ҲАЁТ ТАРЗИМИЗ

Ўйин-кулгини донолик билан танланг

Нега ўйин-кулгини донолик билан танлашимиз керак? Сабаби, кўриш учун фильм, тинглаш учун мусиқа, фойдаланиш учун сайт, ўқиш учун китоб ёки ўйнаш учун видеоўйин танлаётганимизда, онгимизни нималар билан тўлдирмоқчи эканимизни танлаган бўламиз. Танловимиз хулқ-атворимизга таъсир қилади. Афсуски, бугунги кундаги ўйин-кулгиларнинг аксарияти Яҳова қоралайдиган нарсаларни ўз ичига олади. (Зб 11:5; Гл 5:19–21) Шунинг учун, Муқаддас Китоб бизни Яҳовани шарафлайдиган нарсалар ҳақида ўйлашда давом этишга чорламоқда. (Флп 4:8)

«ҚАЙСИ ЎЙИН-КУЛГИНИ ТАНЛАШИМ КЕРАК?» НОМЛИ ВИДЕОНИ ТОМОША ҚИЛГАЧ, ҚУЙИДАГИ САВОЛЛАРГА ЖАВОБ БЕРИНГ:

Қайси жиҳатдан қадимги Римдаги гладиаторлик жанглар замонавий ўйин-кулги турларига ўхшаб кетади?
Қай йўсин жамоат аъзолари ёш масиҳийларга ўйин-кулгини донолик билан танлашга ёрдам бера олишади?
Ўйин-кулги танлаётганимизда қай тариқа Римликларга 12:9 қўл келиши мумкин?
Ҳудудингизда тарқалган қайси ўйин-кулги турларини ижобий деб биласиз?

АКТИВ Ё ПАССИВ ЎЙИН-КУЛГИМИ?

Ҳозирги кунда кенг тарқалган ўйин-кулги турларининг аксарияти кишини актив эмас, пассив бўлишга ундайди. Фильмлар, китоблар ва теледастурларда сизнинг эмас, бошқа инсоннинг ижодий ғоялари келтирилади. Пассив ўйин-кулгининг ўз ўрни бўлса-да, кўпчилик актив ўйин-кулги турларини фойдалироқ деб билишади. Масалан, баъзиларга мусиқа асбобида чалиш ёки расм чизиш ёқади. Бошқалар эса очиқ ҳавода дам олишдан, спорт ўйинларидан, сузишдан ва рақсга тушишдан завқ олишади. Қандай ўйин-кулги турини танлашингиздан қатъи назар, келинг, «ҳамма нарсани Худони шарафлаш учун қилайлик». (1Кр 10:31)