7. а) Исонинг масалидаги «боғбон», «ҳақиқий ток» ва «новдалар» кимларни билдиради? б) Яна қайси саволга жавоб топишимиз лозим?

⁷ Юҳанно 15:1–5, 8 ни ўқинг. Исо ҳаворийларига айтган мана шу сўзларга назар солинг: «Мўл-кўл ҳосил бериб менинг шогирдларим эканингизни исботласангиз, Отамни шарафлаган бўласиз». Исо Яҳовани «боғбон», ўзини «ҳақиқий ток», шогирдларини эса «новдалар»га қиёслаганb. Қизиқ, Масиҳнинг издошлари ҳосил келтириши қандай маънога эга? Ушбу масалда Исо ҳосил нимани англатишига урғу бермаган. Мазкур саволга жавоб топишимиз учун бу масалда у ўзгача бир тафсилотни айтиб ўтган.

 8. а) Нима учун Исонинг масалида «ҳосил бериш» шогирд тайёрлаш ишини билдирмайди? б) Яҳова аслида биздан нимани кутади?

⁸ Исо Отаси ҳақида: «Мендаги ҳосил бермайдиган ҳар қандай новдани У кесиб ташлайди»,— деган. Бошқача қилиб айтганда, фақатгина ҳосил берсак Яҳованинг хизматчиси бўла оламиз. (Мат. 13:23; 21:43) Демак, бу масалга кўра, ҳар бир масиҳий келтириши керак бўлган ҳосил шогирдларни тайёрлаш шарафига ишора қилмайди. (Мат. 28:19) Акс ҳолда, одамлар бепарво бўлган ҳудудларда хизмат қилаётган ва шогирд тайёрлашда муваффақият қозона олмаётган содиқ масиҳийлар Исонинг масалидаги ҳосил бермайдиган новдалар бўлиб чиқарди. Бироқ бундай хулоса нотўғри! Зеро, одамларни Исонинг шогирди бўлишга мажбурлай олмаймиз. Қолаверса, бу Яҳованинг севгисидан далолат бермасди. У биздан эплай олмайдиган ишни қилишимизни талаб этмайди. Ҳа, Яҳова қўлимиздан келадиган ишни биздан кутади. (Қонун. 30:11–14)

 9. а) Қандай ишда қатнашиб ҳосил бера оламиз? б) Қайси масалга диққат қаратамиз ва нега?

⁹ Ундай бўлса, ҳосил бериш нимани англатади? Бу барчамизнинг қўлидан келадиган иш. Хўш, Яҳова ҳамма хизматчиларига қандай ишни тайинлаган? Бу Унинг Шоҳлиги ҳақидаги хушхабарни ваъз қилиш ишидирc. (Мат. 24:14) Исонинг уруғ сепувчи ҳақидаги масали буни яққол кўрсатмоқда. Келинг, бу иккинчи масалга диққат қаратайлик.