Ҳикматлар

Доно ўғил отасини қувонтиради+,

Нодон ўғил эса онасига қайғу келтиради.

 2 Ҳаром йўл билан топилган бойликнинг фойдаси бўлмайди,

Одиллик эса ўлимдан халос этади+.

 3 Яҳова одил кишини оч қолдирмайди+,

Аммо ёвузларнинг истагини рад этади.

 4 Дангаса қўллар қашшоқликка дучор қилади+,

Меҳнаткаш қўллар эса бойлик келтиради+.

 5 Фаҳм-фаросатли ўғил ҳосилни ёзда ўриб олади,

Шарм-ҳаёсиз ўғил эса ўрим-йиғим пайтида уйқуга кетади+.

 6 Одиллар бошига барака ёғилади+,

Ёвузларнинг тили бўлса зўравонликни яширади.

 7 Одилларнинг номи* мақтов ила тилга олинади+,

Ёвузларнинг номи эса ўчиб кетади+.

 8 Доно қалб соҳиби насиҳатларга қулоқ солади+,

Беъмани гапларни сўзлаган эса оёғости бўлади+.

 9 Бенуқсонлик йўлида юрган бехатар яшайди+,

Эгри йўлдан юрганнинг ишлари эса ошкор бўлади+.

10 Айёрона кўз қисган ғам-ғусса келтиради+,

Бўлмағур гапларни сўзлаган оёғости бўлади+.

11 Одилнинг тили ҳаёт манбаидир+,

Ёвузнинг тили бўлса зўравонликни яширади+.

12 Нафрат уриш-жанжалга сабабчи бўлади,

Севги эса барча гуноҳларни қоплайди+.

13 Ақл-идроклининг оғзидан донолик чиқади+,

Фаросатсизнинг орқасидан эса таёқ аримайди+.

14 Донолар билим тўплайди+,

Аҳмоқлар тили эса ўзларининг бошига етади+.

16 Одилнинг меҳнати ҳаётга,

Ёвузнинг иши эса гуноҳга етаклайди+.

17 Таълим-тарбияга қулоқ тутган ҳаёт сўқмоғига қадам қўяди*,

Танбеҳни рад этган эса бошқаларни йўлдан оздиради.

18 Нафратини яширган ёлғончидир+,

Миш-миш тарқатган аҳмоқдир.

19 Кўп гапирган гуноҳга тутилади+,

Тилини тийган эса ўйлаб иш тутади+.

20 Одилнинг тили тоза кумушдайдир+,

Ёвузнинг юраги эса ҳеч нарсага арзимайди.

21 Одилнинг тили кўпларни тўғри йўлга етаклайди+,

Нодоннинг ақлсизлиги эса бошига етади+.

22 Яҳованинг баракаси кишини бойитади+,

Бу баракага У ҳеч қандай дард-алам қўшмайди.

23 Адабсиз хулқ аҳмоқ учун ўйин кабидир,

Ақл-идроклига эса донолик хосдир+.

24 Ёвуз нимадан қўрқса, шунга йўлиқади.

Одилнинг эса орзуси ушалади+.

25 Ёвуз одам қуюн учиргандек йўқ бўлиб кетади+.

Одил киши эса мустаҳкам пойдевор каби абадий туради+.

26 Тишларга сирка, кўзларга тутун қандай бўлса,

Ялқов киши ҳам хўжайини учун шундайдир.

27 Яҳовадан қўрқиш — ҳаётни узайтиради+,

Ёвузнинг умри эса қисқартирилади+.

28 Одилнинг умиди қувонч келтиради+,

Ёвузнинг умиди эса пучга чиқади+.

29 Яҳованинг йўли бенуқсонлар учун қўрғондир+,

Ёмонлик қилувчилар учун эса ҳалокатдир+.

30 Одил киши ҳеч қачон қоқилмайди+,

Ёвуз инсон эса ер юзида қолмайди+.

31 Одилнинг тили доноликни сўзлайди,

Бузуқ тил эса кесиб ташланади.

32 Одилнинг оғзидан ёқимли сўзлар,

Ёвузнинг тилидан эса эгри сўзлар чиқади.