اَمثال

 2 میرے بیٹے!‏ مَیں آپ سے کیا کہوں؟‏

میری کوکھ سے پیدا ہوئے بیٹے!‏ مَیں کیا بولوں؟‏

میرے بیٹے جس کے لیے مَیں نے منتیں مانیں!‏ مَیں آپ کو کیا بتاؤں؟‏

 3 اپنی طاقت عورتوں پر برباد نہ کرنا

اور نہ ہی ایسی راہ پر چلنا جس سے بادشاہ تباہ ہو جاتے ہیں۔‏

 4 لموایل!‏ بادشاہوں کا،‏

ہاں، بادشاہوں کا مے پینا مناسب نہیں

اور نہ ہی حکمرانوں کا یہ کہنا مناسب ہے:‏ ”‏کہاں ہے میرا جام؟“‏

 5 ایسا نہ ہو کہ وہ پی کر قوانین بھول جائیں

اور ادنیٰ لوگوں کا حق ماریں۔‏

 6 شراب اُن لوگوں کو دو جو تباہ ہونے والے ہیں

اور مے اُن لوگوں کو جو پریشانی میں ڈوبے ہیں*‏

 7 تاکہ وہ پی کر اپنی غربت بھول جائیں

اور اُنہیں اپنی تکلیف یاد نہ رہے۔‏

 8 اُن کی طرف سے بولو جو بول نہیں سکتے؛‏

اُن سب کے حقوق کا دِفاع کرو جو تباہ ہونے والے ہیں۔‏

 9 چپ مت رہو اور سچا اِنصاف کرو؛‏

ادنیٰ اور غریب لوگوں کے حقوق کا دِفاع کرو۔‏*‏

11 اُس کا شوہر دل سے اُس پر بھروسا کرتا ہے

اور اُس کے شوہر کو کسی چیز کی کمی نہیں ہوتی۔‏

12 وہ ساری زندگی اُس کے ساتھ

اچھائی ہی کرتی ہے، بُرائی نہیں کرتی۔‏

13 وہ اُون اور لینن ڈھونڈ کر لاتی ہے؛‏

وہ خوشی خوشی اپنے ہاتھوں سے کام کرتی ہے۔‏

14 وہ تاجروں کے جہاز کی طرح

دُور دُور سے اپنا کھانا لاتی ہے۔‏

15 وہ مُنہ اندھیرے ہی اُٹھ جاتی ہے،‏

اپنے گھر والوں کے لیے کھانے کا اِنتظام کرتی ہے

اور اپنی خادماؤں کو بھی اُن کے حصے کا کھانا*‏ دیتی ہے۔‏

16 وہ کھیت خریدنے کے بارے میں سوچ بچار کرتی ہے اور اِسے خرید لیتی ہے؛‏

وہ محنت سے*‏ انگور کا باغ لگاتی ہے۔‏

17 وہ سخت محنت کے لیے اپنی کمر کَستی ہے

اور اپنے بازوؤں کو مضبوط کرتی ہے۔‏

18 وہ اِس بات کا دھیان رکھتی ہے کہ اُسے کاروبار میں منافع ہو؛‏

اُس کا چراغ رات کے وقت بھی نہیں بجھتا۔‏

19 وہ ایک ہاتھ میں اٹیرن پکڑتی ہے

اور دوسرے ہاتھ میں تکلا۔‏*‏

20 وہ ادنیٰ لوگوں کی طرف مدد کا ہاتھ بڑھاتی ہے

اور غریبوں کے لیے اپنی مُٹھی کھولتی ہے۔‏

21 اُسے برف‌باری کے وقت اپنے گھرانے کی فکر نہیں ہوتی

کیونکہ اُس کے سب گھر والوں نے گرم*‏ کپڑے پہنے ہوتے ہیں۔‏

23 اُس کے شوہر کو شہر کے دروازے پر سب جانتے ہیں

جہاں وہ علاقے کے بزرگوں کے ساتھ بیٹھتا ہے۔‏

24 وہ لینن کے کپڑے*‏ بنا کر بیچتی ہے

اور تاجروں کو کمربند پہنچاتی ہے۔‏

25 طاقت اور شان اُس کا لباس ہیں

اور وہ آنے والے کل سے نہیں ڈرتی۔‏*‏

26 اُس کے مُنہ سے دانش‌بھری باتیں نکلتی ہیں؛‏

اُس کی زبان پر مہربانی کا قانون*‏ ہوتا ہے۔‏

27 وہ اپنے گھر کے معاملوں پر نظر رکھتی ہے

اور سُستی کی روٹی نہیں کھاتی۔‏

28 اُس کے بچے کھڑے ہو کر اُس کی تعریف کرتے ہیں؛‏

اُس کا شوہر بھی کھڑا ہو کر اُسے سراہتا ہے۔‏

29 اچھی*‏ عورتیں تو بہت سی ہیں

لیکن آپ اُن سب سے بڑھ کر ہو۔‏

30 دلکشی دھوکا دے سکتی ہے اور خوب‌صورتی پَل بھر کی*‏ ہو سکتی ہے

لیکن جو عورت یہوواہ کا خوف رکھتی ہے، اُس کی تعریف کی جائے گی۔‏

31 اُسے اُس کی محنت کا اجر دو؛‏*‏

شہر کے دروازوں پر اُس کے کاموں کی تعریف کی جائے۔‏