Михо

5 «Эй, ҳужум остида бўлган қиз,

Энди баданингни кес.

Бизни қамал қилишяпти+,

 2 Эй Байтлаҳм-Эфрата+,

Сен Яҳудодаги минглар* ичида бўлиш учун кичиклик қиласан,

Аммо Исроилда иродамни бажарадиган ҳукмдор сендан чиқади+.

Унинг келиб чиқиши қадим замонлардан, азалий кунлардан.

 3 Ҳомиладор аёл туғмагунча,

Худо уларни ташлаб қўяди.

 4 У туради-да, Яҳованинг қудрати билан+,

Тангриси Яҳованинг улуғвор исми ила чўпонлик қилади.

Улар хавфсизликда яшайди+.

Чунки унинг буюклиги ернинг чеккаларигача етади+.

Оссурияликлар юртимизга бостириб келса, мустаҳкам минораларимизга оёқ босса+,

Биз уларга қарши еттита чўпонни, ҳа, беклар каби бошқарадиган саккизта кишини чиқарамиз.

 6 Улар Оссурия юртини,

Нимрўд+ юртининг чегараларини қилич билан жазолайди+.

Оссурияликлар юртимизга бостириб келса, ҳудудимизга оёқ босса,

Ҳукмдор бизни оссурияликлар қўлидан халос қилади+.

 7 Ёқубнинг омон қолганлари кўп халқлар ичида

Яҳовадан келган шудрингдай,

Ўт-ўланга қуйган жаладай бўлади.

Иккиси ҳам одамга боғлиқ эмас,

Улар инсонни кутиб ўтирмайди.

 8 Ёқубнинг омон қолганлари миллатлар ичида,

Кўп халқлар ичида

Ўрмон ҳайвонлари орасидаги шердай,

Қўй подалари орасидаги ёш шердай бўлади.

Уларнинг орасидан ўтиб ташланади-да, тилка-пора қилади.

Уларни қутқарадиган ҳеч ким бўлмайди.

 9 Қўлинг душманларинг устидан баланд келади,

Барча ғанимларинг яксон бўлади».

10 Яҳова шундай демоқда: «Ўша куни

Мен отларингни йўқ қиламан, араваларингни эса синдириб ташлайман.

11 Юртингдаги шаҳарларни вайрон қиламан,

Қалъаларингни яксон қиламан.

12 Сен шуғулланаётган сеҳр-жодуга чек қўяман,

Ортиқ сенда сеҳргарлар қолмайди+.

13 Ўйма бутларингни ҳамда муқаддас тошларингни* йўқ қиламан,

Энди ҳеч қачон қўлинг билан ясаган нарсаларга сажда қилмайсан+.

14 Муқаддас устунларингни*+ қўпориб ташлайман,

Шаҳарларингни вайрон қиламан.

15 Менга итоат этмаган халқлардан

Қаҳр-ғазаб билан ўч оламан».