Masalimo

 2 Chiuta wane, nkhuthemba imwe.+

Mungazomerezganga chara kuti nilengeskeke.+

 3 Nadi, palije uyo wakugomezga imwe wakhozgekenge soni,+

Kweni soni zikulindilira awo ŵakuchita uryarya kwambura chifukwa.+

 4 Nimanyiskani mendero ghinu, A Yehova.+

Nisambizgani nthowa zinu.+

 5 Nendeskani mu unenesko winu na kunisambizga,+

Pakuti ndimwe Chiuta wane wa chiponosko.

 6 A Yehova, kumbukani lusungu lwinu na chitemwa* chinu,+

Ivyo mukulongora nyengo zose.*+

Nikumbukani kuyana na lusungu* lwinu,+

Chifukwa cha uwemi winu, A Yehova.+

 9 Walongozgenge ŵakuzika mu icho ntchakwenelera,+

Ndipo wasambizgenge ŵakuzika mendero ghake.+

10 Nthowa zose za Yehova ni za lusungu* na kugomezgeka

Ku awo ŵakusungilira phangano+ lake na vikumbusko vyake.+

11 A Yehova, chifukwa cha zina linu,+

Nigowokerani ubudi wane, nangauli ngukuru.

13 Wawonenge viwemi,+

Mphapu* yake yiharenge charu chapasi.+

14 Yehova ni mubwezi wa awo ŵakumopa,+

Ndipo wakuŵamanyiska phangano lake.+

15 Maso ghane ghali kwa Yehova nyengo zose,+

Pakuti wasutulenge malundi ghane mu ukonde.+

16 Lazgirani chisko chinu kwa ine, munilongore lusungu,

Pakuti nili nekha, nilije movwiri.

17 Visuzgo vya mtima wane vyandana.+

Nifwaturani ku ulwilwi wane.

18 Wonani suzgo yane na kuyuzgika kwane,+

Nigowokerani zakwananga zane zose.+

19 Wonani umo ŵalwani ŵane ŵaliri ŵanandi,

Na umo ŵakunitinkhira mwankhaza.

21 Mphanyi urunji na kunyoloka vyanisungilira,+

Pakuti chigomezgo chane chili mwa imwe.+