Ɔsom Nhyiam Nhyehyɛe

Dapɛn a Efi Ase May 14

Dwom 3

10 min: Asafo mu nkaebɔ; Yɛn Ahenni Som mu Nkaebɔ a wɔapaw. Ka adawurubɔfo dodow nkɔanim foforo ho asɛm.

15 min: Dɛn na Mobɛyɛ Wɔ Akwamma Bere Mu? Ɔpanyin anaa ɔsomfo bi ne n’abusua susuw nea wɔbɛyɛ wɔ akwamma bere mu ho. Wosusuw ho sɛ wɔbɛkɔ ɔmansin anaa da koro nhyiam titiriw no bi, wɔbɛyɛ akwampaefo aboafo, na ebia wɔagye bere de akogye wɔn ani wɔ beae bi. Wɔn nyinaa ka sɛ wɔbɛkɔ so de wɔn ho ahyɛ teokrase dwumadi te sɛ asafo nhyiam a wɔbɛkɔ, asɛnkakɔ, ne abusua Bible adesua mu, ɛmfa ho sɛ ebia wɔatu kwan mpo no. Wɔka sɛ wɔde wɔn asɛnka akontaabu bɛma ɔkyerɛwfo no ntɛm ara, ɛmfa ho sɛ wɔatu kwan anaasɛ wontuu kwan no.

20 min: “Ahenni Asa a Ɛho Abehia sɛ Wosisi Ma Aman a Wɔn Ho Nso.”a Krataa a ɛhyɛ Yɛn Ahenni Som yi mu, nkyekyem 1-13 ho a wosusuw.

Dwom 31 ne mpaebɔ a wɔde wie.

Dapɛn a Efi Ase May 21

Dwom 28

10 min: Asafo mu nkaebɔ. Sikasɛm ho amanneɛbɔ.

15 min: “Ahenni Asa a Ɛho Abehia sɛ Wosisi Ma Aman a Wɔn Ho Nso.”b Krataa a ɛhyɛ Yɛn Ahenni Som yi mu, nkyekyem 14-22 ho a wosusuw. Boa obiara ma onhu n’asɛyɛde wɔ nhyehyɛe foforo yi mu.

20 min: Nhyehyɛe Pa a Wɔayɛ Ama Yɛn Akwahosan Sohwɛ. Ɔkasa a ɔpanyin a ɔfata ma. Si so dua sɛ ɔkwampa a yebetumi afa so abɔ yɛn ho ban mmara kwan so afi mogya a wɔde ma ho ne sɛ yɛbɛhyehyɛ “Advance Medicial Directive/Release” kratasin no. Sɛ mopɔn nhyiam yi a, adawurubɔfo a wɔabɔ asu no betumi agye kratasin yi bi, nanso ƐNSƐ SƐ mohyehyɛ no anadwo yi ara. Nsa a wɔde bɛhyɛ nkrataa no nyinaa ase, ɛho adanse a wobedi, ne date a wɔbɛbɔ ahyɛ so no bɛba so bere a moapɔn Asafo Nhoma Adesua a edi hɔ no, na sɛ ɛho behia a, nhoma adesua sohwɛfo no bɛboa ma moadi ho dwuma. Ɛsɛ sɛ wɔn a wɔde wɔn nsa hyɛ krataa no ase sɛ adansefo no hu sɛ wɔn a ɛyɛ wɔn de no de wɔn nsa ahyɛ ase. Ɛsɛ sɛ Nhoma adesua so ahwɛfo hwɛ hu sɛ wɔn a wɔwɔ wɔn akuw mu nyinaa anya mmoa a wohia na ama wɔatumi ahyehyɛ “Advance Medical Directive/Release” kratasin no. Awofo betumi agye “Identity Cards” no bi ama wɔn mma nkumaa bere a moapɔn nhyiam no. Bere a adawurubɔfo a wɔmmɔɔ wɔn asu de nsɛm a ɛwɔ saa kratasin yi so atoto wɔn ankasa tebea ne wɔn gyidi ahorow ho no, wobetumi ayɛ wɔn ankasa krataa, na wɔne wɔn mma de adi dwuma.

Dwom 1 ne mpaebɔ a wɔde wie.

Dapɛn a Efi Ase May 28

Dwom 58

13 min: Asafo mu nkaebɔ. Kae adawurubɔfo ma wɔmfa wɔn May asɛnka akontaabu mmra. Ka “Nsɛmma Nhoma a Wɔsan Kra a Yɛama Ayɛ Mmerɛw” ho asɛm. Ɛsɛ sɛ anuanom boa wɔn a wɔama wɔakra Ɔwɛn-Aban ne Nyan! no nyinaa na wɔamma ansa na wɔakra foforo.

15 min: Asafo mu ahiade.

17 min: “Onyankopɔn Asɛm Wɔ Tumi.”c Ma wɔnyɛ ɔyɛkyerɛ ntiantia abien a wɔasiesie no yiye mfa nkyerɛ asɛntiaa a wɔka kyerɛ a wɔde Onyankopɔn Asɛm di dwuma wom.

Dwom 79 ne mpaebɔ a wɔde wie.

Dapɛn a Efi Ase June 4

Dwom 100

12 min: Asafo mu nkaebɔ. Fa “Ghana Betel Ntrɛwmu no Nkɔso Ho Amanneɛbɔ” ma.

15 min: “Fa Wo Ho Hyɛ Otwa Adwuma no Mu Kɛse.”d Sɛ moresusuw nkyekyem 4 ho a, twe adwene si September 15, 1996, Ɔwɛn-Aban, kratafa 18, Nkyekyem 10, so fa kyerɛ nea afoforo reyɛ de atrɛw wɔn som adwuma mu.

18 min: “Yɛayɛ Yɛn Asasesin no Mu Adwuma Mpɛn Pii!”e Ɛsɛ sɛ ɔsom adwuma sohwɛfo di ho dwuma. (Asafo ahorow a ɛwɔ asasesin a wɔntaa nyɛ mu adwuma no betumi asusuw “Nsɛmma Nhoma Ka Ahenni no Ho Asɛm,” a ɛwɔ April 1998 Yɛn Ahenni Som mu no ho.) Kyerɛ nea mubetumi ayɛ de ayɛ mo asasesin no mu adwuma fefeefe. Ka osuahu ahorow a ɛwɔ 1997 Yearbook, kratafa 204, ne February 15, 1996, Ɔwɛn-Aban, kratafa 26 no ho asɛm. Si hia a ehia sɛ yɛyɛ afie-afie asɛnka ho kyerɛwtohɔ pa, kɔ wɔn a yɛanto wɔn fie no nkyɛn, na yɛyɛ sankɔhwɛ ntɛm ara no so dua.

Dwom 142 ne mpaebɔ a wɔde wie.

[Ase hɔ nsɛm]