Bugu Ya Vhuvhili Ya Samuele

8 Nga murahu, Davida a kunda Vhafilisita,+ a vha langa,+ a dzhiela Vhafilisita shango ḽa Methege-ama.

2 A kunda Vhamoaba+ a vha ladza fhasi, a vha kala nga thambo. A kala vhulapfu ha thambo mbili a vha vhulaya, a kala vhulapfu ha thambo nthihi a vha litsha vha tshila.+ Vhamoaba vha vha vhashumeli vha Davida, vha mu ḓisela nduvho.+

3 Davida a kunda Hadadesere murwa wa Rehobo khosi ya Tsoba,+ musi a tshi khou ya u khwaṱhisa vhuhosi hawe ngei Mulamboni wa Yufuratha.+ 4 Davida a thuba vhaṋameli vha bere vha 1 700 na maswole a 20 000. Nga murahu Davida a huvhadza bere dzoṱhe a sia dza 100 fhedzi dzi kokodzaho gariki.+

5 Musi Vhasiria vha Damaseko+ vha tshi swika uri vha thuse Hadadesere khosi ya Tsoba, Davida a vhulaya Vhasiria vha 22 000.+ 6 Davida a vhea tshigwada tsha maswole ngei Siria kha ḽa Damaseko, Vhasiria vha vha vhashumeli vha Davida, vha mu ḓisela nduvho. Yehova a ita uri Davida a kunde hoṱhe he a ya.+ 7 Davida a dzhia zwiṱangu zwa musuku kha vhashumeli vha Hadadesere, a zwi isa Yerusalema.+ 8 Khosi Davida a dzhia koporo nnzhi ngei Beta na Berothai miḓini ya Hadadesere.

9 Thoi khosi ya Hamathi+ a pfa uri Davida o kunda mmbi yoṱhe ya Hadadesere.+ 10 Thoi a rumela murwa wawe Yoramu kha Khosi Davida uri a mu vhudzise mutakalo na u mu fhululedza ngauri o vha o lwa a kunda Hadadesere (nga⁠uri Hadadesere o vha a tshi dzulela u lwa na Thoi), a ḓisa madzanga a siḽiva, a musuku na a koporo. 11 Khosi Davida a ṋekedza Yehova eneo madzanga na siḽiva na musuku zwine zwa bva kha tshaka dze a dzi kunda:+ 12 u bva Siria, Moaba,+ kha Vhaamoni, Vhafilisita+ na Vhaamaleke+ na zwe a thuba kha Hadadesere+ murwa wa Rehobo khosi ya Tsoba. 13 Davida o dovha a ḓiitela dzina musi a tshi bva u vhulaya Vhaedomo vha 18 000 Govhani ḽa Muṋo.+ 14 A vhea tshigwada tsha maswole ngei Edomo. Kha ḽoṱhe ḽa Edomo a vhea tshigwada tsha maswole, Vhaedomo vhoṱhe vha vha vhashumeli vha Davida.+ Yehova a ita uri Davida a kunde hoṱhe he a ya.+

15 Davida a bvela phanḓa a tshi vhusa ḽoṱhe ḽa Isiraele,+ Davida o vha a tshi sumbedza vhathu vhawe vhoṱhe+ khaṱhulo yo teaho na u luga.+ 16 Yoaba+ murwa wa Tseruya o vha e mulangammbi, Yehoshafati+ murwa wa Alihudu o vha e muvhulungi wa maṅwalo. 17 Tsadoko+ murwa wa Ahitobo na Ahimeleke murwa wa Abiathara vho vha vhe vhotshifhe, Seraya o vha e muṅwaleli. 18 Benaya+ murwa wa Yehoyada o vha a tshi langa Vhakireti na Vhapelethi.+ Vharwa vha Davida vho vha vhe vhaḓinḓa vhahulwane.