Ҳикматлар

20 Шароб — мазахчи+, ичкилик — бебош+,

Булар дастидан йўлдан озган нодондир+.

 2 Шоҳнинг ўшқириши шернинг бўкиришидайдир+,

Унинг ғазабини қўзғатган ҳаётини хавф остига қўяди+.

 3 Баҳсдан ўзини тийган обрў қозонади+,

Аҳмоқлар эса баҳсга аралашади+.

 4 Ялқов қишда ер ҳайдамайди-да,

Ўрим-йиғим пайтида ҳеч нарса топмай тиланчилик қилади*+.

 5 Инсон қалбидаги ўй-ниятлар чуқур сувдайдир,

Ақл-идрокли уларни ташқарига чиқаради.

 6 Кўплар ўзини меҳр-садоқатлиман деб айтади,

Аммо чинакам ишончли одамни ким топа олади?!

 8 Шоҳ ўз тахтига ўтириб ҳукм қилади+,

Кўзлари билан барча ёвузликни совуради+.

 9 Ким ҳам: «Мен қалбимни покладим+,

Гуноҳимни ювдим»+,— деб айта олади?!

10 Нотўғри тарози билан сохта ўлчов,

Иккови ҳам Тангри Яҳовага жирканчдир+.

11 Ҳатто болани ҳам ишига қараб,

Юриш-туриши тўғрими, ҳалолми билса бўлади+.

12 Эшитадиган қулоқ, кўрадиган кўз,

Икковини ҳам Яҳова яратган+.

14 Харидор: «Яхши эмас, яхши эмас!» — дейди-ю,

Аммо нарироққа бориб мақтанади+.

15 Олтин ҳам, маржон ҳам қимматбаҳодир,

Лекин билимли тил улардан-да бебаҳо!+

16 Бегонага кафиллик қилганнинг кийимини ол+,

Мусофир аёлга кафиллик қилгандан гаров ол+.

17 Алдов йўли билан топилган нон одамга ширин туюлади,

Аммо кейин оғзи шағалга тўлади+.

18 Маслаҳат орқали режалар амалга ошади+.

Жанг қилаётиб оқилона йўл-йўриққа таян+.

19 Туҳматчи сирларни ошкор қилади+,

Ғийбатчига шерик бўлма.

20 Кимки ота-онасини қарғаса,

Қоронғи тушганда чироғи сўниб қолади+.

21 Очкўзлик билан олинган мерос,

Натижада барака келтирмайди+.

23 Икки хил тарози тошлари Яҳовага жирканчдир,

Нотўғри тарози ҳам яхши эмас.

24 Инсон қадамларини Яҳова йўналтирар экан+,

У ўз йўлини қандай қилиб англасин?!

26 Доно шоҳ ёвузларни совуради+,

Улар устидан хўптир* ҳайдайди+.

27 Инсоннинг сўзлари* Яҳова учун чироқ кабидир,

Вужудидаги яширин нарсаларни ошкор этади.

28 Вафо ва меҳр-садоқат шоҳни ҳимоя қилади+,

Меҳр-садоқати орқали у тахтини мустаҳкамлайди+.

29 Ёшларнинг фахри — куч-қувватида+,

Кексаларнинг шарафи эса оқарган сочидир+.

30 Яра ва жароҳат ёвузликдан тозалайди+,

Таёқ инсон вужудини поклайди.