33 Мана, яна битта масал. Бир ер эгаси бор экан. У узумзор ўтқазибди-да+, атрофини панжара билан ўраб, ичида узум эзиш учун жой ҳозирлабди. Сўнг минора қурибди-да+, уни боғбонларга ижарага бериб, ўзи эса узоқ сафарга кетибди+. 34 Ҳосил пайти келганда, меваларни териб келишсин, деб боғбонларнинг олдига хизматкорларини юборибди. 35 Аммо боғбонлар унинг хизматкорларини ушлаб, бирини уришибди, бошқасини ўлдиришибди, яна бошқасини эса тошбўрон қилишибди+. 36 Шунда узумзор эгаси аввалгидан кўра кўпроқ хизматкорларни жўнатибди, аммо боғбонлар улар билан ҳам шундай йўл тутишибди+. 37 Ниҳоят, узумзор эгаси: “Ҳеч бўлмаса ўғлимни ҳурмат қилишар”,— деб ўғлини юборибди. 38 Боғбонлар эса унинг ўғлини кўриб, бир-бирига: “Ахир бу меросхўр-ку!+ Келинглар, уни ўлдириб, меросини олиб қўяйлик”,— дейишибди. 39 Хуллас, улар уни ушлаб олиб узумзордан ташқарига чиқаришибди-да, ўлдиришибди+. 40 Хўш, узумзор эгаси келиб, боғбонлар билан нима қилар экан?» 41 Тинглаётганлар Исога жавобан: «Бу ёвуз одамларни йўқ қилиб юборади. Узумзорни эса, мевасини вақтида берадиган бошқа боғбонларга ижарага топширади»,— деб айтишди.

9 Кейин Исо халққа қуйидаги масални келтирди: «Бир киши узумзор+ ўтқазибди-да, уни боғбонларга ижарага бериб, ўзи эса узоқ муддатга сафарга кетибди+. 10 Ҳосил йиғиш пайти келганда, боғбонлар узумзордан бироз мева териб беришсин, деб уларнинг олдига хизматкорини юборибди. Аммо боғбонлар уни уриб, қуруқ қўл билан жўнатишибди+. 11 Узумзор эгаси яна бир хизматкорни юборибди. Лекин улар уни ҳам уриб, хўрлаб, қуп-қуруқ жўнатишибди. 12 У учинчисини жўнатган экан, боғбонлар уни ҳам жароҳатлаб, ҳайдаб юборишибди. 13 Шунда узумзор эгаси: “Нима қилсам экан? Севикли ўғлимни+ юбора қолай-чи. Балки унга ҳурмат кўрсатишар”,— дебди. 14 Боғбонлар уни кўриб, бир-бирига: “Ахир бу меросхўр-ку! Келинглар, уни ўлдирайлик. Шунда мерос ўзимизга қолади”,— дейишибди. 15 Улар ўғилни узумзордан ташқарига чиқариб, ўлдиришибди+. Хўш, узумзор эгаси боғбонларни энди нима қилар экан? 16 У келиб, боғбонларни ўлдиради-да, узумзорни бошқаларга ижарага беради».

Буни эшитганлар: «Асло бундай бўлмасин!» — дейишди.