Забур

8 Эй, Раббимиз Яҳова, ер юзи бўйлаб исминг нақадар маҳобатлидир!

Улуғворлигинг самодан ҳам юксакдир!*+

 2 Сенга қарши чиққанлар,

Душманлару қасоскорлар овозини ўчириш учун,

Болалару чақалоқларнинг оғзи билан кучингни намоён этдинг+.

 3 Мен осмонга, қўлларинг* маҳсулига,

Сен яратган ой ва юлдузларга қараганимда+:

 4 «Ўткинчи инсон недирки, уни ёдга оласан?

Инсон ўғли недирки, унга ғамхўрлик қиласан?»+ — деб ўйланиб қоламан.

 5 Сен уни фаришталардан* бир оз паст қилиб,

Улуғворлик ва шон-шарафни унга тож қилиб кийгиздинг.

 6 Қўлларинг маҳсули устидан ҳокимликни унга бердинг+,

Барча нарсани унинг оёғи остига қўйдинг:

 7 Қўй-эчкилару қорамолни ҳам,

Ёввойи ҳайвонларни ҳам+,

 8 Самодаги қушлару денгиздаги балиқларни ҳам,

Денгизларда сузиб юрувчи ҳар қандай жонзотни ҳам.