• Қонунлар 12:5, 6
    Муқаддас Китоб — Янги дунё таржимаси

    • 5 Яхшиси, Тангрингиз Яҳова Ўз исмини улуғлаш учун ва қабилаларингиз орасидан Ўзига маскан қилиш учун танлаган жойга боринглар ва ўша ерда Унга топининглар+. 6 Куйдириладиган қурбонликларингизни+, қурбонлигу ушрларингизни*+, хайр-эҳсонларингизни+, қасам назрларини, ихтиёрий назрларни+, қорамол ва қўй-эчкиларингизнинг биринчи боласини+ ўша ерга олиб келинглар.

  • 3 Шоҳлар 9:3
    Муқаддас Китоб — Янги дунё таржимаси

    • 3 Яҳова унга шундай деди: «Сенинг ибодатингни ва илтифот кўрсатишимни сўраб ёлворганингни эшитдим. Сен қурган бу уйни Мен муқаддас қилдим, токи шу ерда исмим мангу турсин+. Кўзларим ва қалбим ҳамиша ўша ерда бўлади+.

  • Забур 122:сўзб–9
    Муқаддас Китоб — Янги дунё таржимаси

    • Зиёрат қўшиғи. Довуд саноси.

      122 «Келинг, Яҳованинг уйига борайлик»,— дейишганда,

      Қувониб кетдим+.

       2 Эй Қуддус, биз бу ерга келдик,

      Дарвозаларинг ичкарисида турибмиз+.

       3 Қуддус ўзаро туташтирилиб солинган,

      Бир бутунни ташкил этадиган шаҳардир+.

       4 Исроилда ўрнатилган қоидага кўра,

      Яҳованинг исмига шукроналар айтиш учун,

      Унга қабилалар,

      Яҳнинг* қабилалари чиқиб боради+.

       5 Чунки у ерда ҳукм чиқариш учун тахтлар+,

      Довуд сулоласининг тахтлари ўрнатилган+.

       6 Қуддуснинг тинчлиги учун дуо қилинг+.

      Эй шаҳар, сени севувчилар тинч-осойишта бўлади.

       7 Кўтарма деворларинг ичра тинчлик,

      Мустаҳкам минораларинг аро хавфсизлик ҳукм сурсин.

       8 Ака-укаларим ва ёру биродарларим учун:

      «Сенда тинчлик бўлсин»,— деб айтаман.

       9 Худойимиз Яҳованинг уйи ҳаққи+,

      Равнақ топишинг учун дуо қиламан.