زبور

143 اَے یہوواہ!‏ میری دُعا سُن؛‏

مدد کے لیے میری اِلتجا پر توجہ فرما۔‏

 2 اپنے بندے پر مُقدمہ نہ چلا

کیونکہ کوئی بھی اِنسان تیرے سامنے نیک نہیں ٹھہر سکتا۔‏

 3 دُشمن میرا*‏ پیچھا کرتا ہے؛‏

اُس نے مجھے کچل کر خاک میں ملا دیا ہے۔‏

 4 میری ہمت*‏ جواب دے رہی ہے؛‏

میرا دل سُن ہو گیا ہے۔‏

 5 مَیں پُرانے دنوں کو یاد کرتا ہوں؛‏

مَیں تیرے سارے کاموں پر سوچ بچار کرتا ہوں؛‏

مَیں بڑے شوق سے تیرے ہاتھوں کے کام پر غور*‏ کرتا ہوں۔‏

 6 مَیں تیرے سامنے ہاتھ پھیلاتا ہوں؛‏

میری جان سُوکھی زمین کی طرح تیری پیاسی ہے۔ ‏(‏سِلاہ)‏

 7 اَے یہوواہ!‏ مجھے جلدی جواب دے؛‏

میری طاقت*‏ بس ختم ہونے والی ہے۔‏

مجھ سے اپنا چہرہ نہ چھپا

ورنہ مَیں اُن لوگوں کی طرح ہوں گا جو قبر*‏ میں چلے جاتے ہیں۔‏

 8 صبح کو مجھے اپنی اٹوٹ محبت کا ذکر سنا

کیونکہ مَیں تجھ پر بھروسا کرتا ہوں۔‏

مجھے وہ راہ بتا جس پر مجھے چلنا چاہیے

کیونکہ مَیں*‏ تیری طرف رُجوع کرتا ہوں۔‏

10 مجھے اپنی مرضی پر چلنا سکھا

کیونکہ تُو میرا خدا ہے۔‏

تیری روح*‏ اچھی ہے؛‏

یہ مجھے ہموار جگہ پر*‏ لے چلے۔‏

12 اپنی اٹوٹ محبت کی وجہ سے میرے دُشمنوں کو ختم*‏ کر دے؛‏

مجھے*‏ ڈرانے دھمکانے والے سب لوگوں کو تباہ کر دے

کیونکہ مَیں تیرا بندہ ہوں۔‏