Забур

50 Худолар Худоси Яҳова*+ гап бошлади.

У шарқдан ғарбга қадар

Бутун ер юзини чақиряпти.

Унинг олдида ютиб юборадиган олов ловуллаб туради+,

Қаттиқ бўрон Уни қуршаб туради+.

 4 Ўз халқини ҳукм қилиш учун+,

У еру кўкни чақириб+, шундай дейди:

 5 «Менга қурбонлик келтириб, Мен билан аҳд қилганларни+,

Садоқатли кишиларни олдимга йиғиб келинг!»

 6 Самолар Унинг одиллигини эълон этади,

Зеро, Тангрининг Ўзи Ҳакамдир+. (Села)

 7 «Эй халқим, Мени тингла, Мен гапираман,

Эй Исроил, сенга қарши гувоҳлик бераман+.

 8 Келтирган қурбонликларинг учун ҳам,

Доим ҳузуримда турган бутунлай куйдириладиган қурбонликларинг учун ҳам койимайман+.

 9 Молхонангдаги буқангга ҳам,

Қўраларингдаги такаларингга ҳам зор эмасман+.

10 Ахир ўрмондаги ёввойи ҳайвонларнинг бари Меники+,

Барча йиртқичлар ҳам Менга тегишли.

11 Тоғлардаги ҳар бир қушни биламан+,

Даштдаги сон-саноқсиз жониворлар Меники.

12 Борди-ю, оч қолсам, сендан овқат сўрамайман,

Чунки ҳосилдор ер ва ундаги бор нарса Меникидир+.

13 Мен буқаларнинг гўштини еб,

Эчкиларнинг қонини ичаманми?!+

14 Қурбонлик сифатида Тангрига шукрона келтир+,

Аллоҳ Таоло олдида ичган қасамларингни бажар+.

15 Бошингга кулфат тушганда Мени чақир+,

«Қонун-қоидаларим ҳақида гапиришга+,

Аҳдим+ тўғрисида сўзлашга нима ҳаққинг бор?!

17 Ахир сен берган тарбиямдан* нафратланиб,

Сўзларимни назар-писанд қилмаяпсан-ку!+

18 Ўғрини кўрганингда, қилмишини маъқуллайсан*+,

Зинокорларга шериклик қиласан.

19 Оғзинг билан ёмон сўзларни тарқатасан,

Тилингга ёлғон ёпишиб қолган+.

20 Ўтириб олиб, ўз биродарингга қарши гапирасан+,

Туғишган биродарингнинг камчиликларини овоза қиласан.

21 Бу ишларни қилаётганингда Мен сукут сақладим,

Шунинг учун Мени ўзингга ўхшаган, деб ўйладинг.

Аммо энди қилмишларингни фош этиб+,

Сенга танбеҳ бераман.

22 Эй, Худони унутганлар+, бу ҳақда бир ўйлаб кўринг.

Акс ҳолда, сизларни тилка-пора қиламан, ҳеч бирингиз омон қолмайсиз.

23 Қурбонлик сифатида шукрона келтирган киши Мени улуғлайди+.

Тўғри йўлда маҳкам турган инсонни

Мен қутқараман»+.