Ҳикматлар

19 Камбағал бўлиб, бенуқсонлик йўлида юриш+,

Нодон ва ёлғончи бўлишдан афзалроқ+.

 2 Билимга интилмаслик яхши эмас+,

Қадамини ўйламай босган гуноҳ қилади.

 3 Ўз аҳмоқлиги туфайли одам йўлдан озади-ю,

Қалбида эса Яҳовадан ғазабланади.

 4 Бойлик кўпайса, дўстлар ҳам кўпаяди,

Камбағални эса ҳатто ёлғиз дўсти ҳам ташлаб кетади+.

 5 Сохта гувоҳ жазога тортилади+,

Ҳар нафасда ёлғон сўзлаган омон қолмайди+.

 6 Кўплар сахийнинг илтифоти пайида бўлади,

Совға берувчи билан ҳар ким дўстлашади.

 7 Қашшоқнинг ака-укалари ундан нафратланади+,

Дўстлари ўзини ундан олиб қочади+,

 9 Сохта гувоҳ жазосиз қолмайди,

Ҳар нафасда ёлғон сўзлаган ҳалок бўлади+.

10 Аҳмоққа ҳашаматда умр кечириш ярашмаганидай,

Хизматкорга ҳам беклар устидан бошқариш асло ярашмайди+.

11 Фаҳм-фаросатли жаҳлини тия олади+,

Хатоларни кечириш инсонни безайди+.

12 Шоҳнинг ғазаби шернинг ўкиришидайдир+,

Марҳамати эса ўт-ўлан устидаги шудринг кабидир.

13 Нодон ўғил отасига кулфат келтиради+,

Жанжалкаш* хотин эса томдан ўтаётган чаккадайдир+.

14 Уй ва мол-давлат — отадан мерос,

Ақл-идрокли хотин эса Тангри Яҳовадан+.

15 Ялқов қаттиқ уйқуга кетади,

Имиллаган киши оч юради+.

16 Худонинг амрига риоя этган жонини* асрайди+,

Бепарвонинг йўллари эса уни ўлимга олиб боради+.

17 Бечорага меҳр кўрсатган Тангри Яҳовага қарз беради+,

У эса қилган яхшилигини қайтаради+.

18 Умид борида ўғлингга тарбия бер+,

Тағин ўлимида айбдор бўлиб қолма+.

19 Жаҳлдор жазога тортилади.

Уни қутқаришга уринсанг, буни қайта-қайта қиласан+.

20 Келажакда доно бўлишинг учун+,

Маслаҳатга қулоқ солиб, тарбияни қабул қил+.

21 Одам ўз қалбида кўп режа тузади,

Аммо Яҳованинг айтгани амалга ошади+.

22 Инсоннинг чиройи меҳр-садоқатидир+.

Ёлғончи бўлишдан кўра, камбағал бўлган аълороқ.

23 Яҳовадан қўрқиш ҳаётга етаклайди+.

Ундан қўрққан хавф-хатардан холи ором олади+.

24 Ялқов қўлини косага чўзади-ю,

Аммо оғзига олиб келишга эринади+.

25 Мазахчининг адабини бер+, шунда тажрибасиз заковатли бўлади+.

Фаросатлига ўгит бер, у билимини оширади+.

26 Отасига қўпол муомала қилган, онасини ҳайдаган ўғил,

Шармандалигу иснодга қолади+.

27 Ўғлим, таълим-тарбияга қулоқ солмай қўйсанг,

Билим сўқмоғидан узоқлашасан.

28 Ярамас гувоҳ адолат устидан кулади+,

Ёвузнинг оғзи ёмонликни ямламай ютиб юборади+.

29 Мазахчилар учун ҳукм+,

Нодонларнинг орқасига таёқ ҳозирдир+.