Ntiyiso hi Tintsumi

 1. Hi mhaka muni hi fanele hi djondza hi tintsumi?

YEHOVHA a lava leswaku hi tiva ndjangu wa yena. Tintsumi i swirho swa ndjangu wa Xikwembu. Ka Bibele ti vitaniwa “vana va Xikwembu”. (Yobo 38:7) I yini leswi tintsumi tiswi yendlaka? Ti pfune vanhu ankameni lowunga hundza? Se tingahi pfuna na hina namuntlha? — Vona Nhlamuselo 8.

 2. Ti ta hi kwini tintsumi? Yehovha a tumbuluxe tintsumi tingaki?

² I swa lisima kutiva lomu tintsumi ti taka hi kona. Buku la Vakolosa 1:16 lihi byela leswaku ndzhaku ka loko Yehovha a tumbuluxe Yesu, a ‘tumbuluxile swilo hinkwaswu, le tilweni ni la misaveni’. Swilo leswo swi katsa ni tintsumi. Yehovha a tumbuluxe tintsumi tingani? Bibele li vula leswaku ku ni tintsumi totala swinene. — Tipisalema 103:20; Nhlavutelo 5:11.

 3. Buku la Yobo 38:4-7 lihi byela yini hi tintsumi?

³ Bibele li tlhela lihi djondzisa leswaku Yehovha a tumbuluxe tintsumi na angese tumbuluxa misava. Ti titwise kuyini loko ti vona misava? Buku la Yobo lihi byela leswaku ati tsake swinene. Ati vumba ndjangu lowu tirhelaka Yehovha xikan’we. — Yobo 38:4-7.

 4. Hiswi tivisa kuyini leswaku tintsumi ti ni mhaka ni vanhu?

⁴ Minkama hinkwayu tintsumi ti ni mhaka ni vanhu ni kuhetiseka ka makungu ya Yehovha hi misava ni vanhu. (Swivuriso 8:30, 31; 1 Petro 1:11, 12) Swi tikomba ti hlundzuke bya xinana loko ti vona Adamu na Eva va xandzuka ni loko vanhu votala va lange kunga yingisi Yehovha. Kambe loko munhu a tisola a gama a tlhelela ka Yehovha, tintsumi ti tsaka swinene. (Luka 15:10) Tintsumi ti ni mhaka ni lava tirhelaka Xikwembu. Naswona Yehovha a tirhisa tona leswaku a pfuna malandza ya yena laha misaveni ni kuma sirhelela. (Vaheveru 1:7, 14) Ahi kambisisi swikombiso nyana hi mhaka leyi.

 5. Tintsumi tiva pfunise kuyini vanhu va Xikwembu nkama lowunga hundza?

⁵ Yehovha a rhume tintsumi leswaku ti pfuna Lota ni ndjangu wa yena kuva va pona loko kulovisiwa madoropa ya Sodoma ni Gomora. (Genesa 19:15, 16) Ndzhaku ka madzana ya malembe, muprofeta Daniyele a nghenisiwe ka xikhele xa tinghonyama, kambe atimu yendlanga nchumu, hikusa “Xikwembu xi rhume ntsumi ya xona, yi pfala nomo wa tinghonyama”. (Daniyele 6:22) Hi kufamba ka nkama, loko mupostola Petro a li djele, Yehovha a rhumele ntsumi leswaku yimu humesa. (Mintirho 12:6-11) Tintsumi ti tlhele ti pfuna Yesu loko a li laha misaveni. Hi xikombiso, ndzhaku ka loko a khuvuliwile, “tintsumi na tona atimutirhela.” (Marka 1:13) Loko Yesu ali kusuhi ni kudlayiwa, ntsumi yin’wana yi tile leswaku “yimutiyisa.” — Luka 22:43.

 6. a) Hiswi tivisa kuyini leswaku tintsumi tahava pfuna vanhu va Xikwembu namuntlha? b) Hi swihi swivutiso leswi hingataswi hlamula swoswi?

⁶ Namuntlha wa siku, tintsumi ataha humeleli ka vanhu. Kambe Xikwembu xahati tirhisa leswaku xi pfuna vagandzeli va xona. Bibele li li: “Ntsumi ya Yehovha yi rhendzela hinkwavu lava vamu chavaka, naswona yava ponisa.” (Tipisalema 34:7) Hi mhaka muni hi lava kusirheleliwa? Hikusa hi ni valala va matimba lava lavaka kuhi vavisa. I vamani? Va huma kwini? Naswona va zama kuhi vavisa hi ndlela yihi? Leswaku hi hlamula swivutiso leswi, ahi kambisiseni leswinga humelela ndzhaku nyana ka loko Adamu na Evha va tumbuluxiwile.

 7. I yini leswi vanhu vaswi yendleke hi mhaka ya kukanganyisiwa hi Sathana?

⁷ Ka Ndzima 3 hi djondze leswaku ku ni ntsumi leyinga xandzukela Xikwembu naswona ayi lava kufuma van’wana. Bibele li yi vitana Sathana Diyavulosi. (Nhlavutelo 12:9) Nakambe Sathana a alava leswaku vanhu va xandzukela Xikwembu. A kote kukanganyisa Evha naswona kusukela kolanu, a kanganyisa votala. Kambe vanhu van’wana vofana na Avele, Enoko na Nowa, va tshame va tshembekile ka Yehovha. — Vaheveru 11:4, 5, 7.

 8. a) Swi yendlekise kuyini leswaku tintsumi tin’wana ti va madimona? b) I yini leswi tintsumi tiswi yendleke leswaku ti pona ka ndhambi?

⁸ Amasikwini ya Nowa, tintsumi tin’wana ti xandzukile ti suka kaya ka tona atilweni tita hanya laha misaveni tani hi vanhu. Hi mhaka muni? Bibele li vula leswaku ati lava kuteka vavasati. (Lerha Genesa 6:2.) Kambe leswo aswinga fanelanga swi yendliwa hi tintsumi. (Yudha 6) Kufana ni tintsumi leto tobiha, vanhu votala amasikwini wolawo va sungule kuva vakanganyisi ni kuva ni tihanyi. Kutani Yehovha a bohe kuhelisa vanhu vobiha amisaveni hinkwayu hi kutirhisa ndhambi. Kambe a ponise vagandzeli va yena. (Genesa 7:17, 23) Leswaku ti pona, tintsumi tobiha ti tlhelele atilweni. Bibele li vula leswaku tintsumi toleto i madimona. Ti lange kuxandzuka kufana na Sathana naswona Diyavulosi a ve mufumi wa tona. — Matewu 9:34.

 9. a) Kuyendleke yini loko madimona ma tlhelela atilweni? b) Hita kambisisa yini swoswi?

⁹ Leswi madimona manga xandzuka, Yehovha angama pfumelelanga leswaku ma tlhelela ka ndjangu wa yena. (2 Petro 2:4) Madimona amahaswi koti kuticinca ma va vanhu, kambe maha ‘kanganyisa misava hinkwayu’. (Nhlavutelo 12:9; 1 Yohane 5:19) Ahi kambisiseni ndlela leyi ma kanganyisaka vanhu votala hi yona. — Lerha 2 Vakorinto 2:11.

10. Madimona mava kanganyisisa kuyini vanhu?

¹⁰ Madimona ma tirhisa tindlela totala leswaku ma kanganyisa vanhu. Vanhu va vulavulisana ni madimona hi kukongoma kumbe hi kutirhisa munhu mun’wana, wofana hi nyanga kumbe muhlahluvi. Kuvulavulisana ni madimona swi vitaniwa wudimona kumbe wungoma. Kambe Bibele lihi byela leswaku hi fanele hi fambela kule swinene ni nchumu xin’wana ni xin’wana lexi fambisanaka ni madimona. (Vagalatiya 5:19-21) Hi mhaka muni? Kufana ni muphasi wa swihari lweyi a tirhisaka ntlhamu, madimona ma tirhisa ntlhamu leswaku ma phasa vanhu ma tlhela mava fuma. — Vona Nhlamuselo 26.

11. I yini kuvhumbha naswona hi mhaka muni hi fanele hi fambela kule na kona?

¹¹ Ndlela yin’wana leyi madimona mayi tirhisaka kuva ma kanganyisa vanhu i kuvhumbha. Kuvhumbha i kutirhisa matimba lama kalaka manga tolovelekanga leswaku kutiviwa wumundzuku kumbe leswinga tivekiki. Van’wana va yendla leswi hi kulanguta tinyeleti, va tirhisa swilo leswinga tolovelekangiki leswaku va hlamusela leswinga tiviwiki, va hlahluva, va femba, kumbe va nyanganyanga xiyandla. Vanhu votala va pimisa leswaku minkhuva leyo ayi na nghozi. Kambe swoleswo i mavunhwa. Swi ni nghozi leyikulu. Hi xikombiso, Bibele li vula leswaku madimona ni vavhumbhi va tirhisana swinene. Ka Mintirho 16:16-18, hi lerha hi “moya wa vungoma” lowu awu pfuna ntombhi yin’wana leswaku yi “vhumbha.” Ndzhaku ka loko mupostola Pawulo awu hlongolile, ayahaswi kotanga kuvhumbha.

12. a) Hi mhaka muni swi ni nghozi kuzama kuvulavula ni vanhu lava feke? b) Hi mhaka muni Vagandzeli va Xikwembu vanga tinghenisi ka minkhuva ya wudimona?

¹² Madimona ma tirhisa ndlela yin’wana leswaku ma phasa vanhu. Ma zama kuhi yendla hi kholwa leswaku swa koteka kuvulavula ni vafi ni leswaku vanhu lava feke va hanya ka ndhawu yin’wana naswona vanga vulavula na hina kumbe vahi vavisa. Hi xikombiso, munhu lweyi anga feliwa hi munghanu kumbe xaka, angaha ya ka mungoma lweyi a vulaka leswaku waswi kota kuvulavula ni vafi. Mungoma angaha vula swilo swotsakisa hi munghanu kumbe xaka la hina leli feke hambi kutekelela rito la yena. (1 Samuwele 28:3-19) Minkhuva yin’wana ya kulahliwa ka vafi yi fambisana ni kukholwa leswaku vafi va tama va hanya ka ndhawu yin’wana. Leswo swingaha katsa minkhuva leyi fambisanaka ni kulahla, ti misa, kuphahla, swihena leswi yendleliwaka vafelakazi, kumbe murindzelo. Loko Vakreste va yala kuhlanganyela ka minkhuva leyi, maxaka ya vona kumbe vayakelani vangahava sola, vava poyila, kumbe va tshika kuhanyisana na vona. Kambe Vakreste vaswi tiva leswaku vafi ava tami va hanya ka ndhawu yin’wana. Aswinge koteki kuvulavulisana na vona naswona avangehi yendli nchumu. (Tipisalema 115:17) Ti voneli. Unga tshuki u zama kuvulavula ni vafi kumbe madimona naswona unga tshuki u tinghenisa ka mihivahivana ya wona. — Lerha Deteronoma 18:10, 11; Esaya 8:19.

13. I yini leswi vanhu van’wana lava ava chava madimona vanga kota kuswi yendla?

¹³ Madimona ama phasi vanhu ntsena kambe ma tlhela mava chavisela. Namuntlha, Sathana ni madimona ya yena va saleliwe hi ‘nkama wokoma’ leswaku Xikwembu xiva helisa laha misaveni, kutani va yengesela tihanyi ni madzolonga kutlula minkama hinkwayu. (Nhlavutelo 12:12, 17) Kambe vanhu votala lavanga tshama va hanya hi kuchava madimona avahama chavi. Va titshunxe hi ndlela yihi ka kuchava madimona?

14. Hinga titshunxisa kuyini ka madimona hilaha Vakreste va minkameni ya vapostola vanga yendla hi kona?

¹⁴ Bibele lihi byela ndlela yolwisana ni madimona ni yotitshunxa ka wona. Hi xikombiso, vanhu van’wana va le doropeni la Efesa ava vulavulisana ni madimona na vangese dyondza ntiyiso. Va titshunxe hi ndlela yihi? Bibele li vula leswi: ‘Lavanyingi xikarhi ka lava avatirhile swa masalamusi, vahlengeleta tibuku ta vona, vatihisa mahlweni ka vanhu hinkwavu’. (Mintirho 19:19) Leswi ava lava kuva Vakreste, va hise mabuku ya vona hinkwawu ya masalamusi. Ni namuntlha hi fanele hi yendla leswi fanaka. Mun’wana ni mun’wana lweyi a lavaka kutirhela Yehovha a fanele a tshika nchumu wun’wana ni wun’wana lowu fambisanaka ni madimona. Leswo swi katsa mabuku, marevhixta, rungula leli hlamuselaka leswingata humelela hikuya hi siku leli munhu a psaliweke hi lona, mafilmi, tinsimu, mintlango, hambi mafoto ya wusalamusi, wudimona ni swilo leswi tikombaka swi tsakisa kambe swi yelanaka ni matimba lama kalaka manga tolovelekanga. Leswo swi katsa swilo leswi vaswi tirhisaka leswaku va tisirhelela ka swilo swobiha. — 1 Vakorinto 10:21.

15. Hi fanele hi yendla yini swin’wana leswaku hi lwisana ni madimona?

¹⁵ Ndzhaku ka malembe nyana na Vaefesa va hise mabuku ya wusalamusi, mupostola Pawulo a tsale leswaku avaha fanele ‘va lwa’ nyimpi ni “mimoya leyobiha leyinga mpfukeni”. (Vaefesa 6:12) I ntiyiso, hambileswi se ava hise mabuku ya vona, madimona amaha zama kuva vavisa. Kutani, i yini swin’wana leswi ava fanele vaswi yendla? Pawulo ava byele leswi: “Rhwalani kupfumela, xiva xisirhelelo xa n’wina, kutani mitakota kutimela ha xona mimpaxwa hinkwayu leyipfurhaka ya nala.” (Vaefesa 6:16) Tani hi leswi xitlhangu xi sirhelelaka musonchwa anyimpini, lipfumelo la hina lingahi sirhelela. Loko hi tiyiseka hi kuhelela leswaku Yehovha angahi sirhelela, hitaswi kota kulwisana na Sathana ni madimona ya yena. — Matewu 17:20.

16. Hingali tiyisisa kuyini lipfumelo la hina?

¹⁶ Hingali tiyisisa kuyini lipfumelo la hina? Hi fanele hi lerha Bibele siku ni siku naswona hi djondza kutshembela ka Yehovha leswaku ahi sirhelela. Loko hi tiyiseka hi kuhelela ka nsirhelelo wa Yehovha, Sathana ni madimona ya yena vangataswi kota kuhi vavisa. — 1 Yohane 5:5.

17. I yini swin’wana leswingahi sirhelelaka ka madimona?

¹⁷ I yini swin’wana leswi Vakreste va le Efesa ava fanele vaswi yendla? Ava hanya ka doropa leli taleke hi wudimona. Kutani Pawulo ava byele leswi: “Khongelani minkama hinkwayu”. (Vaefesa 6:18) Ava fanele va kombela nsirhelelo wa Yehovha minkama hinkwayu. Kuvuliwa yini hi hina? Na hina hi hanya ka misava leyi taleke hi wudimona. Kutani hi fanele hi kombela nsirhelelo wa Yehovha naswona hi fanele hi tirhisa vito la Yehovha loko hi khongela. (Lerha Swivuriso 18:10.) Loko hi tama hi kombela ka Yehovha leswaku ahi tshunxa ka Sathana, Yehovha ata hlamula swikhongelo swa hina. — Tipisalema 145:19; Matewu 6:13.

18, 19. a) Hingaswi kotisa kuyini kuhlula nyimpi leyi hi lwaka na Sathana ni madimona ya yena? b) Hi xihi xivutiso lexingata hlamuliwa ka ndzima leyi landzelaka?

¹⁸ Loko hi titshunxa ka swilo hinkwaswu leswi fambisanaka ni wudimona naswona hi tiseketela hi Yehovha leswaku ahi sirhelela, hingaswi kota kulwisana na Sathana ni madimona. Ahi fanelanga hiva chava. (Lerha Yakobo 4:7, 8.) Yehovha a ni matimba swinene kutlula madimona. Se ama khatisile amasikwini ya Nowa naswona ankameni lowu taka atama helisa. (Yudha 6) Minkama hinkwayu ahi khumbukeni leswaku ahi lwi hoxe ka nyimpi leyi. Yehovha a tirhisa tintsumi ta yena leswaku ahi sirhelela. (2 Tihosi 6:15-17) Hinga tiyiseka hi kuhelela leswaku hi kupfuniwa hi Yehovha, hingaswi kota kuhlula nyimpi ya hina na Sathana ni madimona ya yena. — 1 Petro 5:6, 7; 2 Petro 2:9.

¹⁹ Kambe leswi Sathana ni madimona va vangaka kuhlupheka lokukulu swinene, hi mhaka muni Xikwembu xingese va lovisa? Nhlamulu hitayi kuma ka ndzima leyi landzelaka.