13 Доно ўғил отасининг таълим-тарбиясини қабул қилади+,
Мазахчи эса танбеҳга қулоқ солмайди+.
2 Инсон яхши сўзларидан яхшилик топади+,
Хоинлар эса нуқул зўравонликни ният қилади.
3 Тилини тийган жонини сақлайди+,
Тилига эрк берган эса ҳалок бўлади+.
4 Ялқов одамнинг орзулари кўп, лекин ҳеч вақоси йўқ+,
Тиришқоқ эса ниятига эришади+.
5 Одил киши ёлғондан нафратланади+,
Ёвузнинг ишлари эса шармандалигу иснод келтиради.
6 Айбсизни адолат ҳимоялайди+,
Гуноҳкорни эса ёвузлик қулатади.
7 Ҳеч вақоси йўқ, аммо ўзини бой қилиб кўрсатадиганлар бор+,
Бой-бадавлат бўла туриб, ўзини камбағалга соладиганлар ҳам бор.
8 Бойлик инсон ҳаёти учун тўловдир+,
Камбағалга эса ҳатто дўқ-пўписа ҳам тегмайди+.
9 Одилнинг нури ярқирайди+,
Ёвузнинг чироғи эса сўниб қолади+.
10 Ўзбилармонлик жанжал келтириб чиқаради+,
Донолик эса маслаҳат излаганлар биландир+.
11 Осон йўл билан топилган бойлик татимайди+,
Пешона тери билан топилган давлат эса кўпаяди.
12 Узоқ ушалмаган умид юракни эзади+,
Бажо бўлган истак эса ҳаёт дарахтидир.
13 Панд-насиҳатни менсимаган жазосини олади+,
Амрларни ҳурмат қилган эса мукофотланади+.
14 Дононинг таълими ҳаёт манбаидир+.
У инсонни ўлим тузоқларидан асрайди.
15 Фаҳм-фаросат эгаси марҳамат топади,
Хоинларнинг йўли эса нотекисдир.
16 Заковатли одам билимига мувофиқ йўл тутади+,
Аҳмоқ эса аҳмоқлигини+ ошкор қилиб қўяди.
17 Ёвуз хабарчи балога йўлиқади+,
Содиқ элчи эса шифо келтиради+.
18 Таълим-тарбияни писанд қилмаган йўқчилигу иснодга учрайди,
Танбеҳга қулоқ тутган эса шуҳрат топади+.
19 Ушалган орзу инсон учун тотлидир+,
Нодон эса ёмонликдан юз ўгиришни истамайди+.
20 Доно билан юрган доно бўлади+,
Нодонга шерик бўлган эса азият чекади+.
21 Гуноҳкорлар бошидан бало аримайди+,
Одил кишининг мукофоти эса фаровонликдир+.
22 Яхши одам невараларига ҳам мерос қолдиради,
Гуноҳкор эса бойлигини одил учун тўплайди+.
23 Фақирнинг ҳайдалган ери кўп ҳосил беради,
Аммо у адолатсизлик касрига қолади.
24 Таёқни аяган ўғлини ёмон кўради+,
Уни яхши кўрган эса таълим беришга жон куйдиради+.
25 Одил қорни тўйгунча ейди+,
Ёвузнинг эса қорни оч юради+.