwaswo leswi hiswi yendlaka awuton’wini swi khumba wuxaka la hina na Yehovha. Pawulo a hlamusele mhaka leyi hi marito lamange: “Minyiketa miri wa n’wina hinkwawu, yiva mhamba leyihanyaka, leyihlawulekeke, leyitsakisaka Xikwembu”. (Varhoma 12:1) Yesu ate: “Rhandza Hosi [Yehovha] Xikwembu xa wena hi mbilu ya wena hinkwayu, ni moya wa wena hinkwawu, ni kuyanakanya ka wena hinkwaku, ni matimba ya wena hinkwawu.” (Marka 12:30) Hi lava kunyika Yehovha swilo swa hina swa lisima swa kona, hilaha hinga kotaka hakona. Aminkameni ya khale, Yehovha a alava leswaku Vaisrayeli vamu nyika magandzelo ya swifuyu leswi hanyeke kahle amirhini. Loko a xifuyu xa kona xi limalile kumbe xi vabya, Xikwembu axingaxi yamukeli. (Levhitika 22:18-20) Hi ndlela leyi fanaka, swinga yendleka wugandzeli la hina lingaxi tsakisi Xikwembu. Hi ndlela yihi?
Yehovha a li: “Kwetsimani, hikuva mina nikwetsimile.” (1 Petro 1:14-16; 2 Petro 3:11) Wugandzeli la hina li fanele li kwetsima kumbe li basa leswaku Yehovha ali yamukela. (Deteronoma 15:21) Wugandzeli la hina lita va li nchimile loko hi yendla swilo leswi Yehovha aswi nyenyaka leswi fambisanaka ni kutikhoma hi ndlela yobiha, tihanyi ni wudimona. (Varhoma 6:12-14; 8:13) Hambi kutihungasa hi swilo leswi, aswimu tsakisi Yehovha. Loko ho yendla tanu, wuxaka la hina na Yehovha linga hela.
w08 15/6 tl. 31 par. 4
Tipontunkulu ta Papila Leli Yaka ka Varhoma
13:1 — Xana wuhosi leli tlakukeke ‘byivekiwile hi Xikwembu’ andhawini ya lona leyi gimiweke hi ndlela yihi? A wuhosi la misava ‘byivekiwile hi Xikwembu’ hikuva li pfumeleliwa hi Xikwembu leswaku li fuma. Naswona minkama yin’wana kufuma ka lona aku profetiwile hi Xikwembu. Leswo swi voneka kahle hi leswi Bibele liswi profeteke mayelana ni tihosi totala.
11 KUYA KA 17 KA MARÇO
XUMA XINGA KA RITO LA XIKWEMBU | VARHOMA 15-16
“Kombela Yehovha Leswaku Aku Pfuna Kutiyisela ni Kuku Chavelela”
w17.07 tl. 14 par. 11
“Mirila ni Lavarilaka”
Wurunguli mayelana ni kuvaviseka loku Yesu akutweke loko kufe Lazaru kova lin’wana la wurunguli lotala leli tlemaka mbilu leli kumekaka aBibeleni. Leswo aswi hlamalisi hikuva ‘hinkwaswu leswi switsaliweke hi lava va khale, switsaliwile leswaku hidjondza ha swona, ni leswaku hiva ni kulangutela, hikolaho ka kutiyisela ni kuchaveleliwa loku hikukumaka Matsalweni.’ (Rhom. 15:4) Loko uli kuxanisekeni hikolaho ka kufeliwa, unga kuma nchavelelo aMatsalweni lama landzelaka:
▪ “Yehovha akusuhi ni lava tshovekeke mbilu; Wavaponisa lava pfotlokeke mbilu.” — Ps. 34:18, 19.
▪ “Laha kuvilela kunikarhateke, Unichavelelile utlhela unirhulisa.” — Ps. 94:19.
▪ “Ingi Hosi ya hina Yesu Kriste hi yoxe, ni Xikwembu Tatana wa hina lweyi angahirhandza, lweyi angahinyika, hi timpsalu ta yena, kuchavelela lokungaheliki ni kulangutela lokunene, angatiyisa timbilu ta n’wina, vaminyika matimba ya kuyendla ni kuvulavula hinkwaswu leswinga swinene.” — 2 Tes. 2:16, 17.
w16.04 tl.14 par. 5
“Kutiyisela ka N’wina Kufanele Kutirha Ntirho Lowuhetisekeke”
Kombela Yehovha leswaku aku nyika ntamu. Yehovha i ‘Xikwembu lexi kutiyisela ni kuchaveleliwa swihumaka ka xona’. (Rhom. 15:5) I Yehovha yexe lweyi a twisisaka hi wuyenti ndlela leyi swikarhato, mintlhaveko ni swiyimo swa hina swihi khumbaka ha yona, hambi kuli ndlela leyi mawumbiwela ya hina mahi khumba ha yona. Kutani kova Yehovha ntsena lweyi angahi hlomisaka leswaku hi tiyisela. Bibele li li: “Ayenelisa kunavela ka lava vamuchavaka” naswona “wavatwa loko varila vakombela kupfuniwa, kutani wavaponisa.” (Pis. 145:19) Kambe Xikwembu xi hlamulisa kuyini swikhongelo swa hina swokombela ntamu leswaku hi tiyisela?
w14 15/6 tl. 14 par. 11
“Rhandza Hosi [Yehovha] Xikwembu xa Wena”
Yehovha ahi ‘nyika ntshembo lowuhi tataka hi kutsaka hinkwaku ni kurhula’. (Rhom. 15:13) Ntshembo lowu hi nyikiwaka hi Xikwembu wu yendla leswaku hi kota kutiyisela loko lipfumelo la hina li ringiwa. Vakreste lava totiweke lava ‘tshembekaka kufika akufeni vatanyikawa hari ya vutomi.’ (Nhla. 2:10) Vanhu lavanga ni ntshembo wa kuhanya laha misaveni lavangata tshembeka vata kuma minkateko yokala yinga heli aParadeyisini la misaveni. (Luka 23:43) Xana hi titwisa kuyini hi tshembo wa hina? Xana ahina ntsako ni kurhula hi tlhela hi rhandza Munyiki wa “nyiko yin’wana ni yin’wana leyosaseka ni minkateko hinkwayu leyihetisekeke”? — Yak. 1:17.
Lavetela Xuma xa Moya
w89 1/12 tl. 24 par. 3
‘Kukambela Kutiya ka Rirhandzu ra N’wina’
Kunene, vamakwavo Vamatiko va fanele va titwe va susumeteleka kulamulela vamakwavo lavanga Vayuda. Phelasi Vakreste va Vamatiko “avatibohile”, hi marito man’wana, avali ni xikweneti hi ndlela yohlawuleka ka Vakreste va Yerusalema. Hikuva Vakreste volavo va Vamatiko va yamukele mahungu yotsakisa hi kuchumayeliwa hi Vakreste va Vayuda va Yerusalema. Pawulo a yanakanyisisile a ku: “Loko Vakreste lavanga Vayuda va yavelane xuma xa vona xa moya ni Vamatiko, kutani Vamatiko va ni mfanelo leyinga livaleni ya kupfunisa ka swilaveko swa vona [Vayuda] swa nyama.” — Varhoma 15:27, The New English Bible.
it-1 tl. 858 par. 5
Kutiva Swiyendlakalo na Swingase Yendleka; Kukunguhata Swiyendlakalo Kahali Mahlweni
Mesiya kumbe Kreste a atava Mbewu leyi tshembisiweke, ha yona vanhu hinkwavo lava lulameke va mindjangu hinkwayo ya misava avata katekisiwa. (Ga 3:8, 14) Kuphatiwe “mbewu” leyi, hi khambi losungula, ndzhaku ka loko Adamu na Evha se va xandzukile aEdeni kambe na Avele angase psaliwa. (Gn 3:15) Kuphatiwa loku kuyendleke 4.000 wa malembe na “xihundla” xokwetsima xingase paluxiwa hi kukombisiwa alivaleni ka “mbewu” leyinga Mesiya. Kunene, hi ndlela leyo xihundla lexi “axifihlekile hi malembe ni malembe”. — Rhm 16:25-27; Ef 1:8-10; 3:4-11.
18 KUYA KA 24 KA MARÇO
XUMA XINGA KA RITO LA XIKWEMBU | 1 VAKORINTO 1-3
“Xana U Munhu wa Nyama Kumbe U Munhu wa Moya”?
w18.02 tl. 19 mapar. 4-5
Xana Swi Vula Yini Kuva Munhu wa Moya?
Xo sungula ahi kambisiseni ndlela leyi munhu wa nyama a vonaka swilo ha yona. Vanhu va misava va yanakanya hi kuyendla swilo swa nyama. Pawulo aswi hlamusela tani hi ‘moya lowutirhaka ni swoswi xikarhi ka vanhu lavangayingisiki Xikwembu.’ (Efe. 2:2) Moya lowu wu kucetela vanhu votala leswaku va tekelela mavonela lama tolovelekeke ya kuyendla leswi kutala ka vanhu vaswi yendlaka. Xa vona i kuyanakanya hi swilo swa nyama ntsena. Vuyelo la kona, votala va vona, va yendla leswi va vonaka swi li swinene amatihlweni ya vona naswona ava na mhaka ni kuhanya hi minawu ya Xikwembu. Munhu wa nyama kumbe lweyi a tshamelaka kuyanakanya swilo swa nyama, a bisi hi kulava ndhuma ni male naswona a lava ntsena kutwa hi yena.
I yini swin’wana leswi munhu wa nyama aswi yendlaka? Vanhu lava yendlaka ‘mintirho ya nyama’ na vona va wela ka ntlawa wa munhu wa nyama. (Gal. 5:19-21) Ka papila la yena losungula leli ali tsaleleke Vakorinto, Pawulo a vulavula hi matshamela ya vanhu lavanga ni vonela la nyama. Matshamela ya kona hi lawa: kuhlohlotela kuyavana, xihlawuhlawu, kuvanga timholovo, kumangalelana atihubyeni, kudelela lava rhangelaka ni kutinyimelela leswaku vadja ni kuphuza kutlula mpimo. Loko munhu wa nyama a divana ni miringo wa tsandzeka kutikhoma kutani a wela xidjoheni. (Swiv. 7:21, 22) Yudha a khulume hi lava avata ya mahlweni va wonheka hi tlhelo la moya lakakuva vangahali na “Moya” kumbe wumoya. — Yudha 18, 19.
w18.02 tl. 19 par. 6
Xana Swi Vula Yini Kuva Munhu wa Moya?
Se swi vula yini kuva munhu wa “moya”? Munhu wa moya a yanakanya kufana ni Xikwembu, a hambanile ni munhu wa nyama. Vanhu va moya va tikarhatela “kuva lava vafanaka na xona [Xikwembu].” (Efe. 5:1) Leswi swi vula leswaku va tikarhatela kuyanakanya kufana na Yehovha ni kuvona swilo hi ndlela leyi aswi vonaka ha yona. Kutani Xikwembu i xa xiviri ka vona. Kuhambana ni vanhu va nyama, vanhu va moya va yendla hinkwaswo leswaku va titwananisa ni minawu ya Yehovha. (Pis. 119:33; 143:10) Kuhambana ni kutshamela kuyanakanya hi swilo swa nyama, munhu wa moya a tikarhatela kuva ni handzu wa “moya”. (Gal. 5:22, 23) Leswaku u twisisa leswi swi vulaka swona kuva munhu wa “moya” yanakanya hi xikombiso lexi: muxavisi a yanakanya hi kuxavisa. Ni munhu wa moya a yanakanya hi swilo swa moya.
w18.02 tl. 22 par. 15
Xana Swi Vula Yini Kuva Munhu wa Moya
Xana hingamu tekelelisa kuyini Kreste? 1 Vakorinto 2:16 yi vulavula hi kuva ni “mianakanyu ya Hosi [Yesu]”. Naswona Varhoma 15:5 yi vulavula hi kuva ni ‘kuyehleketa loku kufanaka ni ka Yesu Kriste’. Hikolaho, leswaku hi fana na Kreste, hi fanele hi tiva wumunhu ni mapimisela ya yena. Ndzhaku ka leswo, hi fanele hi landzela mikondzo ya yena. Minkama hikwayo Yesu a pimisa hi wuxaka la yena na Yehovha. Kutani kufana na Yesu, swihi yendla hi fana na Yehovha. Hikolaho ka leswi, hali vona lisima la kudjondza kupimisa kufana na Yesu.
Lavetela Xuma xa Moya
it-2 tl. 1193 par. 1
Wutlharhi
Kutani misava hi wutlharhi la yona yi fularhele lunghiselelo la Xikwembu hi kutirhisa Kreste tani hi wuphukuphuku. Hambileswi varhangeli va misava kumbexana avali vatirheli va wutshila ni lavanga ni wutlharhi ‘vabelele Hosi leyi dzunekaka.’ (1Ko 1:18; 2:7, 8) Kambe Xikwembu, hi khambi la xona, axi kombisa leswaku a wutlharhi la tintlharhi ta misava leyi i wuphukuphuku, hi kutikhomisa tingana hi kutirhisa leswi tona atiswi teka swi li ‘vuhunguki bya Xikwembu’, ni vanhu lava tona ativa teka vali ‘swiphukuphuku, vanga ni gome’ leswaku xi hetisisa xikongomelo xa xona lexinga hlulekiki (1Ko 1:19-28) Pawulo a tsundzuxe Vakreste va Korinto leswaku ‘vutlhari bya [misava] leyi kumbe bya tihosi ta [minsava] leyi’ alita helisiwa. Kutani wutlharhi lelo alinga yendli xiyenge xa rungula la moya la Vapostola. (1Ko 2:6, 13) Pawulo a basopise Vakreste va le Kolosa leswaku va tivonela kuva vanga phasiwe hi ‘hi tidjondzo ta vutlhari [kumbe filozofiya, hi xigriki phi·lo·so·phiʹas, leswi hi kukongoma swi vulaka kurhandza wutlharhi] hi marito ya mavunhwa lawa mangapfuniki nchumu, lawa mahumaka ka mintolovelo ya vanhu’. — Kol. 2:8; ringanisa ni tindzimana 20-23.
w08 15/7 tl. 27 par. 6
Tipontunkulu ta Papila Leli Yaka ka Vakorinto
2:3-5. Swingaha yendleka leswaku loko Pawulo a chumayela aKorinto, laha akuli tsindza ya mafilozofiya ni tidjondzo swa Vagriki, a akarhateka hi loko ataswi kota kukholwisa vayingiseli va yena kumbe ahim him. Hambiswilitano, anga pfumelelanga kutsana kwihi na kwihi kumbe kuchava swimu pfalela leswaku anga yendli wutirheli leli Xikwembu ximu nyikeke lona. Hilaha kufanaka, ahi fanelanga hi pfumelela swiyimo swotika leswaku swihi sivela kutwalisa mahungu yotsakisa ya Mfumo wa Xikwembu. Hinga kombela kupfuniwa hi Yehovha na hi tiyiseka kufana na Pawulo.
25 KUYA KA 31 KA MARÇO
XUMA XINGA KA RITO LA XIKWEMBU | 1 VAKORINTO 4-6
“Comelanyana Leritsongo Rikukumukisa Mbila Hinkwayu”
it-2 tl. 230
Comela
Mupostola Pawulo a tirhise rito lelinge “comelanyana” hi ndlela yofanekisela loko a lerisa bandla la le Korinto leswaku li hlongola wanuna wokarhi lweyi a tikhomeke hi ndlela yobiha hi ta masangu hi kuvula leswi: ‘Xana amiswitivi leswaku comelanyana leritsongo rikukumukisa mbila hinkwayu ke? Cukumetani comela ra khale, leswaku mitava mbila leyimpsha. Mhaka yakona hi leswaku amahali na comela, hikuva Kriste, lweyi anga Xinyempfana xa hina xa Paska, atlhaviwile.’ Ndzhaku ka leswo, Pawulo aswi kombisile alivaleni leswi aalava kuvula swona loko a khuluma hi “comelanya”: ‘Hikolaho, ahiyendleni nkhuvu kungali hi comela ra khale, kungali hi comela ra vudjoho ni kuhomboloka, kambe kuli hi xinkwa xokala comela, xotenga ni xa ntiyiso.’(1Ko 5:6-8) Laha Pawulo a akokela miyanakanyo ka nhlamuselo yofanekisela ya Nkhuvu wa Vayuda wa Swinkwa Leswinga Liki na Comela, lowu awu yendliwa hi siku leli ali landzela siku la Páscoa. Hilaha comela litsongo li kukumukisaka mbila hi kuhantlisa, bandla tani hi ntlawa alitava linga basanga amahlweni ka Yehovha loko alinga susi nkucetelo wobiha wa wanuna lweyo. Bandla ali fanele li susa “comelanyana” lelo axikarhi ka lona, hilaha Vayisrayeli na vona avanga fanelanga vava ni comela atindlwini ta vona hi vhiki leli ava tlangela nkhuvu lowu wa Swinkwa Leswinga Liki na Comela.
it-2 matl. 869-870
Sathana
Xana Swi Vula Yini ‘Kunyiketa Munhu ka Sathana Leswaku Miri wa Yena [Kumbe Nyama] Wuhelisiwa’
Loko a nyikela nkongomiso ka bandla la le Korinto mayelana ni ndlela leyi ali fanele li tamela xidjoho xa wanuna wokarhi lweyi a yendleke timhaka ta masangu ni nsati wa B’ava wa yena, mupostola Pawulo a te: ‘Munhu wotanu aanyiketiwe ka Sathana, leswaku miri wa yena wuhelisiwa’ (1 Ko 5:5) Lexi axi li xileriso xohlongola munhu lweyo abandleni. (1Ko 5:13) Kumunyiketa ka Sathana aswi vula kumu humesa abandleni ava ka misava leyi sathana anga xikwembu ni murhangeli. Kufana ni “comelanyana” ka “mbila hinkwayu” wanuna lweyi a ali “miri” lowo kumbe nyama yoleyo abandleni. Kutani hi kumu susa, bandla alitava li helisa “miri” lowu axikarhi ka lona. (1Ko 5:6, 7) Hilaha kufanaka, Pawulo a nyikete Himenayo na Alekzanda ka Sathana, hikuva ava tshike lipfumelo ni lipfalu lelinene ivi va mbombomela alipfumelweni. — 1Tm 1:20.
lvs tl. 241, nhlamuselo ya le hansi
Kususiwa aBandleni
Loko munhu lweyi a yendleke xidjoho lexikulu anga tisoli naswona a yala kulandzela nkongomiso wa Yehovha, angaha fanelanga a va xirho xa bandla. Munhu lweyo a fanele kususiwa abandleni. Loko munhu a susiwa abandleni ahaha fanelanga hiva ni ntirhisanu na yena hambi kukhuluma na yena hingaha khulumi. (1 Vakorinto 5:11; 2 Yohane 9-11) Lunghiselelo la kususa mudjohi li basisa vito la Yehovha ni bandla. (1 Vakorinto 5:6) Naswona kususa mudjohi kungamu pfuna leswaku a tisola kutani a tlhelela ka Yehovha. — Luka 15:17.
▸ Ndzima 3, paragrafu 19
Lavetela Xuma xa Moya
w09 15/5 tl. 24 par. 16
Tintsumi I “Mimoya Leyi Yendlaka Ntirho Wokwetsima”
Vakreste lava kumanaka ni ndzingo i vanhu ‘lava hlaleliwaka andlwini ya mintlangu ka tintsumi’. (1 Kor. 4:9) Hi kutsaka lokukulu, tintsumi ti languta mintirho ya hina ya kutshembeka naswona ti tsaka ngopfu loko mudjohi wokarhi a tisola. (Luka 15:10) Tintsumi tama vona mahanyelo lamanene ya vavasati lavanga Vakreste. Bibele li kombisa leswaku “hikolaho ka tintsumi, wansati afanele kuva ni xikombiso [xa wulawuli] nhlokweni”. (1 Kor. 11:3, 10) Kunene, tintsumi ta tsaka loko ti vona vavasati lavanga Vakreste ni malandza hinkwawo ya Xikwembu ya laha misaveni ma fambisana ni nkongomiso wa Xikwembu ni kuxixima wunhloko. Kuyingisa loku i xitsundzuxo lexi faneleke ka tintsumi.
it-2 tl. 211
Nawu
Nawu Lowunga Nyikiwa Tintsumi. Hambileswi tintsumi ti tlakukeke kutlula hina vanhu, ti le hansi ka nawu ni nkongomiso wa Xikwembu. (Hv 1:7, 14; Ps 104:4) Hambi Sathana nala wa Xikwembu a nyikiwe xileriso ni swipimelo swokarhi hi Yehovha. (Yobo 1:12; 2:6) Mikayele ntsumi leyikulu a yamukele ni kuxixima xikhundla xa Yehovha tani hi Muyavanyisi Lwenkulu loko a phikizana na Diyavulosi a ku: “A Hosi [Yehovha] ayikutshinye!” (Yudha 9; ringanisa ni Zk 3:2.) Yehovha Xikwembu a veke tintsumi hinkwato ahansi ka wulawuli la Yesu Kreste lweyi a vangamisiweke. (Hv 1:6; 1Pe 3:22; Mt 13:41; 25:31; Flp 2:9-11) Kutani Yesu hi kulerisa ka yena a rhumele ntsumi yin’wana ka mupostola Yohane. (Nhl 1:1) Hambiswilitano, ka 1 Vakorinto 6:3 mupostola Pawulo a khuluma hi vamakwavo va moya va Kreste tani hi lavangata yavanyisa tintsumi, kunene swi tano hikuva hi ndlela yokarhi vata hlanganyela akuyavanyiseni ka tintsumi tobiha.