Аюб

 2 «Тушунтириб бўлмагунимча, яна бир оз сабр қилинг,

Чунки Худони ёқлаб гапирадиган сўзларим ҳали бор.

 3 Мен билганларимни атрофлича сўзлаб бериб,

Яратувчим одил эканини ошкор этаман+.

 4 Сўзларим ёлғон эмаслиги аниқ,

Зеро, бу сўзлар мукаммал билим Эгасидан+ келган.

 5 Дарҳақиқат, Аллоҳ қудратли+, бироқ ҳеч бирингизни рад этмайди.

У фаҳм-идрокда тенги йўқдир.

 6 У ёвузларни тирик қолдирмайди+,

Азоб чекканлар учун эса одил ҳукм чиқаради+.

 7 У одиллардан кўзини узмайди+.

Уларни шоҳлар билан бирга тахтга ўтирғизиб*+, абадий юксалтиради.

 8 Агар улар кишанланиб,

Қайғу-алам арқонлари билан боғланишса,

 9 Худо уларнинг қилмишларини кўрсатиб,

Мағрурликлари дастидан қилган жиноятларини фош этади.

10 Танбеҳ бериш учун қулоқларини очиб,

Ёмонликдан юз ўгиришга чорлайди+.

11 Агар улар қулоқ солиб, Унга хизмат қилса,

Фаровонликда умр кечириб,

Ҳаётдан баҳра олиб яшайди+.

12 Борди-ю, улар қулоқ солмаса, қиличдан ҳалок бўлиб+,

Сабоқ олмай ўлиб кетади.

14 Уларнинг ҳаёти ибодатхона баччалари*+ орасида ўтиб*,

Ёшлик чоғидаёқ ўлиб кетади+.

15 Лекин Аллоҳ жабр-зулм остида қолган бечораларни қутқаради,

Зулм кўраётган пайтда, таълим бериш учун қулоқларини очади.

16 У сизни дард-аламдан халос этиб+,

Чекловлардан холи кенг ялангликка элтади+,

Дастурхонингизни ноз-неъматга тўлдириб, тасалли бахш этади+.

17 Ҳукм амалга оширилиб, адолат ўрнатилганда,

Ёвузларга чиқарилган ҳукмдан кўнглингиз тўлади+.

18 Аммо жаҳлга берилиб+, бировнинг қайғусидан севина кўрманг,

Катта пора сизни йўлдан оздирмасин.

19 Ёрдам сўраб қилган фарёдингиз,

Зўр уринишларингиз мусибатдан қутқара оладими?+

20 Одамлар ўз жойидан ғойиб бўладиган

Тунни орзу қилманг.

21 Ёмонликка оғиб кетишдан эҳтиёт бўлинг,

Қайғу-аламнинг ўрнига уни танламанг+.

22 Мана, Худо қудрати ила юксалган.

Унга ўхшаш устоз борми?

23 Ким Унга йўл кўрсата олади*?+

Ким Унга: “Сен нотўғри йўл тутдинг”+,— деб айта олади?

24 Шуни ёдда тутингки, сиз Унинг ишларини+,

Одамлар тараннум этган ишларини мадҳ этишингиз даркор+.

25 Бу ишларни бутун одамзод кўрган,

Ўткинчи инсон уларни узоқдан туриб кузатади.

26 Ҳа, Аллоҳ ақлимиз етмайдиган даражада буюкдир+,

Йилларининг саноғига етиб бўлмайди+.

27 У сув томчиларини юқорига кўтаради+,

Улар буғланиб кетиб, сўнг ёмғирга айланади.

28 Булутлар уларни ерга тўкиб+,

Одамзод устига шаррос қуяди.

29 Булутлар қандай ёйилганини,

Унинг чодиридан эшитилган момақалдироқни ким тушуна олади?+

30 Қаранг, У булутлар узра чақмоғини чақтиради+,

Денгиз тубини сув билан қоплайди.

31 Булар орқали У одамларни қўллаб-қувватлаб*,

Уларни мўл-кўл озиқ-овқат билан таъминлайди+.

32 У чақмоқни Ўз қўлларида ушлаб,

Нишонига қарата йўналтиради+.

33 Момақалдироқ У ҳақда эълон қилади,

Ҳатто чорва ҳам ким* келаётганини хабарлайди.