Забур

145 Сени улуғлайман, эй Худойим, менинг Шоҳим!+

Исмингни абадулабад мадҳ этаман!+

 2 Кун бўйи Сенга мақтовлар айтаман+,

Исмингни абадулабад мадҳ этаман!+

 3 Яҳова буюкдир, ёлғиз У ҳамду санога лойиқ+,

Унинг улуғворлигига ақл бовар қилмайди+.

 4 Бир авлод бошқасига Сенинг ишларингни мақтайди,

Улар қудратли ишларинг ҳақида айтиб беради+.

 5 Улар ҳашаматинг улуғворлиги ҳақида сўзлайди+,

Мен ажойиб ишларинг устида мулоҳаза юритаман.

 6 Улар ҳайратли ишларинг* тўғрисида гапиради,

Мен Сенинг улуғворлигингни эълон қиламан.

 7 Мўл-кўл ҳимматингни эслаганда, ҳамду санолари булоқдай оқади+,

Улар одиллигинг туфайли қувончдан ҳайқиради+.

 8 Яҳова раҳмдил* ва шафқатли+,

У сабр-тоқатли* ва меҳр-садоқатга бойдир+.

 9 Яҳова барча яратганларига марҳаматли+,

Унинг раҳм-шафқати жамики ишларида намоён бўлади.

10 Эй Яҳова, барча ишларинг Сени улуғлайди+,

Садоқатли хизматчиларинг Сени мадҳ этади+.

11 Улар шоҳлигинг улуғворлигини эълон қилади+,

Куч-қудратинг ҳақида гапиради+.

ל [Ламед]

12 Улар инсонларга қудратли ишларингни билдиради+,

Улуғвор шоҳлигинг довруғини танитади+.

13 Сенинг шоҳлигинг мангу туради,

Ҳукмдорлигинг авлодлар оша давом этади+.

14 Йиқилаётганларга Яҳова тиргак бўлади+,

Қадди букилганларни эса ростлайди+.

15 Барча тирик жон умид билан Сенга кўз тикади,

Сен ўз вақтида уларга ризқини берасан+.

16 Сен қўлингни очиб,

Ҳар бир тирик жоннинг истагини қондирасан+.

17 Яҳованинг барча йўллари адолатлидир+,

У доим садоқат билан иш тутади+.

18 Яҳова Уни чақираётган кишиларга+,

Уни чин қалбдан* чақираётганларга+ яқиндир.

19 Ундан қўрқадиганларни муродига етказади+,

Уларнинг фарёдини эшитиб, уларни қутқаради+.

20 Яҳова Уни севадиган кишиларнинг барини қўриқлайди+,

Барча ёвузларни эса У йўқ қилади+.

21 Яҳовани мадҳ этишни тилимдан туширмайман+,

Жамики тирик жон Унинг муқаддас исмини абадулабад мадҳ этсин!+