Забур

86 Эй Яҳова, ибодатимга қулоқ тутиб жавоб бер,

Зеро, мен мазлум ва фақирман+.

Сенга суянаётган хизматкорингни омон сақла,

Ахир Сен менинг Худойимсан+.

 3 Менга илтифот кўрсат, эй Яҳова+,

Чунки кун бўйи Сенга мурожаат қиламан+.

 4 Хизматкорингга қувонч бахш эт,

Сабаби, ўзимни Сенга бағишладим, эй Яҳова.

 5 Сен, эй Яҳова, меҳрибон+ ва кечиришга тайёрсан+.

Сенга мурожаат қилганлардан меҳр-садоқатингни аямайсан+.

 6 Ибодатимни тингла, эй Яҳова,

Ёрдам сўраб қилган илтижоимни эшит+.

 7 Мусибат кунимда Сенга юзланаман+,

Боиси, Сен менга жавоб берасан+.

 8 Эй Яҳова, Сенга тенг келадиган худо йўқ+,

Сеникига ўхшаш ишлар ҳам йўқ+.

 9 Сен яратган халқларнинг бари

Олдингга келиб мук тушади, эй Яҳова+.

Улар исмингни улуғлайди+.

10 Зеро, Сен буюксан, мўъжизавий ишлар яратасан+.

Сен — ягона Худосан+.

12 Эй, Тангрим Яҳова, бутун қалбим билан Сенга ҳамду сано айтаман+.

Исмингни тоабад шарафлайман,

13 Менга бўлган меҳр-садоқатинг ғоят буюкдир,

Сен жонимни мозор* қаъридан сақлаб қолдинг+.

14 Эй Тангрим, ўзбилармон одамлар менга қарши чиқмоқда+,

Шафқатсиз кишилар жонимни олиш пайида юрибди.

Улар Сени назар-писанд қилмайди+.

15 Сен эса, эй Яҳова, шафқатли ва раҳмдил*,

Сабр-тоқатли*, меҳр-садоқат ва ҳақиқатга* бой Худосан+.

Хизматкорингга куч-қувват ато эт+,

Чўринг ўғлини омон сақла.

17 Менга ҳимматинг аломатини кўрсат.

Токи мендан нафратланадиганлар буни кўриб, уятга қолсин.