• Ia ite oe i “te here o te Mesia”
    A faafatata ˈtu ia Iehova

    • “To ˈu Metua, a faaore i ta ratou hara”

      16. I nia i te pou haamauiuiraa, mea nafea Iesu i te faaiteraa i to ˈna ineine i te faaore i te hara?

      16 Ua pee Iesu ma te tia roa i te here o to ˈna Metua na roto i te tahi atu ravea faufaa, to ˈna “ineine i te faaore i te hara.” (Salamo 86:5) Ua ite-maitai-hia te reira a mauiui noa ˈi oia i nia i te pou haamauiuiraa. Noa ˈtu ta ratou faautuaraa haama e te mauiui ta ratou i faatupu a patiti ai i to ˈna rima e to ˈna avae, aita roa ˈtu Iesu i ani ia Iehova ia faautua i te feia i haamauiui ia ˈna. I roto râ i ta ˈna mau parau hopea, ua ani Iesu: “To ˈu Metua, a faaore i ta ratou hara, aita hoi ratou i ite i ta ratou e rave nei.”​—Luka 23:34.b

  • Ia ite oe i “te here o te Mesia”
    A faafatata ˈtu ia Iehova

    • b Aita te tuhaa matamua o te Luka 23:34 i roto i te tahi mau papai tahito roa. No te mea râ te vai ra te reira i roto i te tahi atu mau papai papu e rave rahi, e itehia te reira i roto i te Huriraa o te ao apî e i roto atoa i te tahi atu mau huriraa Bibilia e rave rau. Ua faahiti Iesu i tera mau parau ma te manaˈo i te mau faehau Roma tei patiti ia ˈna i nia i te pou. Aita ratou i ite eaha ta ratou e rave ra, aita hoi ratou i ite o vai mau na Iesu. Ua manaˈo atoa paha Iesu i te mau ati Iuda tei hinaaro ia haapohehia o ˈna, ua faatupu râ i te faaroo ia ˈna i muri aˈe. (Ohipa 2:36-38) Mea taa ê roa râ no te mau aratai haapaoraa o tei opua e haapohe ia Iesu, ua na reira hoi ratou noa ˈtu ua ite ratou e Tamaiti Iesu na te Atua e o ˈna te Mesia. No te rahiraa o ratou, eita roa ta ratou hara e faaorehia.​—Ioane 11:45-53.