سبق نمبر 33
خدا کی بادشاہت کیا کچھ کرے گی؟
خدا کی بادشاہت اِس وقت حکمرانی کر رہی ہے اور بہت جلد یہ زمین پر بڑی بڑی تبدیلیاں کرے گی۔ آئیں، دیکھیں کہ خدا کی بادشاہت ایسے کون سے کام کرے گی جنہیں ہم سب دیکھنا چاہتے ہیں۔
1. خدا کی بادشاہت زمین پر امن اور اِنصاف کیسے قائم کرے گی؟
خدا کی بادشاہت کے بادشاہ یسوع مسیح ہرمجِدّون کی جنگ میں بُرے لوگوں اور حکومتوں کو ختم کر دیں گے۔ (مکاشفہ 16:14، 16) اُس وقت بائبل میں لکھی یہ بات پوری ہوگی: ”تھوڑی دیر میں شریر نابود ہو جائے گا۔“ (زبور 37:10) اِس کا مطلب ہے کہ بُرے لوگ ختم ہو جائیں گے۔ خدا کی بادشاہت کے ذریعے یسوع مسیح پوری زمین پر امن اور اِنصاف قائم کریں گے۔—یسعیاہ 11:4۔
2. جب زمین پر خدا کا مقصد پورا ہوگا تو زندگی کیسی ہوگی؟
خدا کی بادشاہت میں ”صادق زمین کے وارث ہوں گے اور اُس میں ہمیشہ بسے رہیں گے۔“ (زبور 37:29) ذرا تصور کریں کہ آپ ایک ایسی دُنیا میں ہیں جہاں سب لوگ اچھے ہیں؛ جہاں سب یہوواہ خدا اور ایک دوسرے سے پیار کرتے ہیں اور جہاں کوئی بھی کبھی بیمار نہیں ہوگا اور ہر شخص ہمیشہ تک زندہ رہے گا۔
3. خدا کی بادشاہت بُرے لوگوں کو ختم کرنے کے بعد کیا کرے گی؟
بُرے لوگوں کو ختم کرنے کے بعد یسوع مسیح 1000 سال تک حکمرانی کریں گے۔ اُس وقت کے دوران یسوع مسیح اور اُن کے 1 لاکھ 44 ہزار ساتھی زمین پر اِنسانوں کی مدد کریں گے تاکہ وہ ہر عیب اور گُناہ سے پاک ہو جائیں۔ 1000 سال ختم ہونے کے بعد زمین ایک خوبصورت باغ بن جائے گی۔ تب سب لوگ خوش ہوں گے کیونکہ وہ یہوواہ خدا کے حکموں پر عمل کر رہے ہوں گے۔ پھر یسوع مسیح اپنے باپ کو حکمرانی واپس دے دیں گے۔ اِس کے بعد پوری کائنات میں یہوواہ کا ”نام پاک ثابت“ ہو جائے گا۔ (متی 6:9، 10، فٹنوٹ) یہ بات ثابت ہو چُکی ہوگی کہ یہوواہ ایک اچھا حکمران ہے اور اُسے اپنی عوام کی بہت فکر ہے۔ پھر یہوواہ خدا شیطان، بُرے فرشتوں اور اُن سب لوگوں کو ختم کر دے گا جو اُس کی حکمرانی کے خلاف ہوں گے۔(مکاشفہ 20:7-10) خدا کی بادشاہت زمین پر جو بھی اچھے کام کرے گی، اِنسانوں کو اُن سے ہمیشہ تک فائدہ ہوگا۔
موضوع کی گہرائی میں جائیں
غور کریں کہ خدا اپنی بادشاہت کے ذریعے وہ سارے وعدے کیسے پورے کرے گا جو بائبل میں مستقبل کے حوالے سے کیے گئے ہیں۔
4. خدا کی بادشاہت اِنسانوں کی حکومتوں کو ختم کر دے گی
بائبل میں لکھا ہے: ”ایک شخص دوسرے پر حکومت کر کے اُس کو ضرر [یعنی نقصان] پہنچاتا ہے۔“ (واعظ 8:9، کیتھولک ترجمہ) یہوواہ خدا اپنی بادشاہت کے ذریعے اُس سارے نقصان کو بھر دے گا جو اِنسانوں کی حکمرانی کی وجہ سے ہوا ہے۔
دانیایل 2:44 اور 2-تھسلُنیکیوں 1:6-8 کو پڑھیں اور پھر اِن سوالوں پر باتچیت کریں:
یہوواہ خدا اور اُس کا بیٹا یسوع اِنسانوں کی حکومتوں اور اُن کا ساتھ دینے والوں کے ساتھ کیا کریں گے؟
آپ کو یہ یقین کیوں ہے کہ یہوواہ اور یسوع جو بھی کریں گے، وہ صحیح ہوگا اور ہمارے فائدے کے لیے ہوگا؟
5. یسوع مسیح سب سے اچھے بادشاہ ہیں
خدا کی بادشاہت کے بادشاہ کے طور پر یسوع مسیح زمین پر رہنے والے اِنسانوں کے فائدے کے لیے بہت کچھ کریں گے۔ ویڈیو چلائیں اور دیکھیں کہ یہ کیسے پتہ چلتا ہے کہ یسوع خود بھی اِنسانوں کی مدد کرنا چاہتے ہیں اور خدا نے اُنہیں ایسا کرنے کی طاقت بھی دی ہوئی ہے۔
جب یسوع مسیح زمین پر تھے تو اُنہوں نے اُن کاموں کی ایک جھلک دِکھائی جو خدا کی بادشاہت کرے گی۔ آگے جن کاموں کا ذکر کِیا گیا ہے، آپ اُن میں سے خاص طور پر کون سے کام ہوتے دیکھنا چاہتے ہیں؟ ہر نکتے کے ساتھ جو آیتیں دی گئی ہیں، اُنہیں پڑھیں۔
جب یسوع مسیح زمین پر تھے تو اُنہوں نے . . . |
جب یسوع مسیح آسمان سے زمین پر حکمرانی کریں گے تو وہ . . . |
|---|---|
|
|
|
|
|
|
|
|
6. خدا کی بادشاہت ایک شاندار مستقبل لائے گی
خدا کی بادشاہت کے ذریعے اِنسانوں کو وہ شاندار زندگی ملے گی جو خدا شروع سے اُنہیں دینا چاہتا تھا۔ زمین فردوس بن جائے گی اور اِنسان اِس پر ہمیشہ تک زندہ رہیں گے۔ ویڈیو چلائیں اور دیکھیں کہ یہوواہ اپنے مقصد کو پورا کرنے کے لیے اپنے بیٹے یسوع کے ذریعے کون سے کام کر رہا ہے۔
زبور 145:16 کو پڑھیں اور پھر اِس سوال پر باتچیت کریں:
آپ کو یہ جان کر کیسا لگتا ہے کہ یہوواہ خدا ”ہر جاندار کی خواہش پوری“ کرے گا؟
کچھ لوگ کہتے ہیں: ”اگر سارے اِنسان مل کر کام کریں تو ہم دُنیا کے مسئلوں کو حل کر سکتے ہیں۔“
خدا کی بادشاہت ایسے کون سے مسئلوں کو حل کرے گی جنہیں اِنسانی حکومتیں حل نہیں کر سکیں؟
خلاصہ
خدا کی بادشاہت وہ سارے کام کرے گی جو خدا اِس کے ذریعے کرنا چاہتا ہے۔ یہ پوری زمین کو فردوس بنا دے گی جس پر صرف اچھے لوگ رہیں گے اور وہ ہمیشہ تک یہوواہ خدا کی عبادت کریں گے۔
دُہرائی
خدا کی بادشاہت کے ذریعے یہوواہ کا نام پاک کیسے مانا جائے گا؟
ہم یہ یقین کیوں رکھ سکتے ہیں کہ خدا کی بادشاہت بائبل میں لکھے وعدوں کو پورا کرے گی؟
خدا کی بادشاہت جو اچھے کام کرے گی، آپ اُن میں سے خاص طور پر کون سے کام ہوتے دیکھنا چاہتے ہیں؟
مزید جانیں
جانیں کہ ہرمجِدّون کیا ہے۔
دیکھیں کہ یسوع مسیح کی ہزار سالہ حکمرانی کے دوران اور اِس کے آخر پر کیا کچھ ہوگا۔
”عدالت کے دن کے دوران کیا ہوگا؟“ (مینارِنگہبانی، 1 اکتوبر 2012ء)
اِس ویڈیو میں دیکھیں کہ خاندان کے افراد خدا کی بادشاہت میں ملنے والی برکتوں پر کیسے سوچ بچار کر سکتے ہیں۔
مضمون ”میرے ذہن میں بہت سے سوال آئے جن کی وجہ سے مَیں کافی پریشان ہو گیا“ میں پڑھیں کہ ایک سیاسی باغی کو اپنے سوالوں کے جواب کیسے ملے۔
”پاک کلام کی تعلیم زندگی سنوارتی ہے“ (”مینارِنگہبانی“ کا مضمون)