Ghen sarà pace in tuto el mondo

Le persone le vol che ghen sìpia pace in tuto el mondo. Fà miliari de ani che i governanti i proa finir cola violensa. Dele volte, lori i ze boni de giutar che ghen sìpia pace par un tempo. Ma dopo le persone le torna a esser violente. Sarà che un giorno ghen sarà pace in tuto el mondo? Par saver la risposta, varda quel che Gesù el ndarà far e quel che el ga insegnà.

Cossa che Gesù el ndarà far?

La Bìblia la insegna che presto Gesù el farà che ghen sìpia pace in tuto el mondo.

• ‘El nome de Gesù el sarà Prìnsipe dela Pace. El so governo el ndarà esser cada volta pi forte e la pace no la se finirà.’ (Isaia 9:6, 7) Come Rè del Regno de Dio, Gesù el farà che tute le persone le viva in pace par sempre.

• “Lu el giutarà i poareti che i fà sùplica par aiuto . . . e tuti quei che ghe ocore de aiuto.” (Salmo 72:12-14) Gesù el ndarà doperar la so autorità dela meio maniera. Tuti i sarà tratadi con giustìssia e no ghen sarà pi guere, violensa e sofrimento.

• “Le nassion no le alsarà la spada una contra le altre, gnanca le impararà mai pi a far la guera.” (Isaia 2:4) Quando Gesù el governarà, tuti i umani i ndarà imparar a viver in pace invesse de imparar a esser violenti.

Par saver come che questo sucederà e come che te pol viver nte un mondo cossita, varda el vìdeo Cossa che l’è el Regno de Dio?

Cossa che Gesù el ga insegnà?

Quel che Gesù el ga insegnà l’è drio giutar milioni de persone a viver in pace. Nte un discorso ben cognossesto che Gesù el ga fato, lu el ga insegnà come che podemo gaver pace un colaltro. Varda arquanti esempi.

• “Quei che i fà la pace coi altri i ze felici.” (Mateo 5:9) Gesù el ga insegnà ai so dissìpoli che no i gavaria de barufar. E el ga insegnà anca a far la pace se vegnesse fora problemi con nantra persona.

• “Prima, te ghè de far pace col to fradel. Dopo, torna indrio par far el to sacrifìssio.” (Mateo 5:23, 24) Gesù el ga insegnà ai so dissìpoli che i gavaria de risolver presto i problemi intrà de lori. Lu el ga insegnà anca che ghemo de esser in pace coi altri se volemo gaver una bona amicìssia con Dio.

• “Fermeve de giulgar, cossita valtri no saré mia giulgadi.” (Mateo 7:1) Gesù el ga dito che no ghemo de giulgar i altri gnanca de spetar che i fae le robe che gnanca noantri semo boni de farle. Lu el ga insegnà che ghemo de ‘seitar perdonar’ i sbali dei altri. — Luca 6:37.

Persone in tuto el mondo le ze drio meter in pràtica quel che Gesù el ga insegnà. Anca in posti ndove ghen’è tanta violensa, queste persone le ze drio imparar a darghene fora coi problemi sensa esser violente, a perdonar i altri e a mostrar amor anca quando le ze maltratade.

Par saver come quel che Gesù el ga insegnà l’è drio giutar tanti a gaver pace, ledi el artìcolo “Encontre a paz apesar das guerras”.