Ёшуа
23 Яҳова Исроил халқига атрофидаги барча душманларидан тинчлик берганидан кейин анча вақт ўтди+. Ёшуа кексайиб, умри охирлаб қолган эди+. 2 Ёшуа бутун Исроилни, халқ оқсоқолларини, бошчиларини, ҳакамлари ва бошлиқларини+ йиғиб+, уларга шундай деди: «Мен кексайдим, умрим охирлаб қолди. 3 Сизларнинг манфаатингизни кўзлаб, Аллоҳингиз Яҳова ушбу барча халқлар билан нима қилганини ўзингиз кўрдингиз. Худойингиз Яҳова сизлар учун жанг қилди+. 4 Иордандан ғарбга, Буюк денгизга* қадар яшаган халқларни қувиб чиқариб+, мана шу юртни қуръа бўйича сизларга тақсимлаб бердим+. Бошқа халқлар ҳалигача юртда яшаётган бўлса ҳам, юрт сизларга тегишли+. 5 Тангрингиз Яҳова уларни олдингиздан ҳайдаб чиқарди+, манфаатингизни кўзлаб уларни қувиб чиқарди ва сизлар Худойингиз Яҳова ваъда қилганидай, уларнинг юртини эгаллаб олдингиз+.
6 Мусонинг Таврот китобида ёзилганларга+ риоя қилиб, ҳаммасига амал қилиш учун, жасоратли ва маҳкам бўлинглар. Улардан ўнгга ҳам, чапга ҳам оғманглар+. 7 Орангизда қолиб кетган халқларга қўшилманглар+. Худоларининг номини ҳатто тилга олманглар+, уларнинг номи билан қасам ҳам ичманглар. Уларга хизмат ҳам, сажда ҳам қилманглар+. 8 Мана шу кунга қадар қилганингиздек, Аллоҳингиз Яҳовага содиқ бўлиб қолинглар+. 9 Яҳова сизлардан кўпроқ ва қудратлироқ бўлган халқларни олдингиздан қувиб чиқаради+. Шу кунгача ҳеч бир киши сизларга қарши тура олмади+. 10 Битта одамингиз минг кишини таъқиб қилади+, чунки Тангрингиз Яҳова берган ваъдасига мувофиқ+, сизлар учун жанг қилади+. 11 Худойингиз Яҳовани севинглар+, шунда ҳамиша омон бўласизлар+.
12 Борди-ю, Худони тарк этиб, орангизда қолиб кетган, сизлар билан яшаётган халқларга ёпишиб олсангиз+ ва улар билан қуда-андачилик қилиб+, уларга шерик бўлсангиз, 13 шунда амин бўлингки, Аллоҳингиз Яҳова бу халқларни олдингиздан қувиб чиқармайди+. Тангрингиз Яҳова сизларга берган ушбу яхши юртдан қирилиб кетмагунингизча, улар сизлар учун қопқон ва тузоқ, белингизга қамчидай+, кўзларингизга кирган тикандай бўлади.
14 Мана, умрим ҳам охирлаб қолди. Ўзларингизга яхши маълумки, Худойингиз Яҳова қандай яхши ваъдалар берган бўлса, ҳеч бири бажарилмай қолмади. Ваъдаларининг ҳаммаси амалга ошди, бирортаси ҳам пучга чиқмади+. 15 Худойингиз Яҳова берган барча эзгу ваъдалар рўёбга чиққанидай+, Яҳова ваъда қилган барча мусибатларни ҳам устингизга ёғдиради ва Тангрингиз Яҳова сизларга берган ушбу яхши юртдан қирилиб кетасизлар+. 16 Агар Тангрингиз Яҳова риоя қилишингиз учун берган аҳдни бузиб, бошқа худоларга хизмат ва сажда қилсангиз, Яҳованинг сизларга қарши ғазаби аланга олади+ ва Унинг Ўзи берган эзгу юртдан тезда қирилиб кетасизлар»+.