زبور

34 مَیں ہمیشہ یہوواہ کی بڑائی کروں گا؛‏

میرے ہونٹوں پر ہر وقت اُس کی تعریف ہوگی۔‏

 2 مَیں*‏ یہوواہ پر فخر کروں گا؛‏

حلیم لوگ یہ سنیں گے اور خوش ہوں گے۔‏

 3 میرے ساتھ مل کر یہوواہ کی بڑائی کرو؛‏

آؤ مل کر اُس کے نام کی تعظیم کریں۔‏

 5 اُس سے اُمید لگانے والوں کے چہرے خوشی سے دمکنے لگے؛‏

اُنہیں کبھی شرمندہ نہیں ہونا پڑے گا۔‏

 7 یہوواہ کا فرشتہ اُن سب کے گِرد پہرا دیتا ہے*‏ جو اُس کا خوف رکھتے ہیں

اور اُنہیں بچاتا ہے۔‏

 8 آزماؤ*‏ اور دیکھو کہ یہوواہ کتنا اچھا ہے؛‏

وہ شخص خوش رہتا ہے جو اُس کے پاس پناہ لیتا ہے۔‏

 9 یہوواہ کے مُقدس بندو!‏ اُس کا خوف رکھو

کیونکہ اُس کا خوف رکھنے والوں کو کسی چیز کی کمی نہیں ہوتی۔‏

10 طاقت‌ور جوان شیروں*‏ کو بھی کبھی کبھار بھوکا رہنا پڑتا ہے؛‏

لیکن جو یہوواہ کی رہنمائی حاصل کرنے کی کوشش کرتے ہیں، اُنہیں کسی اچھی چیز کی کمی نہیں ہوگی۔‏

11 میرے بیٹو!‏ آؤ اور میری سنو؛‏

مَیں تمہیں یہوواہ کا خوف رکھنا سکھاؤں گا۔‏

12 تُم میں سے کون زندگی کا مزہ لینا چاہتا ہے

اور بہت سے اچھے دن دیکھنا چاہتا ہے؟‏

13 تو پھر اپنی زبان کو بُری باتوں سے باز رکھو؛‏

اور اپنے ہونٹوں کو دھوکادہی سے روکو۔‏

14 بُرے کام چھوڑ دو اور اچھے کام کرو؛‏

صلح قائم کرنے کی کوشش کرو اور اِس کی جستجو میں رہو۔‏

15 یہوواہ کی آنکھیں نیک لوگوں پر رہتی ہیں؛‏

اور اُس کے کان مدد کے لیے اُن کی فریاد سنتے ہیں۔‏

16 لیکن یہوواہ*‏ اُن لوگوں کے خلاف ہے جو بُرے کام کرتے ہیں؛‏

وہ اُن کی یاد زمین سے پوری طرح مٹا دے گا۔‏

17 نیک لوگوں نے پکارا اور یہوواہ نے سنا؛‏

اُس نے اُنہیں اُن کی ساری پریشانیوں سے نکالا۔‏

18 یہوواہ دُکھ سے چُور دلوں کے قریب ہے؛‏

وہ اُن لوگوں کو بچاتا ہے جن کا حوصلہ ٹوٹ چُکا ہے۔‏*‏

19 نیک شخص کو بہت سی مشکلوں*‏ کا سامنا کرنا پڑتا ہے؛‏

لیکن یہوواہ اُسے اُن سب سے نکالتا ہے۔‏

20 وہ اُس کی سب ہڈیوں کو محفوظ رکھتا ہے؛‏

اُن میں سے ایک بھی توڑی نہیں گئی۔‏

21 آفت بُرے شخص کو موت کے گھاٹ اُتار دے گی؛‏

نیک لوگوں سے نفرت کرنے والوں کو مُجرم ٹھہرایا جائے گا۔‏

22 یہوواہ اپنے بندوں کی جانوں کو بچاتا*‏ ہے؛‏

اُس کے پاس پناہ لینے والوں میں سے کسی کو بھی مُجرم نہیں ٹھہرایا جائے گا۔‏