Sarà che se pol risolver i problemi con violensa?

Ancoi, tante persone le pensa che se pol risolver i problemi con violensa. Ma questa maniera de pensar la va contra quel che Gesù el ga insegnà e quel che el ga fato. Pensaghe sora el bel esémpio de Gesù e arquanti dei so insegnamenti.

Cossa che Gesù el ga insegnà?

Nte un discorso che Gesù el ga fato, lu el ga insegnà che no ghemo de proar risolver i problemi con ràbia, barufe e violensa. Varda arquanti esempi.

• “Gavé sempre de tratar le persone dela maniera che volé esser tratadi.” (Mateo 7:12; Luca 6:31) Questo consìlio el mostra che ghemo de far ai altri quel che volemo che i fae a noantria. Sicuro che no volemo mia esser tratadi con violensa. Alora, ghemo de tratar tute le persone con bontà e rispeto, anca se lore le pensa de maniera difarente de noantri.

• “Se qualchedun te dà un sciafon nela to fàcia, te ghè de assar che el te dae nela altra banda dela fàcia.” (Mateo 5:38, 39; Luca 6:29) Gesù no’l ga mia insegnà che ghemo de voler esser maltratadi. Difarente de quel che i lìderi religiosi de quel tempo i insegnea, Gesù el ga dito che no ghemo mia de vingarse. Lu el ga insegnà che ghemo de tratar i altri con bontà, anca se i proa farne mal.b

• “Seité a amar i vostri nemighi.” (Mateo 5:43, 44; Luca 6:27) Gesù el ga insegnà che ghemo de mostrar bontà a quei che i ne òdia o che i ne trata mal. Lu no’l ga mia volesto dir che ghemo de esser de acordo cole robe brute che i fà.c Ma quando mostremo bontà a quei che i ne òdia, podemo giutarli a restar pi calmi e a tratarne con bontà.

Cossa che Gesù el ga fato e el ndarà far?

Gesù el ga insegnà che no ghemo de risolver i problemi con violensa, e lu el fea pròpio quel che el insegnea. Nela note che Gesù l’è stà metesto in preson, un dei so dissìpoli el ga doperà violensa par proar protegerlo. Ma Gesù el ga dito: “Meti via la spada, parché tuti quei che i ciapa la spada i sarà copadi cola spada.” (Mateo 26:52) Gesù el mostrea amor par i so nemighi e par quei che i lo tratea mal. Lu li perdonea e fin el preghea par lori! — Luca 23:33, 34; 1 Piero 2:23.

La Bìblia la dise che Gesù, el Prìnsipe dela Pace, presto el finirà cola violensa. (Isaia 9:6, 7) Par saver de pi sora questo bel futuro, ledi el artìcolo “Como as guerras vão acabar?”.