زبور

 2 خدا بادلوں اور گہری تاریکی سے گِھرا ہوا ہے؛‏

نیکی اور اِنصاف اُس کے تخت کی بنیاد ہیں۔‏

 3 آگ اُس کے آگے آگے چلتی ہے

اور چاروں طرف اُس کے مخالفوں کو بھسم کرتی جاتی ہے۔‏

 4 اُس کی بجلی کی چمک سے زمین روشن ہو جاتی ہے

اور اِسے دیکھ کر زمین کانپنے لگتی ہے۔‏

 5 یہوواہ کے سامنے، ہاں، پوری زمین کے مالک کے سامنے

پہاڑ موم کی طرح پگھل جاتے ہیں۔‏

 6 آسمان اُس کی نیکی کا اِعلان کرتا ہے

اور سب لوگ اُس کی شان دیکھتے ہیں۔‏

 7 وہ سب جو کسی تراشی ہوئی مورت کو پوجتے ہیں

اور اپنے فضول خداؤں پر شیخی مارتے ہیں، شرمندہ ہوں۔‏

 8 اَے یہوواہ!‏ تیرے فیصلوں کے بارے میں سُن کر صِیّون خوشیاں مناتا ہے؛‏

یہوداہ کے قصبے*‏ باغ باغ ہوتے ہیں

 9 کیونکہ اَے یہوواہ!‏ تُو پوری زمین کے اُوپر سب سے بلند ہے؛‏

تیرا مرتبہ باقی سب خداؤں سے کہیں زیادہ اُونچا ہے۔‏

وہ اپنے وفادار بندوں کی جانوں کی حفاظت کرتا ہے؛‏

وہ اُنہیں بُرے لوگوں کے ہاتھ سے چھڑاتا ہے۔‏

11 نیک لوگوں کے لیے روشنی چمکی ہے؛‏

نیک‌دل لوگوں کے لیے خوشیوں کی بہار آئی ہے۔‏

12 نیک لوگو!‏ یہوواہ کی وجہ سے خوش ہو

اور اُس کے پاک نام*‏ کی تعظیم کرو۔‏