Шоҳлар иккинчи китоб

 3 Худойим менинг қоямдир+, Унда паноҳ топаман,

Менинг қалқониму+ нажот мугузим*, хавфсиз бошпанамдир+.

Қочиб борадиган масканим+, менинг қутқарувчимсан+. Мени зўравонлардан халос қиладиган Сенсан.

 4 Мақтовга лойиқ Яҳовани чақираман,

Душманларим қўлидан қутқариламан.

 5 Ўлим тўлқинлари мени қуршаб олди+,

Ярамас одамлар шиддатли тошқиндай мени даҳшатга солди+.

 6 Гўр* арқонлари мени чирмаб олди+,

Ўлим олдимда тузоқлар қўйди+.

 7 Қайғу чекканимда Яҳовага ёлвордим+,

Тангримга тинимсиз илтижо қилдим.

Шунда У Ўз маъбадидан* овозимни эшитди,

Мадад сўраб қилган нолам Унинг қулоғига бориб етди+.

 8 Ер силкиниб, тебрана бошлади+,

Осмоннинг пойдеворлари титраб кетди+,

Ғазабланганидан пойдеворлари ларзага келди+.

 9 Бурнидан тутун,

Оғзидан ютиб юборадиган олов чиқди+,

Ундан ловуллаб турган кўмир отилиб чиқди.

10 У фалакни эгиб пастга тушди+,

Оёқларининг ости қуюқ қора булут эди+.

12 У атрофини қоронғилик, зим-зиё сувлар ва қуюқ булутлар билан ўраб,

Уларни Ўзига чайла қилди+.

14 Яҳова самодан момақалдироқ гулдуратди+,

Худойи Таоло садо берди+.

15 У душманларига ўқлар отиб+, уларни тўзғитиб юборди,

Яшин тушириб уларни саросимага солди+.

16 Яҳованинг танбеҳидан, нафасининг кучидан+,

Денгиз туби кўриниб қолди+,

Ернинг пойдеворлари очилиб қолди.

17 У юксакликдан қўлини чўзди-да,

Мени ушлаб, чуқур сувлардан чиқариб олди+.

18 У мени кучли душманимдан,

Мендан нафратланган ва мендан қудратлироқ бўлганлардан халос этди+.

19 Бошимга мусибат тушганда, улар менга қарши чиққан эди+,

Аммо Яҳова менга таянч бўлди.

20 У мени хавфсиз жойга олиб чиқди+;

Мендан мамнун бўлгани боис, мени қутқарди+.

21 Одил бўлганим учун, Яҳова мени мукофотлади+,

Қўлларимнинг поклигига яраша мени тақдирлади+.

22 Чунки мен Яҳованинг йўлларидан юрдим,

Худойимни ташлаб кетиб ёвузлик қилмадим.

23 Унинг барча ҳукмлари+ кўз олдимда,

Низомларидан четга чиқмайман+.

24 Унинг олдида бенуқсон қоламан+,

Ўзимни гуноҳ қилишдан тияман+.

25 Яҳова одиллигимга яраша+,

Унинг олдида айбсиз бўлганимга яраша мени тақдирласин+.

26 Ўзингга содиқ бўлган кишига садоқатлисан+,

Айбсизга адолат билан муомала қиласан+.

27 Пок одамга поклигингни+,

Маккорга эса топқирлигингни кўрсатасан+.

28 Камтарларни қутқарасан+,

Кеккайганларга эса норози бўлиб боқасан ва уларни камситасан+.

29 Ахир Сен, эй Яҳова, менинг чироғимсан+,

Атрофимдаги зулматни ёруғликка айлантирадиган Яҳовадир+.

30 Сенинг ёрдаминг билан босқинчилар тўдасига ҳужум қиламан,

Аллоҳнинг қудрати ила девордан ошиб ўтаман+.

31 Ҳақ Тангрининг йўли мукаммалдир+,

Яҳованинг сўзи тозадир*+.

33 Ҳақ Тангри мустаҳкам қалъамдир+,

У йўлимни текислайди+.

34 Оёқларимни кийикникидай қилади,

Тик қияликлар+ устига мени маҳкам турғизиб қўяди.

35 У қўлларимга жанг қилишни ўргатади,

Қўлларим мис ёйни бука олади.

36 Менга нажот қалқонингни берасан,

Камтарлигинг мени юксалтиради+.

37 Қадамларим учун йўлни кенгайтирасан,

Оёқларим сирпаниб кетмайди+.

38 Ғанимларимни таъқиб этиб, уларни йўқ қилиб ташлайман,

Уларни йўқ қилмагунимча ортга қайтмайман.

39 Мен уларни йўқ қилиб, эзиб ташлайман. Шунда улар тура олмайди+,

Улар оёқларим остига йиқилади.

40 Жанг қилиш учун Сен менга куч ато этасан+,

Ғанимларимни олдимда қулатасан+.

41 Душманларимни мендан чекинтирасан*+,

Мендан нафратланганларни йўқ қиламан+.

42 Улар фарёд қилиб ёрдам сўраса-да, қутқарадиган ҳеч ким бўлмайди,

Ҳатто Яҳовага нола қилишса ҳам, У жавоб бермайди+.

43 Ердаги чанг сингари уларни толқон қиламан,

Уларни кукунга айлантириб, йўллардаги лойдек топтаб ташлайман.

Халқларга бош бўлиш учун мени ҳимоя қиласан+,

Менга нотаниш одамлар хизматимда бўлади+.

45 Улар итоаткорлик ила менга қулоқ солади,

Ёт эллар менга хушомадгўйлик қилади+.

46 Ёт элларнинг жасорати сўнади,

Қалъаларидан қалтираб чиқишади.

48 Ҳақ Тангри мен учун қасос олади+,

У халқларни менга тобе қилади+.

49 Душманларимдан У мени халос этади,

Менга ҳужум қилганлар устидан мени юксалтирасан+,

Зўравон одамдан мени қутқарасан+.

51 У Ўзи тайинлаган шоҳни қутқариш учун буюк ишлар қилади+,

Ўз мойланганидан, Довуддан ва унинг зурриётидан*

Меҳр-садоқатини тоабад дариғ тутмайди»+.