Bugu Ya U Thoma Ya Koronika

25 Zwiṅwe hafhu, Davida na vharangaphanḓa vha zwigwada zwa mushumo vho khethekanya vhaṅwe vha vharwa vha Asafu, Hemani na Yeduthuni+ uri vha shume u porofita nga haripa, zwilidzo zwi re na ṱhale+ na simbala.+ Mutevhe wa vhanna vho nangiwaho u ita wonoyo mushumo 2 kha vharwa vha Asafu ndi hoyu: Sakure, Yosefa, Nethania na Asarela, vharwa vha Asafu vho rangwa phanḓa nga Asafu, we a vha a tshi porofita o livhiswa nga khosi. 3 Kha Yeduthuni,+ vharwa vha rathi vha Yeduthuni vho vha vhe: Gedalia, Tseri, Yeshaya, Shimei, Hasabia na Mathithia,+ vha tshi livhiswa nga khotsi avho Yeduthuni we a vha a tshi porofita nga haripa, a tshi livhuwa na u renda Yehova.+ 4 Kha Hemani,+ vharwa vha Hemani vho vha vhe: Bukia, Mathanya, Usiele, Shebuele, Yerimothe, Henania, Henani, Eliatha, Gidalithi, Romamathi-esere, Yosebekasa, Malothi, Hothiri na Mahasiothe. 5 Vhenevha vhoṱhe vho vha vhe vharwa vha Hemani, muvhoni wa khosi kha mafhungo a tshimbidzanaho na Mudzimu wa ngoho na vhugala* hawe; Mudzimu wa ngoho a ṋea Hemani vharwa vha 14 na vhananyana vhararu. 6 Vhenevho vhoṱhe vho vha vhe nga fhasi ha vhulivhisi ha khotsi avho u itela u imba nḓuni ya Yehova nga simbala, zwilidzo zwi re na ṱhale na haripa+ kha mushumo wa nḓuni ya Mudzimu wa ngoho.

Asafu, Yeduthuni na Hemani vho vha vha tshi livhiswa nga khosi.

7 Tshivhalo tshavho na vhahavho vho gudiswaho u imbela Yehova, vhoṱhe vhe vhomakone, tsho vha tshi 288. 8 Ngauralo, vha ita madeṅwa+ kha mishumo yavho, vhaṱuku na vhahulwane, vhomakone na vhane vha kha ḓi guda.

9 Deṅwa ḽa u thoma ḽe ḽa vha ḽi ḽa Asafu ḽa vha ḽa Yosefa,+ ḽa vhuvhili ḽa vha ḽa Gedalia+ (ene na vharathu vhawe na vharwa vhawe vhe 12); 10 ḽa vhuraru ḽo vha ḽi ḽa Sakure,+ vharwa vhawe na vharathu vhawe vho vha vhe 12; 11 ḽa vhuṋa ḽo vha ḽi ḽa Yitsiri, vharwa vhawe na vharathu vhawe vho vha vhe 12; 12 ḽa vhuṱanu ḽo vha ḽi ḽa Nethania,+ vharwa vhawe na vharathu vhawe vho vha vhe 12; 13 ḽa vhurathi ḽo vha ḽi ḽa Bukia, vharwa vhawe na vharathu vhawe vho vha vhe 12; 14 ḽa vhusumbe ḽo vha ḽi ḽa Yesarela, vharwa vhawe na vharathu vhawe vho vha vhe 12; 15 ḽa vhumalo ḽo vha ḽi ḽa Yeshaya, vharwa vhawe na vharathu vhawe vho vha vhe 12; 16 ḽa vhuṱahe ḽo vha ḽi ḽa Mathanya, vharwa vhawe na vharathu vhawe vho vha vhe 12; 17 ḽa vhufumi ḽo vha ḽi ḽa Shimei, vharwa vhawe na vharathu vhawe vho vha vhe 12; 18 ḽa vhu 11 ḽo vha ḽi ḽa Azariele, vharwa vhawe na vharathu vhawe vho vha vhe 12; 19 ḽa vhu 12 ḽo vha ḽi ḽa Hasabia, vharwa vhawe na vharathu vhawe vho vha vhe 12; 20 ḽa vhu 13 ḽo vha ḽi ḽa Shubaele,+ vharwa vhawe na vharathu vhawe vho vha vhe 12; 21 ḽa vhu 14 ḽo vha ḽi ḽa Mathithia, vharwa vhawe na vharathu vhawe vho vha vhe 12; 22 ḽa vhu 15 ḽo vha ḽi ḽa Yeremothe, vharwa vhawe na vharathu vhawe vho vha vhe 12; 23 ḽa vhu 16 ḽo vha ḽi ḽa Henania, vharwa vhawe na vharathu vhawe vho vha vhe 12; 24 ḽa vhu 17 ḽo vha ḽi ḽa Yosebekasa, vharwa vhawe na vharathu vhawe vho vha vhe 12; 25 ḽa vhu 18 ḽo vha ḽi ḽa Henani, vharwa vhawe na vharathu vhawe vho vha vhe 12; 26 ḽa vhu 19 ḽo vha ḽi ḽa Malothi, vharwa vhawe na vharathu vhawe vho vha vhe 12; 27 ḽa vhu 20 ḽo vha ḽi ḽa Eliatha, vharwa vhawe na vharathu vhawe vho vha vhe 12; 28 ḽa vhu 21 ḽo vha ḽi ḽa Hothiri, vharwa vhawe na vharathu vhawe vho vha vhe 12; 29 ḽa vhu 22 ḽo vha ḽi ḽa Gidalithi,+ vharwa vhawe na vharathu vhawe vho vha vhe 12; 30 ḽa vhu 23 ḽo vha ḽi ḽa Mahasiothe,+ vharwa vhawe na vharathu vhawe vho vha vhe 12; 31 ḽa vhu 24 ḽo vha ḽi ḽa Romamathi-esere,+ vharwa vhawe na vharathu vhawe vho vha vhe 12.