Ҳикматлар

 2 Инсоннинг барча йўллари ўз назарида тўғри кўринади+,

Аммо Яҳова қалбларни текширади+.

 3 Тўғри ва адолатли йўл тутиш,

Яҳовага қурбонлик келтиргандан ёқимлироқдир!+

 4 Такаббур кўзлар ва мағрур қалб

Ёвузнинг чироғи бўлиб, иккови ҳам гуноҳдир+.

 5 Тиришқоқнинг режалари муваффақият келтиради+,

Шошқалоқлар эса камбағалликка юз тутади+.

 6 Ёлғон тил билан эришилган бойлик

Ўлим тузоғи*, ғойиб бўладиган буғ кабидир+.

 7 Ёвузларнинг зўравонлиги ўз бошига етади+,

Чунки улар адолат билан йўл тутишни рад этади.

 8 Айбдорнинг йўли эгридир,

Пок инсоннинг ишлари эса тўғридир+.

 9 Уришқоқ* хотин билан битта уйда яшагандан кўра,

Томнинг бир бурчагида яшаган яхшироқ+.

10 Ёвуз киши ёмонликни қўмсайди+,

Ўз яқинига меҳр кўрсатмайди+.

11 Мазахчи жазоланса, тажрибасиз донороқ бўлади,

Оқилга йўл-йўриқ берилса, у билимини оширади*+.

12 Адолатли Зот ёвузнинг уйини кузатади,

Ёвузларни қулатиб ҳалок қилади+.

13 Кимки бечоранинг ноласига қулоқ солмаса,

Ўзининг ҳам ўтинчи жавобсиз қолади+.

14 Яширин берилган ҳадя жаҳлни қайтаради+,

Қўйиндан чиқарилган пора оташин ғазабни босади.

15 Одил инсон адолатли ишга қувонади+,

Зиён етказувчи эса ундан даҳшатга тушади.

16 Фаҳм-фаросат йўлидан оғиб кетган

Ўликлар қаторига қўшилади+.

17 Айш-ишратни севган қашшоқликка учрайди+.

Шароб ва мойни яхши кўрган бойимайди.

18 Ёвуз одам одил киши учун тўлов бўлади,

Хоин эса тўғри инсон учун фидо қилинади+.

19 Жанжалкаш ва жаҳлдор хотин билан яшагандан кўра,

Чўлу биёбонда яшаган яхшироқ+.

20 Дононинг уйида бебаҳо хазинаю мой топилади+,

Нодон эса бор-будини кўкка совуради+.

21 Адолату меҳр-садоқатга интилган

Ҳаёт, одиллик ва шарафга сазовор бўлади+.

22 Доно киши қудратлилар шаҳрини забт этади,

Уларнинг таянган қўрғонини вайрон қилади+.

23 Оғзию тилини тийган

Жонини балодан асрайди+.

24 Ўтакетган такаббурона йўл тутган киши

Ўзбилармон, димоғдор мақтанчоқдир+.

25 Ялқовнинг хоҳишлари ўлимга етаклайди,

Чунки меҳнат қилишга қўли бормайди+.

26 У кун бўйи ҳирсли орзуларга берилади,

Бироқ одил инсон бори билан бўлишади+.

28 Ёлғон гапирган гувоҳ ўлиб кетади+,

Ўз қулоғи билан эшитганнинг гувоҳлиги муваффақият қозонади.

29 Ёвуз одам сурбетлик қилади+,

Тўғри инсон эса шахдам қадам ташлайди+.

31 От жанг учун ҳозирланади+,

Лекин нажот Яҳовадан келади+.