Mau parau faaite

◼ Mau papai e pûpûhia i te mau avaˈe Me: Te Pare Tiairaa e Réveillez-vous! Ia faaite te hoê taata i te anaanatae ia farereihia ˈtu, e tuuhia oia i roto i te hoê tapura opereraa vea. A pûpû atu i te buka rairai ra Titau ma te fa e haamata i te mau haapiiraa bibilia. Tiunu: Eaha ta te Atua e titau ra ia tatou? aore ra Te ite e aratai i te ora mure ore. Mai te peu e te vai aˈena ra ta te taata teie nau papai, e nehenehe e pûpû atu i te tahi atu buka rairai e tano e vai ra i roto i te amuiraa. Tiurai e Atete: Te hoê o te mau buka rairai e 32 api i muri nei: Eaha te tumu o te oraraa? Nafea outou e ite ai i te reira?; Eaha te tupu i nia ia tatou ia pohe tatou?; E oaoa oe i te fenua e a muri noa ˈtu!; E tia anei ia tiaturi i te Toru Tahi?; Ia pohe tei herehia e outou na; “Inaha, te faaapî nei au i te mau mea atoa nei”; Te faatereraa o te haamau i te Paradaiso; Te haapao mau ra anei te Atua ia tatou?; Te iˈoa o te Atua e vai noa e a muri noa ˈtu. Ia tano anaˈe, e nehenehe tatou e pûpû: Mau varua o te feia pohe—E nehenehe anei ratou e tauturu ia outou aore ra e hamani ino ia outou? Te vai mau ra anei ratou?; Connaîtrons-nous un jour un monde sans guerre?; Nos problèmes—Qui nous aidera à les résoudre?; Un livre pour tous.

◼ Te vai ra ta te piha ohiparaa a te amaa te mau buka tahoêhia na roto i te reo FARANI o Te Pare Tiairaa o te mau matahiti 1951-1996, e o te Réveillez-vous! o te mau matahiti 1990-1995. Hau atu â, te vai ra te mau Annuaire des Témoins de Jéhovah o te mau matahiti 1990-1997 na roto i te reo FARANI. E ani te feia poro aore ra te mau amuiraa apî e hinaaro ra i taua mau buka ra i teie nei i te taeae haapao i te mau papai. (A hiˈo i Ta tatou taviniraa i te Basileia no Eperera 1997, Pahonoraa i ta outou mau uiraa; Te Pare Tiairaa o te 1 no Novema 1994, api 28-31.)

◼ Te haamanaˈo atu nei matou e e nehenehe te mau amuiraa no Tahiti e no Moorea e ani ia horoa te hoê taeae orero o te Betela i te hoê o na 142 oreroraa parau no te taatoaraa i matauhia. E tia ïa ia faataehia te aniraa e piti aˈe avaˈe na mua ˈˈe, ma te faaite i te tahi mau oreroraa parau e nehenehe e vauvauhia. E tutava te piha ohiparaa a te amaa, ia au i te vataraa o te mau taeae orero, i te maiti i te hoê taeae no te hoê o taua mau oreroraa parau ra. Ia nehenehe anaˈe, e apiti atoa ˈtu te taeae orero i roto i te pororaa i te poipoi Tapati. Mai te peu e e hinaaro te mau matahiapo, e nehenehe ratou e ani i te taeae orero ia vauvau atoa i te hoê oreroraa parau taviniraa i te amuiraa.

◼ E haponohia ˈtu te numera tamatahiti o te mau api parau i te mau amuiraa, ia tae mai te reira. E tapaohia te mau faaueraa no nia i te opereraa i te mau api parau i nia i te parau haponoraa. Mai te peu e te faaohipa ra te tahi mau amuiraa i te hoê â Piha a te Basileia, e faanaho te taeae haapao i te mau papai e ia fanaˈo te amuiraa taitahi i ta ˈna iho numera api parau i te taeraa mai iho â te reira.

◼ E tia i te tiaau peretiteni aore ra te hoê taeae ta ˈna i maiti, ia hiˈopoa i te tapura faufaa moni a te amuiraa i te 1 no Tiunu, aore ra i muri noa iho i teie taio mahana. Ia oti taua hiˈopoaraa ra, e faaarahia ˈtu te amuiraa i muri aˈe i te taioraa i te tapura faufaa moni i mua nei.

◼ Ia papaihia “Association Les Témoins de Jéhovah” i nia i te mau parau moni e tuuhia i roto i te mau Piha a te Basileia no te turu i te ohipa e ravehia ra i te ao nei. Hoê â huru no te mau parau moni e pûpûhia i te mau tairururaa mataeinaa e te mau parau moni e haponohia i te amaa ra.

◼ Nau papai e vai faahou ra:

Farani: Eaha ta te Atua e titau ra ia tatou?; Te ite e aratai i te ora mure ore.

◼ Nau ripene video e vai faahou ra:

Farani: La fermeté des Témoins de Jéhovah face à la persécution nazie; Unis grâce à l’enseignement divin.